— سالەمەتسىز بە؟ ءبىز قاراستى رايونداعى لييۇيشان ساقشى بولىمشەسىنىڭ ساقشىسىمىز، شارلاۋ بارىسىندا اۆتوكولىگىڭىزدىڭ قۇلىپتالماعانىن، ارتقى كەبەجەدە قىرۋار ناق اقشا بار ەكەنىن بايقادىق، تەز ارادا كەلىپ مال-مۇلكىڭىزدى تەكسەرىڭىز، سونداي-اق اۆتوكولىگىڭىزدىڭ ەسىگىن قۇلىپتاڭىز“.
1-ايدىڭ 6 -كۇنى تۇنگى ساعات ءنول شاماسىندا ءۇرىمجى قالالىق قوعام حاۋىپسىزدىگى مەكەمەسى جوعارى، جاڭا تەحنولوگيالىق اشۋ رايونى (جاڭا قالا رايونى) بولىمشە مەكەمەسى لييۇيشان ساقشى بولىمشەسىنىڭ ساقشىسى گو باۋجيا سەرىكتەرىمەن بىرگە قاراستى اۋماقتاعى ساۋدا دۇكەندەرىنىڭ، جول شەتىنە توقتاتىلعان اۆتوكولىكتەردىڭ ەسىك تۇتقاسىن تارتىپ كورىپ تەكسەرۋ جۇرگىزۋ بارىسىندا، بەيجيڭ وڭتۇستىك جولىنداعى ءبىر قوناق سارايىنىڭ اۆتوكولىك توقتاتۋ الاڭىندا تۇرعان ءبىر جەڭىل اۆتوكولىكتىڭ ەسىگى قۇلىپتالماعانىن بايقايدى، حالىق ساقشىسى اۆتوكولىكتىڭ ەسىگىن اشىپ، اۆتوكولىكتىڭ ارتقى ساندىعىندا قامپيعان 3 قارا ءتۇستى قول سومكە، ونىڭ ىشىندە قوماقتى ناق اقشا بار ەكەنىن بايقايدى.
حالىق ساقشىلارى دەرەۋ اۆتوكولىكتى جىلجىتۋدا حابارلاسۋ ءۇشىن قالدىرىلعان تەلەفون ءنومىر ارقىلى كولىك يەسىمەن تىلدەسەدى ءارى اۆتوكولىكتىڭ الدىندا كۇتىپ تۇرادى. شامامەن 20 مينۋتتا كولىك يەسى فىڭ مىرزا اسىعىس-ۇسىگىس اۆتوكولىك توقتاتۋ الاڭىنا كەلەدى.
”سول كەزدە بۇل اۆتوكولىكتى كورگەنىمدە، كوزىمە تانىس سەزىلدى، اۆتوكولىك يەسى جەتىپ كەلگەننەن كەيىن قاراسام، تانىسىم ەكەن، 2 كۇننىڭ الدىندا، ونىڭ اۆتوكولىگى وسى قوناق ءۇيدىڭ قارسىسىندا تۇرعان، اۆتوكولىك ەسىگى دە قۇلىپتالماعان، سول كەزدە اۆتوكولىكتە باعالى زاتتار جوق بولاتىن، ءبىز وعان تەلەفون سوعىپ، اۆتوكولىكتىڭ ەسىگىن قۇلىپتاۋدى تاپسىردىق، سونداي-اق وعان اۆتوكولىكتى توقتاتقاندا، ءسوز جوق، اۆتوكولىكتىڭ ەسىگىن قۇلىپتاۋدى ەسكەرتتىك. ويلاماعان جەردەن 2 كۇننەن كەيىن، ول كولىگىن ورىن اۋىستىرىپ توقتاتقانىمەن ەسىگىن تاعى قۇلىپتاماپتى، ونىمەن قويماي ىشىندە وسىنشاما كوپ ناق اقشا سالىپ قويىپتى“. حالىق ساقشىسى گو باۋجيا تىلشىگە بىلاي دەدى: قازىر كوكتەم مەرەكەسى تاياپ قالعان كەز، مال-مۇلىككە قول سۇعۋ دەلولارى دا كوپ تۋىلاتىن مەزگىل، بۇقارانىڭ ”اقشا قاپشىعىن“ جاقسى ساقتاۋ ءۇشىن، ساقشى بولىمشەسى ”اۆتوكولىكتىڭ ەسىك تۇتقاسىن تارتىپ كورىپ تەكسەرۋ“ ارەكەتىن ورىستەتتى.
حالىق ساقشىسى سالاۋاتىن انىقتاعاننان كەيىن، فىڭ مىرزامەن بىرگە سومكەدەگى ناق اقشانى اداقتايدى، جالپى 5 ميلليون 500 مىڭ يۋان ناق اقشا، ءبىر تيىنى دا كەم ەمەس. حالىق ساقشىسىنىڭ ۇعىسۋىنا قاراعاندا، فىڭ مىرزانىڭ اعاسى شينجياڭدا كومىر كەنىن اشقان، سومكەدەگى ناق اقشا تاياۋدا كوكتەم مەرەكەسىنەن بۇرىن جۇمىسشىلاردىڭ ەڭبەكاقىسىن بەرۋ ءۇشىن دايىندالعان اقشا ەكەن.
”الگىندە مەن تاماق ىشۋگە كەتكەم، اۆتوكولىكتىڭ ەسىگىن قۇلىپتاۋدى ۇمىتىپ كەتىپپىن، شينجياڭنىڭ قوعام حاۋىپسىزدىگى حالىق ساقشىلارىنا راقىمەت، شينجياڭنىڭ اماندىق ورتاسى وتە جاقسى، ۋاقىت كەش بولىپ كەتسە دە، حالىق ساقشىلارى ءبىزدى قورعاپ ءجۇرىپتى، كوڭىلدە الاڭ جوق، شينجياڭعا كەلىپ كاسىپورىن قۇرىپ، دامۋمەن شۇعىلدانۋدا ەشتەڭەدەن قام جەمەيمىز“! كولىك يەسى فىڭ مىرزا حالىق ساقشىسىنىڭ قولىن قىسىپ تۇرىپ توقتاۋسىز العىس ايتتى.
اقشانى وتكىزىپ بەرۋ-وتكىزىپ الۋ اياقتاعاننان كەيىن، حالىق ساقشىسى دا فىڭ مىرزاعا ەسكەرتۋ تاربيەسىن جۇرگىزىپ، وعان باعالى زاتتاردى، ءسوز جوق، جاقسى ساقتاپ، اۆتوكولىكتىڭ تەرەزەسىن جاۋىپ، قۇلىپتاعاننان كەيىن ەسىك تۇتقاسىن تارتىپ كورىپ، ابدەن كوز جەتكىزۋدى، مال-مۇلىكتەردىڭ زيانعا ۇشىراۋىنان ساقتانۋدى ەسكەرتتى.
来源：新疆日报微信公众号
编辑：阿莱·赫亚克巴依
翻译：汤达娜·阿扎提
责编：库娜依·胡阿泰
监制：叶尔兰·努哈
