ཕ་ཡུལ་དྲན་སོང་།
ཚིག དུང་དཀར་ནམ་མཁའ།
དབྱངས བསྟན་པ་འཕེལ་རྒྱས།
གཞས་མ བསྟན་འཛིན་བདེ་གསལ།
ང་རང་སྐྱེས་ས་མཚར་ས།
མི་ཡུལ་ལུང་པ་ཡིན་པས།
དུས་རྒྱུན་འཚོ་བའི་ཁྲོད་ན།
འཛམ་གླིང་ས་ཡི་ཡང་རྩེ།
ཕ་ཡུལ་གངས་ལྗོངས་ཕྱུག་མོ།
ནམ་ཡང་ཡིད་ལ་དྲན་སོང་།
ཨེ་མ། ཕ་ཡུལ་གངས་ལྗོངས། ཆོས་ལྡན་ལྷའི་ཞིང་ཁམས།
ཆོལ་གསུམ་བོད་རིགས་སྤུན་ཟླ། ནམ་ཡང་སེམས་ལ་འཁོར་ཡོད།
འཚར་ས་མི་ཡུལ་ཡིན་ཡང་།
རང་གི་ཤ་ཁྲག་རུས་གསུམ།
བོད་རིགས་ཡིན་པ་བརྗེད་མེད།
གཞིས་ཁྱིམ་རྒྱང་ལ་ཡོད་པས།
རྒྱུས་མེད་ས་མཐའི་ཡུལ་ནས།
མ་ཡུམ་གངས་ལྗོངས་དྲན་སོང་།
ཨེ་མ། ཕ་ཡུལ་གངས་ལྗོངས། ཞི་བདེ་ཡི་ཞིང་ཁམས།
བཅུ་ཕྲག་རིག་གཞུང་དར་ས། གངས་ལྗོངས་ཕྱུག་མོ་དྲན་སོང་།
