تاياۋدا بيڭتۋان 4-شى قورعاس تىڭ اشۋ رايوندىق حالىق سوتى مەكەمەسى قورعاس حالىق سوتىنىڭ ءبىر سۋدياسى ءبىر قارتتىڭ 21 جىل كەشەۋىلدەتىپ بەرىلمەي كەلگەن اقشاسىن قايتارىپ الۋىنا كومەكتەستى. ەلىمىز زاڭىندا حالىق سوتى مەكەمەسىنەن ازاماتتىق ىستەر ۇقىعىن قورعاۋدى تالاپ ەتۋگە قاتىستى ارىز-شاعىم بەرۋدىڭ كۇشكە يە ۋاقىت مەرزىمى 3 جىل بولادى دەپ بەلگىلەنگەن. ونداي بولسا، بۇل اقشانى، ءسىرا، قالاي قايتارىپ العان؟
ۋي x پەن ما x ءاسىلى جاقسى دوس ەدى. 2003-جىلى 3-ايدىڭ 19-كۇنى ما x ۋي xتەن 45 مىڭ يۋان قارىز اقشا العان، ءبىراق قازىرگە دەيىن تەك 10 مىڭ يۋانىن عانا قايتارعان. بيىل 11-ايدا ۋي x قورعاس حالىق سوتى مەكەمەسىنە كىرىپ، ءبىر قولحات الىپ شىعىپ، سۋديادان قالعان اقشانى قايتارىپ الۋىنا بولاتىن-بولمايتىنىن سۇرايدى. ىلە-شالا سۋديا ما xتى سوتقا شاقىردى. ما x العان قارىز اقشاسىن دەرەۋ قايتارۋعا امالسىز ەكەندىگىن اشىق ايتتى.
كەزىندە بۇل اقشا از اقشا سانالمايتىن، ول دا سەنى جاقىن دوس ساناعاندىقتان ساعان قارىزعا اقشا بەرگەن، وسىنشاما جىلدار ءوتتى، قازىر قارسى جاق بۇل ءىستى اۋىزعا العان ەكەن، اقشاسىن قايتارىپ بەرۋگە قالاي قارايسىز؟،-دەدى سۋديا ما xكە.
سۋديانىڭ زاڭدى ءتۇسىندىرىپ، اقىل-كەڭەس بەرۋىنىڭ ارقاسىندا ما x پەن ۋي x كەلىسىمگە كەلەدى: ما x شەكتى مەرزىم ىشىندە العان بارلىق قارىز اقشاسىن قايتارىپ بولادى، ۋي x قارىز ءوسىمىن تولەتتىرۋدەن كەشەدى.
زاڭ جالعانىمدارى
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 188-تارماعىندا بىلاي دەپ بەلگىلەنگەن: حالىق سوتى مەكەمەسىنەن ازاماتتىق ىستەر ۇقىعىن قورعاۋدى تالاپ ەتۋگە قاتىستى ارىز-شاعىم بەرۋدىڭ كۇشكە يە ۋاقىت مەرزىمى 3 جىل بولادى. زاڭدا ايىرىم بەلگىلەمە بولسا، سول بەلگىلەمە بويىنشا اتقارىلادى. ارىز-شاعىم بەرۋدىڭ كۇشكە يە ۋاقىت مەرزىمى ۇقىق يەسى ۇقىعىنىڭ زالالعا ۇشىراعانىن جانە بورىشتى ادامدى بىلگەن نەمەسە بىلۋگە ءتيىستى بولعان كۇننەن باستاپ ەسەپتەلەدى. زاڭدا ايىرىم بەلگىلەمە بولسا، سول بەلگىلەمە بويىنشا اتقارىلادى. ۇقىعى زالالعا ۇشىراعاننان باستاپ 20 جىل ءوتىپ كەتسە، حالىق سوتى مەكەمەسى ونى قورعامايدى، ەرەكشە جاعدايدا حالىق سوتى مەكەمەسىنىڭ ۇقىق يەسىنىڭ وتىنىشىنە ساي ۋاقىتتى ۇزارتۋدى ۇيعارۋىنا بولادى.
192-تارماعىندا بىلاي دەپ بەلگىلەنگەن: ارىز-شاعىم بەرۋدىڭ كۇشكە يە ۋاقىت مەرزىمى تولسا، بورىشتى ادامنىڭ بورىشىن وتەمەۋ جونىنەن قارسى داۋ ايتۋىنا بولادى. ارىز-شاعىم بەرۋدىڭ كۇشكە يە ۋاقىت مەرزىمى تولعان سوڭ، بورىشتى ادام بورىشىن وتەۋگە ماقۇل بولسا، ارىز-شاعىم بەرۋدىڭ ۋاقىت مەرزىمى تولدى دەگەن سەبەپپەن قارسى داۋ ايتۋىنا بولمايدى، بورىشتى ادام بورىشىن ءوز ەركىمەن وتەسە، قايتارىپ الۋدى تالاپ ەتۋىنە بولمايدى.
来源：新疆日报
编辑：阿莱·赫亚克巴依
责编：库娜依·胡阿泰
监制：叶尔兰·努哈
喀什地委副书记、政法委书记秦加友接受纪律审查和监察调查租赁公司出租非法改装车 查处！
