![]()
གསར་འགྱུར་གལ་ཆེན།
➤ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་ཡིག་སྒྱུར་བྱས་པའི《ཞི་ཅིན་ཕིང་གི་ཀྲུང་གོའི་རྣམ་པའི་དེང་རབས་ཅན་སྐོར་གྱི་རྣམ་བཤད་གནད་བསྡུས》ཞེས་པའི་ཨ་རབ་ཡི་གེའི་པར་མ་ཉེ་ཆར་ཀྲུང་དབྱང་རྩོམ་སྒྱུར་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཁབ་ཕྱི་ནང་དུ་འགྲེམས་སྤེལ་བྱས་པ་རེད།➤ཉེ་ཆར། ཀྲུང་གུང་ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གིས《འབྲུ་རིགས་གྲོན་ཆུང་དང་བཟའ་བཅའ་ཆུད་ཟོས་ལ་ངོ་རྒོལ་བྱེད་པའི་འགུལ་སྐྱོད་ཇུས་གཞི》པར་འགྲེམས་བྱས།➤ཚེས25ཉིན། ཆེས་མཐོའི་མི་དམངས་ཁྲིམས་ཁང་དང་ཀྲུང་ཧྭའི་རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱིས་མཉམ་འབྲེལ་ཐོག་ཁྱིམ་ཚང་གི་གཏུམ་སྤྱོད་ཉེས་གསོག་ལ་ངོ་རྒོལ་བྱེད་པའི་དཔེ་མཚོན་གྱོད་དཔེ5ཁྱབ་བསྒྲགས་བྱས་པ་རེད།➤ཚེས25ཉིན། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུས་སྒྲིག་འགལ་གྱི་དཔྱད་འདེམས་དང་བྱ་དགའ་སྤྲོད་པའི་བྱེད་སྒོའི་ཐེར་འདོན་སྟེགས་བུ་བཏོད་ཅིང་། གལ་སྲིད“རྒྱལ་ཁབ”དང་། “ཀྲུང་གོ”“མི་དམངས”“སོགས་ཀྱི་གོ་དོན་དང་འདྲ་བའི་ཡིག་འབྲུ་ཡོད་པ་དང་། ཆོག་མཆན་མ་ཐོབ་པར་སྤེལ་བའི་སྒྲིག་འགལ་གྱི་དཔྱད་འདེམས་དང་བྱ་དགའ་སྤྲོད་པའི་བྱེད་སྒོ་ཤེས་རྟོགས་བྱུང་ཚེ་ཐེར་འདོན་བྱ་ཆོག➤རྒྱལ་ཁབ་ནགས་རྩྭ་ཅུ་ཡིས་གནས་ཚུལ་སྤེལ་བར་གཞིགས་ན། མིག་སྔར་རང་རྒྱལ་གྱི་བཅོས་སྐྱོང་བྱེད་ཆོག་པའི་བྱེ་འགྱུར་ས་ཆ53%ལ་བཅོས་སྐྱོང་ནུས་ལྡན་ཐུབ་ནས་བྱེ་འགྱུར་ས་ཆའི་རྒྱ་ཁྱོན་མུའུ་ཁྲི6500ཇེ་ཉུང་དུ་ཕྱིན་ཡོད་པ་རེད།➤རྒྱལ་ཁབ་སྨན་བཅོས་འགན་བཅོལ་ཅུ་ཡིས་གནས་ཚུལ་སྤེལ་བར་གཞིགས་ན། མིག་སྔར། ཞིང་ཆེན་ཚང་མར་ལས་བཟོའི་སྨན་བཅོས་འགན་བཅོལ་གྱི་མི་སྒེར་གྱི་རྩིས་ཐོ་ཞིང་ཆེན་ནང་ཁུལ་དུ་མཉམ་དུ་རོགས་སྐྱོབ་བྱེད་ཐུབ་ཡོད་པ་དང་། ཞིང་ཆེན23གྱིས་རོགས་སྐྱོབ་བྱེད་པའི་ཁྱབ་རྒྱ“གཉེན་ཉེ”བར་མང་དུ་བཏང་ཡོད་པ་རེད།![]()
➤ཚེས25ཉིན། རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་སུ་རྒྱང་སྐྱོད་ཨང་གཉིས་པ་ག་པའི་སྐྱེལ་འདྲེན་མེ་ཤུགས་འཕུར་མདའ་སྤྱད་དེ། རྩ་བཞིའི་མཐོ་ལྗོངས（四维高景）ཨང་གཉིས་པའི་སྲུང་སྐར03དང04མཁའ་དབྱིངས་སུ་འཕེན་གཏོང་བྱས་པ་རེད།![]()
➤ཚེས25ཉིན། རང་རྒྱལ་གྱིས་རང་བརྟེན་ངང་ཞིབ་བཟོ་བྱས་པའིLNG（གཤེར་འགྱུར་རང་བྱུང་སོལ་རླངས）སྐྱེལ་འདྲེན་གྲུ་གཟིངས་ཆེ་གྲས་གསར་པ་ཐོག་མ་དེ། ཧྲང་ཧའེ་རུ་ཕྱི་རྒྱལ་གྱི་འཛད་སྤྱོད་པར་རྩིས་སྤྲད་པ་དང་། དེས་གྲུ་གཟིངས་དེའི་བཟོ་སྐྲུན་ཁྱབ་ཁོངས་ཀྱི་རང་རྒྱལ་གྱི་སྟོང་ཆ་བསྐངས་པ་རེད།➤ཚེས25ཉིན། ཨེ་ཅིབ་ཧུང་ཧའེ་ཞིང་ཆེན་སྲིད་གཞུང་གིས་གསལ་བསྒྲགས་སྤེལ་ནས། མི45ཡོད་པའི་གྲུ་གཟིངས་ཤིག་ཨ་ལའེ་མུའུ་གྲུ་ཁའི་ཉེ་འགྲམ་གྱི་ཧུང་ཧའེ་མཚོ་ཁོངས་སུ་ཆུར་ཐིམ་པ་རེད།➤ཀྲུང་དབྱང་གནམ་གཤིས་ལས་ཁུངས་ཀྱིས་གྲང་རྒྱུན་གྱི་ཉེན་བརྡ་བཏང་སྟེ། ཚེས25ཉིན་གྱི་ཆུ་ཚོད20ནས་ཚེས28ཉིན་གྱི་ཆུ་ཚོད8པའི་བར་དུ། རང་རྒྱལ་གྱི་དབུས་ཤར་ས་ཁུལ་མང་ཆེ་བའི་དྲོད་ཚད་སྔ་རྗེས་སུ6~10℃མར་ཆག་རྒྱུ་ཡིན་པ་དང་། དེའི་ནང་། ཧེ་ལུང་ཅང་གི་ས་ཁུལ་མང་ཆེ་བ་དང་། ཅི་ལིན་གྱི་ས་ཁུལ་མང་ཆེ་བ། ལེའོ་ཉིང་གི་དབུས་བྱང་རྒྱུད་ཀྱི་ས་ཁུལ་ཁ་ཤས་བཅས་ཀྱི་དྲོད་ཚད12~14℃བར་མར་ཆག་རྒྱུ་ཡིན་པ་རེད།➤རང་རྒྱལ་གྱིས་སྣེ་འཁྲིད་དེ་བཟོས་པའི་འཁྱག་སྦྲེལ་ཟོག་འགྲེམས་ཀྱི་འབྲེལ་གཏུག་སྡེབ་སྐྱེལ་ཁྱབ་ཁོངས་ཀྱི་རྒྱལ་སྤྱིའི་ཚད་གཞི་ཐོག་མ་དེ་ཉེ་ཆར་དངོས་སུ་ཁྱབ་བསྒྲགས་བྱས་པ་རེད།➤ཉིན་ཤས་གོང་། པེ་ཅིང་གྲོང་ཁྱེར་གྱིས་སྤྱི་ཚོགས་འགན་སྲུང་གཱ་རབས་གསུམ་པ་གཅིག་སྡུད་ཐོག་བརྗེ་རེས་བྱས་ནས་པེ་ཅིང་དང་། ཐེན་ཅིན། ཧོ་པེ་བཅས་ས་ཁུལ་གྱི“གཱ་གཅིག་ཀུན་སྒྲུབ”ཀྱི་བཀོལ་སྤྱོད་བྱ་ཡུལ་སྣ30བར་མང་དུ་ཕྱིན་ཡོད་པ་རེད།➤ཞིབ་དཔྱོད་ལས་ཁུངས་ཀྱིས་བཟོ་ལས་དང་ཆ་འཕྲིན་ཅན་པུའི་དེ་སྔའི་ཏང་ཙུའུ་ཁོངས་མིའམ། རྒྱལ་ཁབ་རྡོ་ཐ་ཆེད་འཚོང་ཅུའི་དེ་སྔའི་ཏང་ཙུའུ་ཧྲུའུ་ཅི་དང་ཅུ་ཀྲང་། ཀྲུང་གོའི་རྡོ་ཐ་སྤྱི་ཁྱབ་སྤྱི་གཉེར་གྱི་དེ་སྔའི་སྤྱི་གཉེར་བ་ལིང་ཁྲེང་ཞིན་གྱིས་ལྐོག་རྔན་བླངས་པ་དང་རྒྱལ་ཁབ་ལ་དབང་བའི་སྤྱི་གཉེར་མི་སྣས་འགན་དབང་གང་བྱུང་དུ་སྤྱད་པའི་གྱོད་དོན་བཅས་ལ་ཁྲིམས་ལྟར་གཞུང་ཕྱོགས་ནས་ཞུ་སྦྱོར་བྱས་ཡོད།![]()
➤ཉེ་ཆར། ཕྱི་རྒྱལ་དུ་ལོ་གསུམ་ཙམ་ལ་བྲོས་བྱོལ་བྱས་པའི“7·09”ལྐོག་འདྲེན་གྱོད་དོན་ཏེ“ཧུང་ཐུང”ཉེས་ཅན་ལིན་ཆེ་གེ་མོ་བཟུང་ནས་ཕྱིར་རྒྱལ་ནང་དུ་བསྐྱལ།➤ཚེས25ཉིན། ལྷོ་ཆུ་བྱང་འདྲེན་གྱི་ཤར་རྒྱུད་ཆུ་ལམ་གྱི་དུས་ཐེངས་དང་པོའི་ལས་གྲྭའི2024ལོ་ནས2025ལོ་འཁོར་གྱི་ཆུ་འདྲེན་མགོ་ཚུགས།➤ཉིན་ཤས་གོང་། རྨ་ཆུའི་ཧྲན་ཏུང་དུམ་བུར་སླར་ཡང་གཙང་པོ་བརྒལ་བའི་བགྲོད་ལམ་གཉིས་བསྣན་པ་དང་། ཅི་ནན་གྱི་རྨ་ཆུའི་ཟམ་ཆེན་གྱི་གཙོ་ཐིག་དང་ཅི་ནན་རྨ་ཆུའི་ཆི་ལུའུ་ཟམ་ཆེན་ཡང་དུས་གཅིག་ཏུ་རླངས་འཁོར་ཤར་གཏོང་ཐུབ་ནས་རྨ་ཆུའི་ལྷོ་བྱང་ངོགས་གཉིས་སུ་འགྲོ་སྐྱོད་བྱེད་པའི་དུས་ཚོད་ཐུང་དུ་ཕྱིན་ཡོད་པ་རེད།➤ཚེས25ཉིན། WTTའཛམ་གླིང་ཕིང་ཕང་སྤོ་ལོའི་མཉམ་འབྲེལ་གྱིསWTT1000+འགྲན་སྡུར་གྱི་སྐྱེས་པའི་རྐྱང་འགྲན་དང་བུད་མེད་རྐྱང་འགྲན་གྱི་ཨང་དང་པོ་རྩོད་པའི་བང་རིམ་ནང་ཝང་ཁྲུའུ་ཆིན་དང་སུན་དབྱིན་ཧྲ་གཉིས་ཀྱིས་སྐྱེས་པའི་རྐྱང་འགྲན་དང་བུད་མེད་རྐྱང་འགྲན་འགྲན་སྡུར་གྱི་ཨང་དང་པོ་རྩོད་པའི་བང་རིམ་གྱི་ཨང་དང་པོ་བླངས་པ་རེད།![]()
➤ཉེ་ཆར། པེ་ཅིང་ཨའོ་སེན་སྤྱི་གླིང་དུ་ཀྲུང་གོར་དམིགས་བསལ་དུ་ཡོད་པའི་རྩ་ཆེའི་འདབ་ཆགས་རིགས་ཏེ“འདབ་ཆགས་ཁྲོད་ཀྱི་དོམ་ཁྲ”ཞེས་འབོད་པའི་ཀྲེན་ཏན་བྱ་རོག་ཅིག་མཐོང་བ་རེད།![]()
➤ཉེ་ཆར། ཧྲེན་ཀྲེན་མཚོ་ཁུག་གི་བུད་མེད་ཅིག་སེམས་ཆུང་མ་བྱས་པར་ཆུའི་ནང་དུ་ལྷུང་བ་དང་། ཉེན་ཁའི་སྐབས་སུ་ཉེ་འགྲམ་དུ་རྐང་འཁོར་ལ་ཞོན་ནས་འགྲོ་བཞིན་པའི་དབྱང་ཅ་ཧའོ་ཆུའི་ནང་དུ་མཆོང་སྟེ་བུད་མེད་དེ་བསྐྱབས།➤ཧྲའན་ཞི་ཡིས་བྱེད་ཐབས་པར་འགྲེམས་བྱས་ནས་མི་བཀོལ་ཚན་པས་རང་འགུལ་ངང་ཚན་པ་དེ་གའི་ལོ་ཚད་ལས་བརྒལ་བའི་མི་སྣ་དང་དངོས་སྦྱོང་སློབ་མའི་འགན་བཅོལ་རིགས་རྐྱང་པའི་ལས་རྨས་འགན་བཅོལ་ནང་ཞུགས་པ་དང་ལས་རྨས་འགན་བཅོལ་གྱི་གྲོན་དངུལ་འཇལ་ཆོག➤ཀུའེ་ཀྲོའུ་ཡིས་བསམ་འཆར་པར་འགྲེམས་བྱས་ནས2025ལོར་སླེབས་སྐབས། རྒན་པ་སྟོང་རེ་དང་རྒན་གསོའི་སྒྲིག་གཞིའི་ཉལ་ཁྲི་བརྒྱ་རེར་སྤྱི་ཚོགས་ཀྱི་ལས་དོན་པ་རེ་ཡོད་པ་བྱེད་དགོས་ཞེས་བཏོན་ཡོད་པ་རེད།➤ཀོང་ཏུང་གིས་ཇུས་གཞི་པར་འགྲེམས་བྱས་ནས2027ལོར་སླེབས་སྐབས། ཞིང་ཆེན་ཡོངས་ཀྱི་སྤྲོ་གསེང་གྲུ་གཟིངས་ཐོ་འགོད་བྱེད་ཚད4000ཡན་ཟིན་པ་དང་། སྤྲོ་གསེང་གྲུ་གཟིངས་དང་འབྲེལ་ཡོད་ཐོན་ལས་ཀྱི་གཞི་ཁྱོན་སྒོར་དུང་ཕྱུར1000ཡན་ཟིན་པ་བྱ་རྒྱུ་ཡིན་ཞེས་བཏོན་ཡོད་པ་རེད།དེ་རིང་གི་གནམ་གཤིས།
![]()
➤ནང་སོག་གི་དབུས་ཤར་རྒྱུད་དང་། བྱང་ཤར་གྱི་ས་ཁུལ་མང་ཆེ་བ། བོད་ལྗོངས་ཀྱི་ཤར་རྒྱུད། ཧྲན་ཏུང་གི་བྱང་རྒྱུད། ཧོ་པེ་ས་ཁུལ་གྱི་ནུབ་བྱང་རྒྱུད། ཁྲོན་ཞི་མཐོ་སྒང་གི་ལྷོ་རྒྱུད་སོགས་ས་ཁུལ་ཁ་ཤས་སུ་ཁངས་ཆུང་བ་ནས་འབྲིང་ཙམ་དང་ཡང་ན་ཁངས་ཆར་འདྲེས་མ་འབབ་རྒྱུ་རེད། ལིའོ་ཏུང་ཕྱེད་གླིང་དང་། ཧྲན་ཏུང་ཕྱེད་གླིང་། ཅང་ནན་གྱི་ས་ཁུལ་མང་ཆེ་བ། ལྷོ་ནུབ་ས་ཁུལ་གྱི་ཤར་རྒྱུད། ཧྭ་ནན་གླིང་ཕྲན། ཧའེ་ནན་གླིང་ཕྲན། ཐའེ་ཝན་གླིང་ཕྲན་གྱི་བྱང་རྒྱུད་དང་ཤར་རྒྱུད་སོགས་ས་ཁུལ་ཁ་ཤས་སུ་ཆར་ཆུང་ཆུང་ནས་འབྲིང་ཙམ་འབབ་རྒྱུ་དང་། ས་ཆ་ཁ་ཤས་སུ་ཆར་ཆེན་འབབ་རྒྱུ་རེད།
ཡོང་ཁུངས། མཚོ་བྱང་ཁུལ་མི་དམངས་སྲིད་གཞུང་དྲ་བ།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་། ![]()
责编/项吉当知
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
