انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 1 - ايدىڭ 10 - كۇنى تۇستەن بۇرىن ءماجىلىس اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ جانە باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەندى، دايەكتىلەندىردى، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ جانە شيزاڭنىڭ رىكازى قالاسى ديڭرى اۋدانىندا جەر سىلكىنىسى تۋىلعاندىعىنا بايلانىستى بەرگەن ماڭىزدى نۇسقاۋىنىڭ رۋحىن دايەكتىلەندىردى، تياناقتاندىردى، مەملەكەتتىك ۇگىت ءبولىمى باستىقتارى ءماجىلىسىنىڭ ورنالاستىرۋلارىن، تالاپتارىن دايەكتىلەندىرۋدى اقىلداستى، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، اۆتونوميالى رايوندىق جوعارى دارەجەلى حالىق سوتى مەكەمەسى، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپالارىنىڭ جانە شينجياڭ ءوندىرىس - قۇرىلىس بيڭتۋانى پارتكومىنىڭ قىزمەت مالىمەتىن تىڭدادى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق شۋجيچۋىنىڭ قىزمەت بايانداماسىن تىڭداپ، پارتيانىڭ جاپپاي باسشىلىعىنا، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ ءۇشىن ۇلگى بولدى. ءماجىلىس رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى ەڭ جوعارى ساياسي پرينسيپكە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما، دامۋ، ورنىقتىلىق قىزمەتتەرىن قايراتتانا ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ جاڭا جورىعىندا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ورتالىق ءتارتىپ تەكسەرۋ كوميتەتىنىڭ جالپى ماجىلىسىندە سويلەگەن ماڭىزدى ءسوزىنىڭ ورەسى بيىك، يدەياسى تەرەڭ، ماسەلەگە بەتپە - بەت كەلگەن، تەرەڭ وي سالىپ، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ماڭىزدى بويسۇنۋ ولشەمىن ازىرلەدى. ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى مۇقيات ۇيرەنىپ، ءتۇسىنىپ، شىرىكتەسۋگە قارسى تۇرۋ كۇرەسىنىڭ جاعدايى مەن مىندەتىن تەرەڭ يگەرىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن شىن مانىندە ارقالاپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىلدىقپەن ويداعىداي جۇرگىزۋ كەرەك. شينجياڭنىڭ شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى ەكەندىگىن سەرگەكتىكپەن تانىپ، ستراتەگيالىق تاباندىلىقتى جانە تەگەۋرىندى كۇيدى ساقتاپ، ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ءۇرتىس ىلگەرىلەتىپ، بۇرىس ستيلدەر مەن شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ نەگىزگى ساتىعا كەڭەيۋىن ىلگەرىلەتۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن نىعايتىپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جاسايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ شيزاڭنىڭ رىكازى قالاسى ديڭرى اۋدانىندا 8. 6 بال جەر سىلكىنىسى تۋىلعاندىعىنا بايلانىستى بەرگەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ جەر سىلكىنىسىنە قارسى اتتانىپ، اپاتتان قۇتقارۋ قىزمەتى جونىندەگى شەشىمدەرىن، ورنالاستىرۋلارىن تەرەڭ ءتۇسىنىپ، تومەنگى شەكتە ويلاۋعا تاباندى بولىپ، ءار ءتۇرلى جاراتىلىستىق اپاتتاردان قاتاڭ ساقتانىپ، جەر سىلكىنىسى وڭاي تۋىلاتىن، ءجيى تۋىلاتىن وڭىرلەردەگى ۇيلەردىڭ جانە ءتۇيىندى قۇرىلىستاردىڭ حاۋىپ - قاتەرىنە ۇزدىكسىز ءبىر - بىردەن تەكسەرۋ جۇرگىزىپ، جوندەۋ، بەكەمدەۋ جۇمىستارىن ويداعىداي ىستەۋ كەرەك. ءتۇرلى اپاتتارعا قاراتىلعان شۇعىل جاعدايعا توتەپ بەرۋ جوباسىن كەمەلدەندىرىپ، شۇعىل جاعدايعا توتەپ بەرۋ، قۇتقارۋ - كومەكتەسۋ كۇشتەرى قۇرىلىسىن كۇشەيتىپ، حاۋىپتەن اراشالاپ، اپاتتان قۇتقارۋ قابىلەتىن، دەڭگەيىن جاپپاي جوعارىلاتۋ كەرەك.
ءماجىلىس مىنالاردى باسا دارىپتەدى: شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ جاسامپاز نازارياسىمەن زەيىن - زەردەنى ۇيىستىرۋعا، رۋحتى سومداۋعا تاباندى بولىپ، نەگىزگى اعىمدىق يدەيانى، قوعامدىق پىكىردى بەكەمدەپ، زورايتىپ، يدەولوگيا حاۋىپسىزدىگىن باتىل قورعاۋ كەرەك. شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، مادەنيەت ىستەرىن جانە مادەنيەت كاسىپ سالاسىن گۇلدەندىرۋ، دامىتۋ كەرەك. ”سىرتتان اكەلۋ“، ”سىرتقا شىعارۋ“ سەرپىنىن ارتتىرىپ، اناعۇرلىم ءونىمدى حالىقارالىق تاراتۋ جۇيەسىن قالىپتاستىرۋ كەرەك. مادەنيەت ءتۇزىلىسى رەفورماسىن تەرەڭدەتىپ، ۇگىت، يدەيا، مادەنيەت سالاسىنداعى باسشىلىق القاسىنا جانە كادرلار قوسىنىنا ۇزدىكتەردى تاڭداۋ، مىقتىلاردى ورنالاستىرۋ كەرەك.
ءماجىلىس مىنالاردى باسا دارىپتەدى: بىلتىردان بەرى، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، اۆتونوميالى رايوندىق جوعارى دارەجەلى حالىق سوتى مەكەمەسى، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپالارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، تىڭعىلىقتى تۇردە مىندەت اتقارىپ، جاۋاپكەرشىلىكتى ادا ەتىپ، پارتيا باسشىلىق گرۋپپالارىنىڭ وزىندىك قۇرىلىسىن كۇشەيتىپ، ءارقايسى جاقتاعى قىزمەتتەردە تىڭ ىلگەرىلەۋشىلىكتەرگە، تىڭ ونىمدىلىكتەرگە قول جەتكىزدى. ”ەكىنى تۇراقتاندىرۋدىڭ“ شەشۋشى ءمانىن ونان ارى تەرەڭ ءتۇسىنىپ،”ءتورت تانىمدى“كۇشەيتىپ،”ءتورت سەنىمدى“بەكەمدەپ،”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جەتە ۇيرەنىپ، جەتە ءتۇسىنىپ، شىنايى اتقارىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن تارازىلايتىن ماڭىزدى ولشەم ەتىپ، وزەكتى ارقاۋ ەتىپ كەلەلى جاعدايعا قىزمەت كورسەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتىپ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋ كەرەك.
ءماجىلىس مىنالاردى اتاپ كورسەتتى: وتكەن ءبىر جىلدا اۆتونوميالى رايوندىق پارتكومنىڭ ءبىر تۇتاس باسشىلىعىندا، بيڭتۋان پارتكومى قىزمەت بورىشىن، مىندەتىن ادالدىقپەن اتقارىپ، ءتۇرلى قىزمەتتەردى ىلگەرىلەتۋدە كورنەكتى ناتيجەگە قول جەتكىزىپ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىندا نىق قادام تاستالدى. پارتيا ورتالىق كوميتەتىنىڭ بيڭتۋاننىڭ ورنىن تۇراقتاندىرۋ جونىندەگى تالابىن ونان ارى تەرەڭ يگەرىپ، جۇرەكتىلىكپەن رەفورما جاساپ جاڭالىق اشىپ، رەفورما ونىمدىلىگىن جوعارىلاتىپ، ورنىىقتىلىقتى قورعاپ، شەكارانى كۇزەتۋ، جوعارى ساپالى دامۋ، رەفورمانى تەرەڭدەتۋ، بيڭتۋان مەن جەرگىلىكتى ورىننىڭ توعىسپالى دامۋى سىندى ءتۇيىندى قىزمەتتەردىڭ اناعۇرلىم زور ونىمدىلىككە قول جەتكىزۋىن ىلگەرىلەتىپ، بيڭتۋاندى اناعۇرلىم قۇدىرەتتى، اناعۇرلىم گۇلدەنگەن ەتىپ قۇلشىنا قۇرۋ كەرەك.
ءماجىلىس اۆتونوميالى رايوندىق ءتارتىپ تەكسەرۋ، باقىلاۋ - تەكسەرۋ كوميتەتىنىڭ 2024 - جىلعى قىزمەت احۋالى جانە اۆتونوميالى رايوندىق 10 - كەزەكتى ءتارتىپ تەكسەرۋ كوميتەتى بەسىنشى جالپى ءماجىلىسىنىڭ دايىندىق احۋالى جونىندەگى مالىمەتتى تىڭدادى. ءماجىلىس مىنالاردى اتاپ كورسەتتى: اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، ساياسي باقىلاۋدى ۇزدىكسىز كۇشەيتىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تەرەڭدەتىپ، دەلو ارقىلى تۇزەتۋدى جەبەۋدى ىشكەرىلەي ىلگەرىلەتىپ، تارتىپكە، زاڭعا اۋىر قايشىلىق جاساعان ءبىر توپ دەلونى قاتاڭ تەكسەرىپ ءبىر جايلى ەتىپ، قىزمەتتەردە كورنەكتى ونىمدىلىكتەرگە قول جەتكىزدى. 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسىنىڭ ورنالاستىرۋلارى، تالاپتارى بويىنشا، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن تياناقتاندىرۋدى ىلگەرىلەتىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى جەبەپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ىشكەرىلەي ىلگەرىلەتىپ، ۇقىق شوعىرلانعان، قارجى شوعىرلانعان، بايلىق شوعىرلانعان سالالارداعى شىرىكتەسۋلەردى كورنەكتى تۇردە رەتتەپ جونگە سالىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى رەتتەۋ - جونگە سالۋدى ويداعىداي يگەرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ۇزدىكسىز ىلگەرىلەتۋ كەرەك.
