以高质量审计监督护航经济社会高质量发展
شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا قازىنالىق باقىلاۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: قازىنالىق باقىلاۋ − پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى. سوڭعى جىلداردان بەرى، قازىنالىق باقىلاۋ ورگاندارى پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، ەكونوميكالىق باقىلاۋ ورنىن تياناق ەتىپ، ەكونوميكانىڭ اقاۋسىز دامۋىن جەبەۋ، مەملەكەتتىڭ ەكونوميكالىق حاۋىپسىزدىگىن قورعاۋ، حاۋىپ - قاتەردى، كومەسكى كىناراتتاردى اشىپ كورسەتۋ، شىرىكتەسۋگە قارسى تۇرىپ بىلىقپالىقتى وڭاۋدى ىلگەرىلەتۋ سياقتى جاقتاردا بەلسەندى رول اتقاردى.
شي جينپيڭ بىلاي دەپ باسا دارىپتەدى: جاڭا جورىقتا جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ قازىنالىق باقىلاۋ قىزمەتىنە ورتالىقتانعان ءبىر تۇتاس باسشىلىعىنا تاباندى بولىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، رەفورما جاساۋدى، جاڭالىق اشۋدى تەرەڭدەتىپ، وزىندىك قۇرىلىستى كۇشەيتىپ، ورتالىقتانعان ءبىر تۇتاس، جاپپاي قامتىعان، قۇزىرلى، جوعارى ءونىمدى قازىنالىق باقىلاۋ جۇيەسىن كۇش سالا ورناتىپ، قازىنالىق باقىلاۋدىڭ ساپاسىن، ونىمدىلىگىن ۇزدىكسىز جوعارىلاتىپ، جوعارى ساپالى قازىنالىق باقىلاۋ ارقىلى ەكونوميكانىڭ، قوعامنىڭ جوعارى ساپالى دامۋىن قورعاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوسۋ كەرەك.
مەملەكەتتىك قازىنالىق باقىلاۋ قىزمەتى ءماجىلىسى جانە مەملەكەتتىك قازىنالىق باقىلاۋ ورگاندارىنداعى وزات كوللەكتيۆتەر مەن وزات قىزمەتكەرلەردى ماداقتاۋ - سيلاۋ جينالىسى 1 - ايدىڭ 10 - كۇنىنەن 11 - كۇنىنە دەيىن بەيجيڭدە اشىلدى. ماجىلىستە مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ شي جينپيڭنىڭ ماڭىزدى نۇسقاۋىن جەتكىزدى، مەملەكەتتىك قازىنالىق باقىلاۋ ورگانىنداعى 80 وزات كوللەكتيۆ، 45 وزات قىزمەتكەر ماداقتالىپ - سيلاندى.
