جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى2025 - جىلى 1 - ايدىڭ 6 - كۇنىنەن 8 - كۇنىنە دەيىن بەيجيڭدە وتكىزىلدى. بۇل جولعى جالپى ماجىلىسكە ورتالىق ءتارتىپ تەكسەرۋ كوميتەتىنىڭ 131 مۇشەسى قاتىناستى، 247 ادام سىرتتاي قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلى پارتيا مەن مەملەكەت باسشىلارى ماجىلىسكە قاتىناستى.
جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، 2024 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن قورىتىندىلادى، 2025 - جىلعى مىندەتتەردى ورنالاستىردى، لي شي جولداستىڭ ورتالىق ءتارتىپ تەكسەرۋ كوميتەتى تۇراقتى كوميتەتى اتىنان جاساعان «پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەيىك» دەگەن قىزمەت بايانداماسىن قاراپ ماقۇلدادى.
جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ءتۇسىندى. ءماجىلىس ءبىر اۋىزدان بىلاي دەپ قارادى: سوزدە وتكەن ءبىر جىلدا پارتيانى جاپپاي قاتاڭ باسقارۋدا قول جەتكەن جاڭا ىلگەرىلەۋشىلىكتەر، جاڭا ونىمدىلىكتەر تولىق تۇراقتاندىرىلدى، جاڭا ءداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋ ستراتەگيالىق بيىگىنەن، شىرىكتەسۋگە قارسى كۇرەستىڭ نەگىزگى زاڭدىلىعى اسقان تاريحي شالىمدىلىقپەن تەرەڭ يگەرىلىپ، كەزەكتەگى شىرىكتەسۋگە قارسى كۇرەستىڭ جاعدايىنا ىشكەرىلەي تالداۋ جاسالىپ، تۋى ايقىن تۇردە قاتە تانىمدار اداقتالىپ، يدەيا تۇمانى سەيىلتىلدى، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ جونىندە ايقىن تالاپ قويىلىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋ جونىندە ستراتەگيالىق ورنالاستىرۋ جاسالىپ، ءتارتىپ تەكسەرۋ، باقىلاۋ - تەكسەرۋ كادرلار قوسىنىنا ىقىلاستى ءۇمىت ارتىلدى. ءسوزدىڭ ورەسى بيىك، يدەياسى تەرەڭ، ماسەلەگە بەتپە - بەت كەلگەن، تەرەڭ وي سالىپ، سانانى سەرگىتەدى، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، پارتيانى جاپپاي قاتاڭ باسقارۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتۋگە العا باسۋ بەتالىسىن كورسەتىپ، ماڭىزدى بويسۇنۋ ولشەمىن ازىرلەدى. ءماجىلىس ءبىر اۋىزدان مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، سەنىمدى بەكەمدەپ، باتىلدىقپەن كۇرەس جۇرگىزىپ، باقىلاۋ جاۋاپكەرشىلىگىن، تياناقتاندىرۋدى ىلگەرىلەتۋ نەگىزگى تۇلعالىق جاۋاپكەرشىلىگىن باتىل ارقالاپ، نازاردى ”مەملەكەتتىڭ زور ىسىنە شوعىرلاندىرا“ وتىرىپ ساياسي باقىلاۋدى كۇشەيتىپ، بۇلجىماس تاباندىلىقپەن ستيل دۇرىستاپ، ءتارتىپتى قاتايتىپ، شىرىكتەسۋگە قارسى كۇرەستى ماڭگى جالعاستىراتىن توزىمدىلىكپەن، تاباندىلىقپەن ىشكەرىلەي ىلگەرىلەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن كۇش سالا جويامىز. يمەنۋ سەزىمىن باستان - اياق ساقتاپ، ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇشەيتىپ، ادال، كىرشىكسىز بولۋدى، جاۋاپكەرشىلىك ارقالاۋدى، باتىلدىقپەن، شەبەرلىكپەن كۇرەس جۇرگىزۋدى شىن مانىندە ورىندايمىز.
جالپى ءماجىلىس مىنالاردى اتاپ كورسەتتى: 2024 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ وزىنە - ءوزى توڭكەرىس جاساۋى ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، زەيىن - زەردەنى، كۇش - قۋاتتى ۇيىستىرىپ، قيىندىقتاردان قامال الىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستادى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، پارتيا مەن مەملەكەتتىڭ وزەكتى مىندەتىن ارقاۋ ەتىپ، ساياسي باقىلاۋدى، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءۇرتىس ىشكەرىلەي كۇشەيتىپ، پارتيانى جاپپاي قاتاڭ باسقارۋ جۇيەسىنىڭ اقاۋسىزدانۋىن، پارتيا مەن مەملەكەتتىڭ باقىلاۋ جۇيەسىنىڭ كەمەلدەنۋىن ىلگەرىلەتىپ، نەگىزگى تاقىرىپتىق تاربيە مەن تاربيەلەۋ، رەتتەۋ جەتىستىكتەرىن بەكەمدەپ جانە كەڭەيتىپ، جاڭا ءداۋىردىڭ جاڭا جورىعىندا ءتارتىپ تەكسەرۋ، باقىلاۋ - تەكسەرۋ قىزمەتىن جوعارى ساپالى دامىتۋدا تىڭ ونىمدىلىكتەرگە قول جەتكىزۋدى ىلگەرىلەتتى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ پارتيانىڭ وزىنە - ءوزى توڭكەرىس جاساۋى جونىندەگى ماڭىزدى يدەياسىن ۇيرەنۋدى، دايەكتىلەندىرۋدى تۇتاس جىل بويى ساباقتاستىرىلاتىن نەگىزگى تاقىرىپ، نەگىزگى جەلى ەتىپ، تۇتاس جۇيەدەگىلەردى پارتيانىڭ جاسامپاز نازارياسىن ىشكەرىلەي ۇيرەنىپ، ەگجەي - تەگجەيلى تۇسىنۋگە باستاپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ دۇرىس بەتالىسىن بەكەمدەدى. ساياسي باقىلاۋدىڭ ناقتىلانۋ، دالمە - ءدال بولۋ، ۇدايىلانۋ مەحانيزمىن اقاۋسىزداندىرىپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ كەلەلى ورنالاستىرۋلارىن ارقاۋ ەتە وتىرىپ ساياسي باقىلاۋدى ىشكەرىلەي جوسپارلاپ، ناقتى ىستەپ، پارتيا ورتالىق كوميتەتىنىڭ كەلەلى باعىت - ساياساتتارىنىڭ تياناقتانىپ ونىمدىلىك كورسەتۋىن ىلگەرىلەتتى. پارتيا ءتارتىبىن ۇيرەنۋ تاربيەسىندە ”ءبىرىنشى شارشى توپتا“ قۇلشىنا ويداعىداي ءجۇرىپ، باس شۋجي شي جينپيڭنىڭ پارتيانىڭ ءتارتىپ قۇرىلىسىن جاپپاي كۇشەيتۋ جونىندەگى ماڭىزدى بايىمداۋىن مۇقيات ۇيرەنىپ، ءتۇسىنىپ، ”التى تارتىپپەن“ تىعىز بايلانىستىرا وتىرىپ ءبىر - بىردەن ۇيرەنىپ، ىشكەرىلەي زەرتتەۋ - تالقى جۇرگىزىپ، تۇتاس جۇيەدەگىلەردى ءبىر ساتى تەرەڭدەي ۇيرەنىپ، قانىق ءبىلىپ، ودان شەبەرلىكپەن پايدالانۋعا جەتەكتەپ، بۇكىل پارتيانىڭ ءتارتىپتى ۇيرەنۋىن، ءتارتىپتى ءبىلۋىن، ءتارتىپتى ايقىنداۋىن، تارتىپكە بويسۇنۋىن ىلگەرىلەتتى. راقاتقۇمارلىق، استا - توك ىسىراپشىلدىق ستيلىن ءۇرتىس قاتاڭ تيىپ، فورماشىلدىقتى، تورەشىلدىكتى قاتاڭ وڭاپ، ۇدايىلاندىرا، باياندى وڭاۋ ارقىلى ورتالىقتىڭ سەگىز ءتۇرلى بەلگىلەمەسى رۋحىن دايەكتىلەندىرۋدىڭ، تياناقتاندىرۋدىڭ تەرەڭدەۋىنە، ناقتىلانۋىنا شىنايى كەپىلدىك ەتتى. شىرىكتەسۋگە قارسى كۇرەستى ىشكەرىلەي ىلگەرىلەتىپ، فينانس، مەملەكەت مەنشىگىندەگى كاسىپورىن، ەنەرگيا، تەمەكى، ەمدەۋ، ءدارى - دارمەك، دەنە تاربيە، نەگىزگى قۇرىلىس ينجەنەرياسى جانە مەردىگەر شاقىرۋ، مەردىگەرلىككە مالىمدەلۋ سياقتى ءتۇيىندى سالالارداعى شىرىكتەسۋگە قارسى تۇرۋدى تەرەڭدەتىپ، كەڭەيتىپ، ۇكىمەت پەن ساۋداگەرلەر استاساتىن شىرىكتەسۋدى قاتاڭ تەكسەرىپ ءبىر جاقتى ەتىپ، جاڭاشا شىرىكتەسۋ مەن كومەسكى شىرىكتەسۋدى ىشكەرىلەي تەكسەرىپ ءبىر جاقتى ەتىپ، پارا الۋ مەن پارا بەرۋدى بىرگە تەكسەرۋگە تاباندى بولىپ، دەلو ارقىلى تۇزەتۋدى جەبەۋدى، جونگە سالۋدى جەبەۋدى تەرەڭدەتىپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن پارمەندى جويدى. بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاپ، ەرەن شارالارمەن ”جەمقور شىبىن، شىرىكتەسكەن قۇمىرىسقالاردى“ جازالاپ، بۇقارانىڭ مۇددەسىن باتىل قورعاپ، پارتيانىڭ بيلىك جۇرگىزۋ نەگىزىن بەكەمدەدى. ساياسي شارلاۋدى تەرەڭدەتىپ، 68 تاراۋعا، ورىنعا داعدىلى شارلاۋ جۇرگىزىپ، فينانس سالاسىنا تۇڭعىش رەت بىرلەسكەن شارلاۋ جۇرگىزىپ، ايماق دارەجەلى قالالارعا دارەجەسىن جوعارىلاتىپ شارلاۋ جۇرگىزىپ، ءبىر جاعىنان شارلاپ، ءبىر جاعىنان تەكسەرۋدى، تاباندا اتقارۋدى، تاباندا تۇزەتۋدى ناقتىلاندىرىپ، شارلاۋدىڭ، شارلاپ تەكسەرۋدىڭ، جالپىلىق باقىلاۋ رولىن اناعۇرلىم ايگىلەدى. ءتارتىپ تەكسەرۋ، باقىلاۋ - تەكسەرۋ ءتۇزىلىس - مەحانيزمىن جانە زاڭ ەرەجە، ءتۇزىم جۇيەسىن كەمەلدەندىرىپ، مەملەكەتتىك حالىق قۇرىلتايى تۇراقتى كوميتەتىنىڭ باقىلاۋ - تەكسەرۋ زاڭىنا وزگەرىس ەنگىزۋ قىزمەتىن ويداعىداي ىستەۋىنە سايكەسىپ، سيفرلى ءتارتىپ تەكسەرۋ، باقىلاۋ - تەكسەرۋ جۇيەسى قۇرىلىسىن جاپپاي ىلگەرىلەتىپ، ءتۇزىم ارتىقشىلىعىنىڭ ستيل دۇرىستاۋ، ءتارتىپتى قاتايتۋ، شىرىكتەسۋگە قارسى تۇرۋ ونىمدىلىگىنە اناعۇرلىم ويداعىداي اينالۋىن جەبەدى. ناتيجەلەردى تۇراقتاندىرۋمەن بىرگە، ءتارتىپ تەكسەرۋ، باقىلاۋ - تەكسەرۋ قىزمەتىندە جانە كادرلار قوسىنى قۇرىلىسىندا ورىن تەپكەن ماسەلەلەرگە شىندىقتى ءىس جۇزىنەن ىزدەي وتىرىپ تالداۋ جاساپ، باسا ءمان بەرىپ، شىن مانىندە شەشۋدى تالاپ ەتتى.
جالپى ءماجىلىس مىنالاردى باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ شىرىكتەسۋگە قارسى كۇرەسكە جاڭا اناعۇرلىم جوعارى تالاپتار قويدى. ءتارتىپ تەكسەرۋ، باقىلاۋ - تەكسەرۋ ورگاندارى يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاعداي جونىندەگى دالمە - ءدال تۇجىرىمىمەن، مىندەت جونىندەگى عىلمي ورنالاستىرۋىمەن شىن مانىندە بىرلىككە كەلتىرىپ، جاڭا داۋىردەگى شىرىكتەسۋگە قارسى كۇرەستە قول جەتكەن تاريحي تابىستاردى تەرەڭ يگەرىپ، شىرىكتەسۋگە قارسى تۇرۋ سىندى وسى قامال الۋ شايقاسىندا، ءسوزسىز، جەڭىسكە جەتۋ سەنىمىن بەكەمدەۋى؛ قازىرگى شىرىكتەسۋگە قارسى كۇرەستىڭ ءالى دە قاتاڭ دا كۇردەلى بولۋ جاعدايىن تەرەڭ يگەرىپ، شىرىكتەسۋگە قارسى تۇرۋ سىندى ۇزاققا سوزىلاتىن شايقاستا جەڭىسكە جەتۋ اينىماس سەنىمىن بەكەمدەۋى؛ شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋ باعىتىن، جالپى جوباسىن تەرەڭ يگەرىپ، شىرىكتەسۋگە قارسى تۇرۋ سىندى وسى جالپى تۇلعالىق شايقاستا جەڭىسكە جەتۋ بەرىك سەنىمىن بەكەمدەۋى كەرەك.
جالپى ءماجىلىس مىنالاردى العا قويدى: 2025 - جىل − ”14 - بەسجىلدىق“ جوبا اياقتالاتىن جىل. بيىلعى قىزمەتتەردى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە - ءوزى توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، رەفورما جاساۋ رۋحىمەن جانە قاتاڭ بولۋ ولشەمىمەن پارتيانى باسقارۋعا، پارتيانى جونگە سالۋعا تاباندى بولىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىنىڭ تياناقتانۋىن ىلگەرىلەتىپ، پارتيانى جاپپاي قاتاڭ باسقارۋ جۇيەسىنىڭ اقاۋسىزدانۋىن ىلگەرىلەتىپ، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تەرەڭدەي ىلگەرىلەتىپ، جاڭا ءداۋىردىڭ جاڭا جورىعىندا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ءۇرتىس ىلگەرىلەتىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋ كەرەك.
ءبىرىنشى، پارتيا 20 - كەزەكتى ورتالىق كوميتەتى ءۇشىنشى جالپى ماجىلىسىندەگى كەلەلى ورنالاستىرۋلاردى ارقاۋ ەتە وتىرىپ ساياسي باقىلاۋدى كۇشەيتىپ، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ نىق قاداممەن الىسقا جەتۋىن كۇش سالا ىلگەرىلەتۋ كەرەك. پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋگە ورتالىقتانعان ءبىر تۇتاس باسشىلىعىن باتىل قورعاپ، رەفورما باس نىساناسىن جانە ”نازاردى جەتىگە شوعىرلاندىرۋدىڭ“، 13 تارماق سالاداعى نىسانانى جۇزەگە اسىرۋدىڭ اياق الىسى جاعدايىن تىعىز ارقاۋ ەتىپ، باقىلاۋ مازمۇنىن ەگجەي - تەگجەيلىلەندىرىپ، ناقتىلاندىرىپ، ءار دارەجەلى پارتيا ۇيىمدارىنىڭ كۇش - قۋاتتى ۇيىستىرىپ رەفورما جاساۋىن، تياناقتاندىرۋدى مىقتى يگەرۋىن ىلگەرىلەتۋ كەرەك.
ەكىنشى، پارتيا ءتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، قاعيداعا، تارتىپكە بويسۇنۋ، ءىس تىندىرىپ ناتيجە شىعارۋ تاماشا رايىنىڭ قالىپتاسۋىن كۇش سالا ىلگەرىلەتۋ كەرەك. پارتيا ءتارتىبىن ۇيرەنۋ تاربيەسىن ناقتى يگەرۋدى بەكەمدەپ، تەرەڭدەتىپ، ءتۇيىندى مازمۇنداردى، ءتۇيىندى وبيەكتىلەردى كورنەكتىلەندىرىپ، ءتارتىپ تاربيەسى تاسىلىندە جاڭالىق اشۋدى ىلگەرىلەتىپ، پارتيا مۇشەلەرى مەن كادرلاردى ءتارتىپتى وي - ساناعا ۇيالاتىپ، ارەكەتتە ايگىلەۋگە جەتەكتەۋ كەرەك. ءتارتىپتى قاتاڭ اتقارۋدى بەكەمدەپ، تەرەڭدەتىپ، تارتىپكە قايشى ماسەلەلەر بايقالسا بولعانى دەرەۋ تەكسەرىپ ءبىر جاقتى ەتىپ، ءتارتىپتىڭ بەرىكتىگىن، قاتاڭدىعىن شىنايى قورعاۋ كەرەك. ”ءتورت ءتۇرلى فورماتسيانى“ دالمە - ءدال قولدانۋدى بەكەمدەپ، تەرەڭدەتىپ، وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ ادامدى قۇتقارۋ باعىتىن دايەكتىلەندىرىپ، ساتىلار بويىنشا قورعانىس جاساۋ رولىن ساۋلەلەندىرۋ كەرەك.
ءۇشىنشى، بۇرىس ستيلدەر مەن شىرىكتەسۋ ماسەلەسىن بىرگە تەكسەرۋ، بىرگە جونگە سالۋ مەحانيزمىن اقاۋسىزداندىرىپ، ستيلدى دۇرىستاۋ مەن شىرىكتەسۋگە قارسى تۇرۋدى ءبىر تۇلعالى تەرەڭدەتۋدى كۇش سالا ىلگەرىلەتۋ كەرەك. ”بىرگە تەكسەرۋ“ ارقىلى بۇرىس ستيل مەن شىرىكتەسۋ قاباتتاسقان ماسەلەلەردى قاتاڭ جازالاپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، ”ءتورت بۇرىس ستيلدى“ سوڭىنا دەيىن قاتاڭ تۇزەتىپ - جونگە سالىپ، نازاردى تارتىپكە قاسارىسا قايشىلىق جاساۋ، كومەسكىلەنىپ وزگەرۋ، بازار تارتىبىنە اۋىر ىقپال كورسەتۋ، نەگىزگى ساتىنىڭ اۋىرتپالىعىن كۇشەيتۋ سياقتى ماسەلەلەرگە شوعىرلاندىرىپ، باقىلاۋدى كۇشەيتۋ، جونگە سالۋدى تەرەڭدەتۋ؛ شىرىكتەسۋدى جازالاۋدى ءبىر ءسات تە توقتاتپاي، ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىن قاتاڭ تەكسەرىپ، فينانس، مەملەكەت مەنشىگىندەگى كاسىپورىندار، ەنەرگيا، ءورت ءسوندىرۋ، ورتتەن ساقتانۋ، تەمەكى، ەمدەۋ، ءدارى - دارمەك، جوعارى مەكتەپ، دەنە تاربيە، اشۋ رايونى، ينجەنەريا قۇرىلىسى جانە مەردىگەر شاقىرۋ، مەردىگەرلىككە مالىمدەلۋ سياقتى سالالاردى جۇيەلى رەتتەۋ - وڭاۋدى ويداعىداي يگەرۋگە باسا ءمان بەرىپ، جاڭاشا شىرىكتەسۋدى جانە كومەسكى شىرىكتەسۋدى بايقاۋ، دالەل - ىسپات الۋ، سيپاتىن تۇراقتاندىرۋ سىندى قيىن ماسەلەلەردى كۇش سالا شەشۋ، قىزمەت ۇقىعىنان بەتالدى پايدالانىپ، قىزمەتتە سەلقوستىق ىستەپ، بەلگىلەمەگە قايشى شەشىم جاساپ مەملەكەت مەنشىگىندەگى مال - مۇلىككە اۋىر زيان سالۋ ماسەلەلەرىن قاتاڭ تەكسەرىپ ءبىر جاقتى ەتۋ، ۇنەمى كادرلاردى ازدىرىپ، ءبىر وڭىرگە زيان سالاتىن پارا بەرۋشىلەردى باتىل تەكسەرىپ ءبىر جاقتى ەتۋ، شەكارا اتتاعان شىرىكتەسۋدى جونگە سالۋ سەرپىنىن ارتتىرۋ كەرەك. ”بىرگە جونگە سالۋ“ ارقىلى بۇرىس ستيل مەن شىرىكتەسۋدىڭ ورتاق ءتۇپ قاينارىن ادا - كۇدە جويىپ، باسشى كادرلاردىڭ جۇبايلارىنىڭ، پەرزەنتتەرىنىڭ جانە ولاردىڭ جۇبايلارىنىڭ بەلگىلەمەگە قايشى ساۋدامەن شۇعىلدانىپ كاسىپورىن قۇرۋى سياقتى جاعدايلارعا مەڭزەس دەر كەزىندە ساقتاندىرىپ باقىلاۋدى كۇشەيتىپ، پارتكوم ءبىر تۇتاس باسشىلىق ەتەتىن، ءتارتىپ تەكسەرۋ كوميتەتى ۇيىمداستىرىپ سايكەستىرەتىن، قاتىستى تاراۋلار سايكەسە بىرلەسىپ ارەكەتتەنەتىن ساياسي ەكولوگياعا تالداۋ، تۇجىرىم جاساۋ مەحانيزمىن ورناتۋدى ىلگەرىلەتىپ، ءتۇيىندى پارا بەرۋشىلەردى بىرلەسىپ جازالاپ ساقتاندىرۋ مەحانيزمىن كەمەلدەندىرىپ، جاڭا داۋىردەگى پاكتىك مادەنيەت قۇرىلىسى 3 جىلدىق ارەكەت جوسپارىن (2025 - جىلدان 2027 - جىلعا دەيىن) جاساپ، جۇڭگونىڭ شىرىكتەسۋگە قارسى تۇرۋ حيكاياسىن ويداعىداي بايانداۋ كەرەك. ”تەكسەرۋدى“، ”جونگە سالۋدى“ ساباقتاستىرۋ ارقىلى بۇرىس ستيلدەر مەن شىرىكتەسۋدىڭ وزگەرىپ دامۋىن بوگەپ، بۇرىس ستيلدەر مەن شىرىكتەسۋ ماسەلەسىن بىرگە تەكسەرۋدى، بىرگە جونگە سالۋدى ىلگەرىلەتۋ جونىندەگى پىكىردى جاساپ، ۇلكەن ساندى مالىمەت، ينفورماتسيالاندىرۋ ارقىلى ستيلدى دۇرىستاۋ مەن شىرىكتەسۋگە قارسى تۇرۋعا قۋات ۇستەۋ كەرەك.
ءتورتىنشى، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ - وڭاۋدى ءۇرتىس تەرەڭدەتىپ، قالىڭ حالىق بۇقاراسىن رەفورما، دامۋ جەتىستىكتەرىنەن اناعۇرلىم ويداعىداي، اناعۇرلىم ءادىل يگىلىكتەندىرۋدى كۇش سالا ىلگەرىلەتۋ كەرەك. ”جەمقور شىبىن، شىرىكتەسكەن قۇمىرىسقالاردى“ جازالاۋعا ءۇرتىس كۇش سالىپ، نازاردى اۋداننان تومەنگى شەشۋشى بۋىندارعا، ءالسىز بۋىندارعا شوعىرلاندىرىپ ءۇرتىس يگەرۋ كەرەك. ”مەكتەپ تاماعى“، اۋىل - قىستاق كوللەكتيۆ قارجىسىن، بايلىعىن، مال - مۇلكىن باسقارۋ، اۋىل - قىستاقتى گۇلدەندىرۋ قارجىسىن پايدالانۋدى باقىلاۋ - باسقارۋ، ەمدەۋ قامسىزداندىرۋى قورىن باسقارۋ، قارتتاردى كۇتىمدەۋ قىزمەت وتەۋى سياقتى جاقتارداعى كورنەكتى ماسەلەلەردى جونگە سالۋدى تەرەڭدەتىپ، جەرلەۋ سالاسىنداعى شىرىكتەسۋ بىلىقپالىقتارىن رەتتەۋ - وڭاۋ ارناۋلى ارەكەتىن تىڭعىلىقتى ىلگەرىلەتۋ كەرەك. جەر - جەردىڭ حالىق تۇرمىسىنداعى ۇرىمتال، قيىن تۇيىندەردى تاڭداپ جەرگىلىكتى جاعدايعا قاراي رەتتەۋ - وڭاۋ جۇرگىزۋىنە جەتەكشىلىك ەتىپ، بۇقارانىڭ سەزىپ بىلە الۋىنا مۇمكىندىك جاساۋ كەرەك.
بەسىنشى، ساياسي شارلاۋ ورنىنان جازباي، شارلاۋدىڭ ماسەلەنى اناعۇرلىم دالمە - ءدال بايقاۋىن، ماسەلەنى ءونىمدى شەشۋىن كۇش سالا ىلگەرىلەتۋ كەرەك. ساياسي شارلاۋدى ناقتىلاندىرىپ، جوعارى ساپالى دامۋعا ىقپال جاسايتىن نەگىزگى قايشىلىقتاردى، رەفورما ورنالاستىرۋىن تياناقتاندىرۋداعى ەلەۋلى پارىقتاردى ىشكەرىلەي تەكسەرىپ تابۋ كەرەك. داعدىلى شارلاۋدى، ارناۋلى شارلاۋدى، جىلجىمالى شارلاۋدى جانە شارلاۋ بويىنشا ”قايىرىلا قاراۋدى“ عىلمي ءبىر تۇتاس جوسپارلاپ، دارەجەسى وسىرىلگەن شارلاۋدى يكەمدى ورىستەتۋ كەرەك. ورتالىقتاعى ورىنداردىڭ ىشكى جاعىنداعى شارلاۋ مەن ءتارتىپ تەكسەرۋ، باقىلاۋ - تەكسەرۋ باقىلاۋىن ساباقتاستىرۋ، سايكەستىرۋ مەحانيزمىن ورناتىپ، اقاۋسىزداندىرىپ، قىستاقتى شارلاپ تەكسەرۋ قىزمەتىن ىشكەرىلەي ىلگەرىلەتۋ كەرەك. رەتتەۋ - تۇزەتۋ نەگىزگى تۇلعالىق جاۋاپكەرشىلىگىن ونان ارى ناقتىلاندىرىپ، رەتتەۋ - تۇزەتۋ بويىنشا قۋزاۋ مەحانيزمىن كەمەلدەندىرىپ، رەتتەۋ - تۇزەتۋدىڭ باعىتتامالىلىعىن، ناقتى ونىمدىلىگىن كۇشەيتۋ كەرەك.
التىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسى مىندەتىن ىشكەرىلەي تياناقتاندىرىپ، پارتيانىڭ وزىنە - ءوزى توڭكەرىس جاساۋى جونىندەگى ءتۇزىم - ولشەمدەر جۇيەسىنىڭ كەمەلدەنۋىن كۇش سالا ىلگەرىلەتۋ كەرەك. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ءتارتىپ تەكسەرۋ، باقىلاۋ - تەكسەرۋ ءتۇزىلىس رەفورماسى جونىندەگى ستراتەگيالىق ورنالاستىرۋىن ىشكەرىلەي تياناقتاندىرىپ، ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگاندارىنىڭ ىشكى قۇرىلىمدارى، وكىلەتتى قۇرىلىمدارى رەفورماسىن تەرەڭدەتىپ، ورتالىق باسقاراتىن كاسىپورىندارعا ءتارتىپ تەكسەرۋ، باقىلاۋ - تەكسەرۋ گرۋپپاسىن جاپپاي جىبەرۋدى ورىنداپ، قاتىستى وكىلەتتى قۇرىلىمداردىڭ وزدەرى تۇراتىن ورىنداردان ءبىر دارەجە تومەن ورىندارعا، مينيسترلىكتەرگە قاراستى جوعارى مەكتەپتەرگە جانە باسشىلىق القاسىن مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باسقاراتىن ورتالىق كاسىپورىندارىنا ”تاعى جىبەرۋىن“ ىلگەرىلەتۋ كەرەك. پارتيا ورتالىق كوميتەتىنىڭ پارتكومنىڭ (پارتيا باسشىلىق گرۋپپاسى) تومەن دارەجەلى ”ءبىرىنشى باسشىلارعا“ باقىلاۋ بويىنشا سويلەسۋ قىزمەت ءادىسىن جاساۋىنا، شەكارا اتتاعان شىرىكتەسۋگە قارسى تۇرۋ زاڭىن دايىنداۋىنا كومەكتەسۋ كەرەك. پارتيانىڭ ىشكى باقىلاۋىن جەتەكشى، ارناۋلى مىندەتتەگى باقىلاۋىن سۇيەنىش، نەگىزگى ساتى باقىلاۋىن تىرەك، ءتۇرلى باقىلاۋدى ساباقتاستىرۋدى، سايكەستىرۋدى قامتاماسىزدىق ەتىپ، پارتيا مەن مەملەكەت باقىلاۋ جۇيەسىنىڭ كەمەلدەنۋىن ىلگەرىلەتۋ كەرەك.
جەتىنشى، پارتيانى جاپپاي قاتاڭ باسقارۋ ساياسي جاۋاپكەرشىلىگىن كۇشەيتىپ، قاتاڭدىق جالپى ارناسىن سوڭىنا دەيىن دايەكتىلەندىرۋدى كۇش سالا ىلگەرىلەتۋ كەرەك. ”ەكى جاۋاپكەرشىلىكپەن“ ماڭىزدى بۋىنداردى يگەرۋ ارقىلى قوسالقى بۋىنداردى جەتەكتەپ، پارتكومنىڭ (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىگىنىڭ، فۋنكتسيالىق تاراۋلاردىڭ باقىلاۋ - باسقارۋ جاۋاپكەرشىلىگىنىڭ، ءتارتىپ تەكسەرۋ كوميتەتىنىڭ (ءتارتىپ تەكسەرۋ گرۋپپاسى) باقىلاۋ جاۋاپكەرشىلىگىنىڭ ءبىر باعىتتا كۇش سالۋىن ىلگەرىلەتىپ، اركىم ءوز جاۋاپكەرشىلىگىن ارقالايتىن، ءبىر تۇتاس سايكەسەتىن پارتيانى باسقارۋ، پارتيانى جونگە سالۋ جاۋاپكەرشىلىك جاعدايىن اقاۋسىزداندىرۋ كەرەك. ءار دارەجەلى پارتيا ۇيىمدارىن جۇيەلىك وي، عىلمي ءادىس ارقىلى پارتيانى باسقارۋدى، پارتيانى جونگە سالۋدى ىلگەرىلەتىپ، پارتيانى جاپپاي قاتاڭ باسقارۋ جۇيەسىن ونان ارى اقاۋسىزداندىرۋعا قۋزاۋ كەرەك.
سەگىزىنشى، ”ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، كەمەلدەندىرۋ قۇرىلىسى جىلى“ ارەكەتىن ورىستەتىپ، ءتارتىپ تەكسەرۋ، باقىلاۋ - تەكسەرۋ قۇرىش قوسىنى قۇرىلىسىنىڭ تاعى دا تىڭ ساتىعا كوتەرىلۋىن كۇش سالا ىلگەرىلەتۋ كەرەك. ساياسي قۇرىلىستى كۇشەيتىپ، سەنىمگە قۇرمەت ەتىپ، ۇيىمنان يمەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋدان ەشقاشان اينىماي، ”ەكىنى تۇراقتاندىرۋدى“ تاباندىلىقپەن قولداۋدان، ”ەكىنى قورعاۋدى“ باتىل ورىنداۋدان ەشقاشان اينىماي، ”مەملەكەتتىڭ زور ءىسىن“ كوڭىلدە ساقتاۋدان ەشقاشان اينىماي، قىزمەتتى سانالى تۇردە پارتيا مەن مەملەكەتتىڭ كەلەلى جاعدايىنا قويىپ جوسپارلاپ ىلگەرىلەتۋ كەرەك. قابىلەت قۇرىلىسىن كۇشەيتىپ، جاۋاپكەرشىلىكتەن يمەنىپ، بورىشتان يمەنىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، شىندىقتى ءىس جۇزىنەن ىزدەۋ جان تامىرىنان جازباي، قاعيداعا، تارتىپكە، زاڭعا قاتاڭ بويسۇنىپ، ساياسات - تاكتيكالاردى دۇرىس يگەرىپ، دالمە - ءدال سيپاتىن تۇراقتاندىرىپ، جازا ولشەپ، زاڭ اتقارىپ، ۇيىمدىق قۇرىلىستى كۇشەيتۋدىڭ 3 جىلدىق ارەكەت جوسپارىن اتقارىپ، كادرلاردى تاڭداۋ، جەتىلدىرۋ، باسقارۋ، ىستەتۋ مەحانيزمىن ساپالىلاندىرۋ كەرەك. ستيل قۇرىلىسىن كۇشەيتىپ، ۇقىقتان يمەنىپ، حالىقتان يمەنىپ، كۇرەسكەرلىك رۋحتى، جاۋاپكەرشىلىك ارقالاۋ رۋحىن، زاڭمەن باسقارۋ رۋحىن اسقاقتاتىپ، كەلەلى ساياسي پرينسيپ جانە ۇلكەن دۇرىس، ۇلكەن بۇرىس ماسەلەسىندە باتىلدىقپەن ايقاسىپ، جۇرەكتىلىكپەن ايقىن پوزيتسيا ءبىلدىرىپ، پارتيا مەن حالىق بەرگەن ۇقىقتى بەتالدى پايدالانباۋعا شىنايى كەپىلدىك ەتۋ كەرەك. پاكتىك قۇرىلىسىن كۇشەيتىپ، تارتىپتەن يمەنىپ، زاڭنان يمەنىپ، قاتاڭ باسقارۋ ارقىلى تەجەمدى كۇشەيتىپ، قاتاڭ جازالاۋ ارقىلى سەسكەندىرۋدى كۇشەيتىپ، ەرەكشە قامقورلىق ارقىلى جۇرت جۇرەگىن جىلىتىپ، كۇندەلىكتى باسقارۋدى، باقىلاۋدى كۇشەيتىپ، شىرىق بۇزۋشىلاردى باتىل الاستاپ، اناعۇرلىم جوعارى ولشەممەن، اناعۇرلىم قاتاڭ تالاپپەن ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل، شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك.
جالپى ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن - زەردە مەن كۇش - قۋاتتى ۇيىستىرىپ، جىگەرلەنە العا ىلگەرىلەپ، ماڭگى بويكۇيەزدىككە سالىنبايتىن رۋحاني كۇيمەن جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى قامتاماسىزدىق ازىرلەيىك.
(شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى)
来源：新疆日报
编辑：阿莱·赫亚克巴依
责编：叶克奋·沙布尔
监制：叶尔兰·努哈
