بۇل دۇنيەدە ەشكىم دە ەشكىمگە جاقسىلىق جاساۋعا مىندەتتى ەمەس، سوندىقتان تومەندەگىدەي ادامدارعا جولىقساڭىز، ءسوزسىز، قۋانىڭىز ءارى ولاردىڭ ءوز ومىرىڭىزدەن ورىن الۋىنا وراي تابىڭىز.
ادالدىق — ادامدار ارا قارىم-قاتىناستىڭ تياناعى. ادام ادال، سوزىندە تۇراتىن بولسا، ونىڭ ءسوزى اينىماس سەنىمدى بولادى. ولار ءبىر مەزەتتىك مۇددەگە بولا ءوز پرينسيبىن قۇربان ەتپەيدى، دوسىنىڭ سىرتىنان مۇلدە عايبات ايتپايدى.
مۇنداي ادامدارمەن قارىم-قاتىناس جاساساڭىز، الاڭسىز بولاسىز، ويتكەنى ولاردىڭ سوزىنە سەنۋگە بولاتىندىعىن بىلەسىز، ولاردىڭ ۋادەسى بەرىك ەكەندىگىنە سەنەسىز.
مىنا دۇنيەدە جاساپ جاتقان ادامداردىڭ ءبار-بارىندە وزىنە ءتان مۇقتاجدىق جانە قۋانىش بار، اركىمنىڭ دە وزىنە ءتان كولەڭكەلى جاقتارى مەن جارقىن تۇستارى بولادى. بىرەۋگە ءوز بىلگەنىمىزشە باعا بەرۋدەن گورى، بىزگە سول ادامنىڭ ورنىندا تۇرىپ ويلاي بىلەتىن اق نيەت كوپتەن-كوپ قاجەت. بىرەۋگە سىپايىگەرشىلىك تانىتساڭىز، ول دا سىزگە مەيىرمەن مامىلە جاسايدى.
ناعىز دوستار ءسىزدىڭ قايعى-قاسىرەتىڭىزدى تۇسىنگەننەن كەيىن، قاسىڭىزدان تابىلىپ قايعىڭىزدى بىرگە كوتەرەدى، ءتىپتى، جانىڭىزدى جابىرقاتقان ادامدار مەن ىستەردى سىنعا الىپ، كوڭىلىڭىزدى اۋلايدى، ءسىز سەرگىگەننەن كەيىن دە ءسىزدىڭ ماسەلەلەردىڭ تۇيىنشەگىن تارقاتىپ، شەشۋ جولىن تابۋىڭىزعا كومەكتەسەدى.
قويۋ قارىم-قاتىناس ورناتۋعا تاتيتىن ادام بارلىق ىستە ىعىڭىزعا جىعىلا بەرمەۋى مۇمكىن، ءبىراق ءسىزدىڭ سالىڭىز سۋعا كەتىپ، ءۇنجۇرعاڭىز تۇسكەن ساتتەردە سابىرعا كەلۋىڭىزگە كومەكتەسىپ، ماسەلەنى دۇرىس شەشۋ جولىن كورسەتىپ بەرە الادى.
جاقسى كۇندە جانىڭىزدان تابىلاتىن ادام كوپ بولعانىمەن، باسىڭىزعا بۇلت ۇيىرىلگەندە قاراسىن كورسەتپەي كەتەتىن جاندار از ەمەس. ادام ءومىرى مىنە وسىنداي، ابىرويلى كەزىڭىزدە، اعايىن-دوسىڭىز دا كوپ بولادى، ال قۇتىڭىز قاشىپ، قۇرىدىمعا بەت الساڭىز، قاسىڭىزداعى جانداردىڭ قانداي ادام ەكەندىگى ايپاراداي كورىنەتىن بولادى.
ءسىز اۋىرىپ قالعانىڭىزدا، حالىڭىزدى سۇراپ، قارايلاسقان جان جايشىلىقتا سىزبەن تىم ارالاس-قۇرالاس بولماعانىمەن، ءسوزسىز، ءسىزدى قاتتى ەسكەرەتىن جان بولۋى مۇمكىن. قولىڭىز قىسقارىپ قينالعان ساتىڭىزدە، ىرىقتىلىقپەن كومەكتەسكەن ادام قالتالى باي بولماۋى مۇمكىن، ءبىراق ءسىزدى قادىرلەيتىن جان بولۋى ابدەن مۇمكىن. دوسىڭىز از بولسا دا، قيىن ساتتە قاسىڭىزدان تابىلعانى قىمبات؛ دوستىق سۇيىسپەنشىلىكتىڭ ۇزاققا جالعاسقانى ەمەس، مەسەلدەڭنىڭ قايتپاعانى ماڭىزدى.
كەيبىر جاندار ابىرويىڭىز اسقاقتاپ تۇرعاندا قاسىڭىزدان تابىلماعانىمەن، باعىڭىز تايعان كەزدە قولتىعىڭىزدان سۇيەۋشى بولۋى ابدەن مۇمكىن. مۇنداي جاندارعا جولىقساڭىز ايرىلىپ قالماڭىز، ولار قاشاندا ءسىزدىڭ جاقسى بولۋىڭىزدى شىن جۇرەگىنەن تىلەيتىن جاندار سانالادى.
ەشكىم دە ماڭگى اسىپ-تاسىپ جۇرە المايدى، سول سياقتى ەشكىم دە ماڭگى تارشىلىقتا ءومىر سۇرمەيدى. ادامعا ەڭ كەرەكتى قاسيەت بيىكتەن-بيىككە ورلەگەن سايىن كىشى پەيىل بولۋ ەكەندىگى ەسىڭىزدە بولسىن.
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
ماسەلەنى شەشۋدىڭ ەڭ ۇتىمدى ءادىسى نە
ۋاقىت شىعارىپ ءوزىڭىزدى سومداي ءبىلىڭىز
