习近平在二十届中央纪委四次全会上发表重要讲话强调
坚持用改革精神和严的标准管党治党
坚决打好反腐败斗争攻坚战持久战总体战
李强赵乐际王沪宁蔡奇丁薛祥出席会议 李希主持会议
1 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 6 - كۇنى تۇستەن بۇرىن جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. ول بىلاي دەپ باسا دارىپتەدى: جاڭا داۋىردەن بەرى، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىلگەرىلەتۋ سەرپىنى بۇرىن بولىپ كورىلمەگەن دەڭگەيدە بولدى، ونىمدىلىگى كوپكە ءمالىم. شىرىكتەسۋگە قارسى تۇرۋدى ماڭگى جالعاستىراتىن توزىمدىلىكتى، تاباندىلىقتى باستان - اياق ساقتاپ، ستراتەگيالىق تاباندىلىق پەن تەگەۋرىندى كۇيدى ساقتاپ، ءبىر قادام دا ايالداماي، جارتى قادام دا جول بەرمەي، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىلدىقپەن ويداعىداي جۇرگىزۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.
شي جينپيڭ بىلاي دەپ اتاپ كورسەتتى: 2024 - جىلى پارتيا ورتالىق كوميتەتى پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، تىڭ ىلگەرىلەۋشىلىككە جانە ونىمدىلىككە قول جەتكىزدى. بۇكىل پارتيانىڭ وزىنە - ءوزى توڭكەرىس جاساۋ سىندى كەلەلى ماسەلەدەگى تانىمى اناعۇرلىم سەرگەك، ارەكەتى اناعۇرلىم باتىل بولدى؛ پارتيا ءتارتىبىن ۇيرەنۋ تاربيەسى تىڭعىلىقتى ورىستەتىلىپ، بۇكىل پارتياداعى جولداستاردىڭ قاعيداعا، تارتىپكە بويسۇنۋ تانىمى كورنەكتى كۇشەيدى؛ شىرىكتەسۋگە قارسى تۇرۋ سەرپىنى ۇزدىكسىز ارتتىرىلىپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايى جويىلدى؛ بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى رەتتەۋ - جونگە سالۋ ىشكەرىلەي ورىستەتىلىپ، بۇقارانىڭ اڭىسى كۇشتى بولعان ءبىر قىدىرۋ كورنەكتى ماسەلە شەشىلدى؛ پارتيانى ءتۇزىم ارقىلى باسقارۋ، پارتيانى قاعيدا بويىنشا باسقارۋ تەرەڭدەتىلىپ، پارتيانىڭ شىرىكتەسۋگە قارسى تۇرۋ كۇرەسىنە باسشىلىق ەتۋ، پارتيانى جاپپاي قاتاڭ باسقارۋدى ىلگەرىلەتۋ قابىلەتى ونان ارى جوعارىلاتىلدى.
شي جينپيڭ بىلاي دەپ باسا دارىپتەدى: شىرىكتەسۋ − پارتيامىز ءدوپ كەلگەن ەڭ ۇلكەن حاۋىپ، شىرىكتەسۋگە قارسى تۇرۋ − ەڭ تۇبەگەيلى وزىنە - ءوزى توڭكەرىس جاساۋ. جاڭا داۋىرگە قادام تاستاعان سوڭ، پارتيا ىشىندەگى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندەگى كورنەكتى ماسەلەلەر الدىندا، ءبىز شىرىكتەسۋگە، ءسوز جوق، قارسى تۇرۋعا، قياناتشىلدىقتى، ءسوز جوق، جويۋعا تاباندى بولىپ، كادرلار قوسىنىن ۇزدىكسىز كىرشىكسىزدەندىرىپ، پارتيانىڭ وبرازىن قورعاپ، قىزىل بيلىكتى بەكەمدەپ، پارتيانىڭ سيپاتىنىڭ وزگەرمەۋىنە، ءتۇسىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتۋ سىندى تاريحي ىرىقتىلىققا قول جەتكىزدىك، پارتيانىڭ جالپى حالىقتى ىنتىماقتاستىرىپ، باستاپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن بىرگە كۇرەس جاساۋى سىندى تاريحي ىرىقتىلىققا قول جەتكىزدىك.
شي جينپيڭ بىلاي دەپ اتاپ كورسەتتى: كەزەكتە شىرىكتەسۋگە قارسى تۇرۋ كۇرەسىنىڭ جاعدايى ءالى قاتاڭ دا كۇردەلى. شىرىكتەسۋدىڭ قالدىعى ءالى جويىلعان جوق، ارتقان مولشەر ءالى دە ۇزدىكسىز تۋىلۋدا، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن جويۋ مىندەتى اۋەلگىدەي جاپالى دا اۋىر بولىپ وتىر. شىرىكتەسۋگە قارسى تۇرۋ كۇرەسىن تانۋ ءۇشىن، ءسوزسىز، تاريحي كوز ايا، ستراتەگيالىق بيىك دەڭگەي بولۋى، پارتيانىڭ بورىشىن، مىندەتىن جۇزەگە اسىرۋدى كوزدەۋ كەرەك. شىرىكتەسۋگە قارسى تۇرۋ كۇرەسىندە، ءسوز جوق، بۇلجىماۋ كەرەك، ءارقانداي ەكى ۇداي بولۋ، اۋىتقۋ، بوساڭسۋ، اياۋشىلىق ىستەۋ نەمەسە اياقسىز قالدىرۋ ءبارى اۋدارۋ سيپاتتى قاتەلىك تۋدىرادى. ءار ءتۇرلى قاتە تانىمداردى باتىلدىقپەن ايقىنداپ، يدەيا تۇمانىن سەيىلتىپ، شىرىكتەسۋگە قارسى تۇرۋ كۇرەسىندەگى بەكىم مەن سەنىمدى ونان ارى بەكەمدەۋ كەرەك.
شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا، ءسوز جوق، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، اناعۇرلىم زور ونىمدىلىككە قۇلشىنا قول جەتكىزىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ءۇشىنشى جالپى ءماجىلىسىنىڭ ورنالاستىرۋلارىنىڭ تياناقتانۋىنا، ناقتىلانۋىنا شىنايى كەپىلدىك ەتىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتۋ كەرەك. پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا، ءسوز جوق، ايتقانىن ىستەۋ كەرەك. يدەيالىق جاقتا، پارتيانىڭ جاسامپاز نازارياسىمەن قارۋلانۋدى قاجىماي - تالماي كۇشەيتىپ، پارتيا ورتالىق كوميتەتىنىڭ سول ءوڭىردىڭ، سول تاراۋدىڭ، سول سالانىڭ رەفورماسى، دامۋى جونىندەگى نىساناسىن، ورىن تۇراقتاندىرۋىن جانە ورنالاستىرۋلارىن، تالاپتارىن دالمە - ءدال يگەرىپ، يدەيانىڭ ءبىر تۇتاس، بەتالىستىڭ بىردەي بولۋىنا شىنايى كەپىلدىك ەتۋ كەرەك. ساياسي جاقتا، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ساياسي ءتارتىپ پەن ساياسي قاعيدانى قاتايتىپ، ”جەتى ءتۇرلى نىسايدىڭ“ بوي كورسەتۋىنە استە جول بەرمەي، ءسوزى مەن ارەكەتى بىردەي بولۋعا، بۇيرىقتى بۇلجىتپاي ورىنداۋعا، تيىم سالىنعان ءىستى ىستەمەۋگە شىنايى كەپىلدىك ەتۋ كەرەك. ارەكەت جاعىندا، پارتيا ورتالىق كوميتەتىنىڭ ءتۇرلى شەشىمدەرىنىڭ، ورنالاستىرۋلارىنىڭ تياناقتاندىرىلۋ جاعدايىن ساياسي باقىلاۋدىڭ ءتۇيىنى ەتۋگە تاباندى بولىپ، كۇش بىرىكتىرە رەفورمادان قامال الۋدى ىلگەرىلەتۋ، جوعارى ساپالى دامۋدى جەبەۋ كەرەك.
شي جينپيڭ بىلاي دەپ باسا دارىپتەدى: پارتيانىڭ ءتارتىپ قۇرىلىسىن كۇشەيتۋ ۇنەمىلىك قىزمەت، پارتيا مۇشەلەرىن، كادرلاردى وزگەنىڭ تەجەۋىن وزىندىك تەجەۋگە اينالدىرىپ، كۇندەلىكتى تۇرمىستا اڭداۋسىز - اق قولدانىلا بەرەتىن ءسوز - ارەكەت ولشەمى ەتىپ وي ساناعا ۇيالاتۋعا جەتەكتەۋ كەرەك. ۇدايىلانعان، ۇزاق ءونىمدى ءتارتىپ تاربيەسى مەحانيزمىن ورناتىپ، ءتارتىپ تاربيەسىن كادرلاردىڭ جەتىلۋىنىڭ تۇتاس پەريودىنا ءسىڭىرۋ، ۇيىمدىق باسقارۋدىڭ جالپى بارىسىمەن توعىستىرۋ كەرەك. پارتيا ءتارتىبىن قاتاڭ اتقارىپ، ”ءتورت ءتۇرلى فورماتسيانى“ دالمە - ءدال قولدانىپ، شىندىقتى ءىس جۇزىنەن ىزدەپ، جازىقسىزداردى وبالدى قىلماي، جامان ادامداردى ەركىنە جىبەرمەي، ەرتە باستان، بولماشى ىستەن باستاپ يگەرىپ، بايقالعان زامان تيىم سالىپ، قاتاڭ باسقارۋ - باقىلاۋ مەن جاۋاپكەرشىلىك ارقالاپ ىسكەرلىك كورسەتۋگە جىگەرلەندىرۋدى بىرلىككە كەلتىرىپ، كادرلاردىڭ قاعيداعا، تارتىپكە بويسۇنۋ بارىسىندا رەفورما جاساپ، جاڭالىق اشۋىنا، ءىس تىندىرىپ ناتيجە شىعارۋىنا مۇمكىندىك جاساۋ كەرەك.
شي جينپيڭ بىلاي دەپ اتاپ كورسەتتى: بۇرىس ستيلدەر مەن شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ كەرەك. نولدىك توزىمدىلىككە باستان - اياق تاباندى بولىپ، ورتالىقتىڭ سەگىز ءتۇرلى بەلگىلەمەسىن قۇرىشتاي قاعيدا، بەرىك ولشەم ەتىپ، قاسارىسا تارتىپكە قايشىلىق جاساۋ، كومەسكىلەنگەن، وزگەرگەن ”ءتورت ءتۇرلى بۇرىس ستيل“ ماسەلەسىن قاتاڭ تەكسەرىپ ءبىر جاقتى ەتىپ، پارتيا مۇشەلەرىن، كادرلاردى ەرەكشە ۇقىق يدەياسىنا جانە ەرەكشە ۇقىق جايتتەرىنە باتىل قارسى تۇرىپ، دۇرىس ۇقىق كوزقاراسىن، ناتيجە كوزقاراسىن، ءىس كوزقاراسىن بەرىك ورناتۋعا قۋزاۋ كەرەك. شىرىكتەسۋگە قارسى تۇرۋدىڭ تەگەۋرىندى كۇيىن باستان - اياق ساقتاپ، ءتۇيىندى ماسەلەلەردى، ءتۇيىندى سالالاردى، ءتۇيىندى وبيەكتىلەردى مىقتى يگەرىپ، كۇش سالا تەكسەرىپ، پارا الۋ مەن پارا بەرۋدى بىرگە تەكسەرۋدى تەرەڭدەتىپ، جۇيەلى شىرىكتەسۋ حاۋىپ - قاتەرلەرىن، كومەسكى كىناراتتارىن باتىل جويۋ كەرەك. دەلو ارقىلى تۇزەتۋدى جەبەۋدىڭ، جونگە سالۋدى جەبەۋدىڭ ناقتى ونىمدىلىگىن كۇشەيتىپ، ۇقىق ورنالاسىمىن، اينالىمىن تەجەۋ جانە باقىلاۋ مەحانيزمىنىڭ كەمەلدەنۋىن ىلگەرىلەتىپ، جاڭاشا شىرىكتەسۋدەن جانە كومەسكى شىرىكتەسۋدەن ساقتانۋدىڭ جانە جويۋدىڭ ءونىمدى ادىستەرىن بايىتۋ كەرەك. ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ،”بىرگە تەكسەرۋ“ ارقىلى بۇرىس ستيل مەن شىرىكتەسۋ قاباتتاسقان ماسەلەلەردى قاتاڭ جازالاپ، ”بىرگە جونگە سالۋ“ ارقىلى بۇرىس ستيل مەن شىرىكتەسۋدىڭ ورتاق ءتۇپ قاينارىن جويۋ كەرەك.
شي جينپيڭ بىلاي دەپ باسا دارىپتەدى: پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىكتى جانە باقىلاۋ جاۋاپكەرشىلىگىن كۇشەيتۋ كەرەك. پارتكوم ىرىقتىلىقپەن يگەرىپ، ىرىقتىلىقپەن باسقارۋى، ءتارتىپ تەكسەرۋ كوميتەتى ارناۋلى باقىلاۋ جاۋاپكەرشىلىگىن ويداعىداي اتقارىپ، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى، ءارقايسى جاۋاپكەرشىلىك نەگىزگى تۇلعالارى جاۋاپكەرشىلىكتى ءبىلۋى، جاۋاپكەرشىلىكتى ارقالاۋى، جاۋاپكەرشىلىكتى اتقارۋى كەرەك. جاۋاپكەرشىلىكتى تياناقتاندىرۋدى باعالاۋ مەحانيزمىن ساپالىلاندىرىپ، قىزمەتىن وتەمەگەندەردى، جاۋاپكەرسىزدىك ىستەگەندەردى دالمە - ءدال، عىلمي جاۋاپقا تارتۋ كەرەك.
شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋدىڭ نەگىزگى ساتىعا كەڭەيۋىن ۇزدىكسىز ىلگەرىلەتۋ كەرەك. ءار دارەجەلى پارتكومدار، اسىرەسە، قالالىق، اۋداندىق پارتكومدار بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن وڭاۋدى ماڭىزدى مىندەت رەتىندە ۇدايىلاندىرا يگەرىپ، بۇقارانىڭ سەزىپ بىلە الۋىنا مۇمكىندىك جاساۋى كەرەك. نەگىزگى ساتى باقىلاۋ ءتۇزىلىس - مەحانيزمى رەفورماسىن تەرەڭدەتىپ، ءتارتىپ تەكسەرۋدى، باقىلاۋ - تەكسەرۋدى نەگىزگى ساتىنى شارلاپ تەكسەرۋمەن ۇشتاستىرۋ، ءارقايسى جاقتىڭ باقىلاۋىن ءبىر تۇتاس جوسپارلاۋ كەرەك. فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ءونىمدى مەحانيزمىن تياناقتاندىرىپ، قالىڭ نەگىزگى ساتى كادرلارىنىڭ اناعۇرلىم كوپ زەيىن - زەردەمەن تياناقتاندىرۋدى يگەرۋىنە مۇمكىندىك جاساۋ كەرەك.
شي جينپيڭ بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى − پارتيانىڭ وزىنە - ءوزى توڭكەرىس جاساۋىن ىلگەرىلەتەتىن ماڭىزدى كۇش، پارتيا مەن حالىق بۇل قوسىنعا تولىق سەنىم ارتادى، كوپ ءۇمىت كۇتەدى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ۇقىق بەرۋ مەن ۇقىقتى مەڭگەرۋدى ۇشتاستىرۋعا تاباندى بولىپ، ۇقىقتى ءتۇزىم قاپاسىندا ۇستاۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇش سالا نىعايتىپ، ستيلدى دۇرىستاۋ، ءتارتىپتى قاتايتۋ، شىرىكتەسۋگە قارسى تۇرۋ قابىلەتىن ۇزدىكسىز جوعارىلاتۋ كەرەك. نەگىزگى تاقىرىپتىق تاربيە جانە تاربيەلەۋ، رەتتەۋ جەتىستىكتەرىن بەكەمدەپ، كەڭەيتىپ، تەمىر سوقساڭ قۇرىش بول دەگەنگە تاباندى بولىپ، قاتاڭ باسقارۋدى، باقىلاۋدى كۇشەيتىپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جاسايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك.
لي شي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە وتكەن ءبىر جىلداعى پارتيانى جاپپاي قاتاڭ باسقارۋدىڭ تىڭ ىلگەرىلەۋشىلىكتەرىن، جاڭا ونىمدىلىكتەرىن تولىق تۇراقتاندىرىپ، شىرىكتەسۋگە قارسى تۇرۋ كۇرەسىنىڭ نەگىزگى زاڭدىلىعىن كورەگەن تاريحى كوز ايامەن تەرەڭ يگەرىپ، كەزەكتەگى شىرىكتەسۋگە قارسى تۇرۋ كۇرەسىنىڭ جاعدايىنا تەرەڭ تالداۋ جاساپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ جونىندە ايقىن تالاپ قويىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. ءسوزدىڭ ورەسى بيىك، يدەياسى تەرەڭ، ماسەلەگە بەتپە - بەت كەلگەن، تەرەڭ وي سالىپ، سانانى سەرگىتىپ، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ماڭىزدى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، باتىلدىقپەن كۇرەس جۇرگىزىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، شىرىكتەسۋگە قارسى تۇرۋ كۇرەسىن بۇلجىماي ىشكەرىلەي ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، ءارقايسى حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ءارقايسى ولكە، اۆتونوميالى رايون، توتە قاراستى قالادا جانە شينجياڭ ءوندىرىس - قۇرىلىس بيڭتۋانىندا، سونداي - اق ارميانىڭ قاتىستى ورىندارىندا بولىمشە ءماجىلىس ورنى ورنالاستىرىلدى.
جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى 1 - ايدىڭ 6 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 6 - كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ تىڭ ونىمدىلىكتەرى ارقىلى جۇڭگو ۇلگىسىندەگى وسىزاماندانۋدى ىلگەرىلەتۋگە پارمەندى قامتاماسىزدىق ازىرلەيىك» دەگەن تاقىرىپتا قىزمەت بايانداماسىن جاسادى.
来源：新疆日报
编辑：阿莱·赫亚克巴依
监制：叶尔兰·努哈
