شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى. 1 - ايدىڭ 1 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان امەريكا ۆاشينگتون شتاتى ورتا مەكتەبىندەگى وقىتۋشى - وقۋشىلار ۋاكىلدەرىنە قايتارا جاڭا جىلدى قۇتتىقتاۋ كارتچكاسىن جىبەرىپ، جاڭا جىل بايلانىسىمەن تىلەك تىلەپ، مىنالاردى ءبىلدىردى: 2025 - جىل − جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى. دۇنيە جۇزىلىك 2 - سوعىس كەزىندە، جۇڭگو مەن امەريكا بەيبىتشىلىك پەن ادىلەتتىلىك جولىندا بىرگە سوعىستى، ەكى ەل حالقىنىڭ دوستىعى قاندى كۇرەس سىناعىن باستان وتكەرىپ، ۋاقىت وتكەن سايىن جاڭاردى. جۇڭگو − امەريكا ەكى ەل جاستارى مەن جاس وسپىرىمدەرىنىڭ ”الداعى 5 جىلدا امەريكالىق 50 مىڭ جاس پەن جاس ءوسپىرىمدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتۋ“ باستاماسىنا ۇزدىكسىز بەلسەنە ات سالىسىپ، اۋىس - كۇيىستى، ىقپالداستىقتى كۇشەيتىپ، ءوزارا ءتۇسىنىسۋدى ارتتىرىپ، ءداستۇرلى دوستىقتى جالعاستىرىپ، جۇڭگو − امەريكا قارىم - قاتىناسىنىڭ دامۋىن ىلگەرىلەتۋگە، دۇنيە ءجۇزىنىڭ بەيبىتشىلىگىن جەبەۋگە كۇش قوسۋىن ءۇمىت ەتەمىز.
وسىدان بۇرىن، امەريكا ۆاشينگتون شتاتى امەريكا − جۇڭگو جاستار مەن جاس ءوسپىرىم وقۋشىلار اۋىس - كۇيىس قوعامىنىڭ جانە لينكولن ورتا مەكتەبىنىڭ، دەنە تاربيە الاڭى ورتا مەكتەبىنىڭ ”5 جىلدا 50 مىڭ“ باستاماسىنا قاتىناسىپ جۇڭگوعا كەلگەن وقىتۋشى - وقۋشىلار ۋاكىلدەرى ءتوراعا شي جينپيڭ مەن حانىمىنا جانە بۇكىل جۇڭگو حالقىنا جاڭا جىلدى قۇتتىقتاۋ كارتچكاسىن جولداپ، 100دەن استام وقىتۋشى مەن وقۋشى قۇتتىقتاۋ حاتىنا قول قويعان بولاتىن. وقىتۋشى - وقۋشىلار قۇتتىقتاۋ كارتچكاسىنا جۇڭگو تىلىندە: ”جاپون شاپقىنشىلارىنا قارسى سوعىس جەڭىسىنىڭ 80 جىلدىعىن ەسكە تۇسىرەمىز، دۇنيە جۇزىلىك فاشيزمگە قارسى تۇرۋ سوعىس جەڭىسىنىڭ 80 جىلدىعىن ەسكە تۇسىرەمىز. جاڭا جىلدى قۋانا قارسى الامىز، بەيبىتشىلىك جاساسىن، جۇڭگو − امەريكا دوستىعى ماڭگى جاساسىن“! دەپ جازدى.
来源：新疆日报
编辑：阿莱·赫亚克巴依
监制：叶尔兰·努哈
