མཚོ་སྔོན་བོད་ལུགས་ཁྱིམ་ཆས་ཚད་ཡོད་ཀུང་སིའི་ལས་བཟོ་བ་ཚེ་བརྟན་སྒྲོལ་མ་ཡིས་བཤད་རྒྱུར།ང་ཀུང་སི་འདིར་ཡོང་ནས་ལོ7ལྷག་ཙམ་འགོར།ངའི་ལས་ཀ་ནི་ཁྱིམ་ཆས་སྣ་ཚོགས་ཀྱི་རི་མོ་རྐོ་བ་དང་བརྡར་རྒྱུ་དེ་ཡིན།ཟླ་རེར་གླ་ཆ་སྒོར8000ནས11000ཙམ་ཡོད།འདིས་ངེད་ཚང་གི་དཔལ་འབྱོར་ཡོང་འབབ་འཕར་བ་མ་ཟད།ཁྱིམ་མིར་ལྟ་རྟོག་ཡང་བྱེད་ཐུབ་པས་ངོ་མ་ཅིག་བཟང་ཟེར།
བསོད་ནམས་དབང་ཅན་གྱིས་ཕའི་རྒྱབ་སྐྱོར་དང་རོགས་རམ་འོག་རང་ངོས་ཀྱི་ལག་རྩལ་མཐོ་རུ་གཏོང་གང་ཐུབ་བྱེད་ཀྱིན་ཡོད།སྲོལ་རྒྱུན་གྱི་བོད་ལུགས་ཁྱིམ་ཆས་བཟོ་རྩལ་ལ་རྒྱུ་ཆ་ལེན་པ་ནས་ཞིབ་པར་རྐོ་བའི་བར་དང་།བརྡར་རྩི་རྒྱག་པ།རྒྱན་སྤྲས་པ་བཅས་ཀྱི་ལྷུ་ཚིགས་ཚང་མར་ཁོ་ཚོའི་དཀའ་སྤྱད་དང་འབད་བརྩོན་འདུས་ཡོད།ཁྱིམ་ཆས་སྤུས་ལེགས་དེ་དག་ནི་ལག་རྩལ་གྱི་ཉིང་བཅུད་ཡིན་ལ།རིག་གནས་རྒྱུན་འཛིན་གྱི་དཔེ་རིས་ཤིག་ཀྱང་ཡིན།
མཚོ་སྔོན་བོད་ལུགས་ཁྱིམ་ཆས་ཚད་ཡོད་ཀུང་སིའི་འགན་འཁུར་བ་བསོད་ནམས་དབང་ཅན་གྱིས་བཤད་རྒྱུར།ང་ཚོའི་ཀུང་སི་བཙུགས་ཚུན་ས་གནས་མང་ཚོགས15ཙམ་ལས་ཞུགས་ཐུབ་པ་དང་ཁོ་ཚོས་འདི་རུ་ཤིང་བརྐོས་དང་བརྡར་གཏོང་ལག་རྩལ་སྦྱོང་ཐུབ།ཁྱིམ་ཆས་དེ་དག་གཙོ་བོ་མཚོ་བྱང་ཁུལ་དང་།མཚོ་ནུབ་ཁུལ།ཆུ་ལེན་རྫོང་།རྨ་ལྷོ་རྫོང་།གཅན་ཚ་རྫོང་སོགས་མཐའ་འཁོར་ས་ཁུལ་དུ་འཚོང་གི་ཡོད།རྗེས་མར་ཀུང་སིས་ས་གནས་འདིའི་མང་ཚོགས་ལ་མུ་མཐུད་ལས་ཞུགས་ཐུབ་པ་བྱས་ནས་གྲོང་གསེབ་དར་རྒྱས་ཡོང་ཆེད་སྟོབས་ཤུགས་འབུལ་རྒྱུ་ཡིན་ཟེར།
རྩོམ་སྒྲིག་པ། འབྲུག་མཚོ་སྐྱིད།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
