انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 8 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتىنىڭ توعىزىنشى جالپى ءماجىلىسى 1 - ايدىڭ 8 - كۇنى اشىلىپ، 2024 - جىلعى قىزمەتتەردى جۇيەلى قورىتىندىلادى، 2025 - جىلعى ءتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
بيڭتۋان پارتكومىنىڭ شۋجيى، جىڭۋي حى جۇڭيوۋ بيڭتۋان پارتكومى تۇراقتى كوميتەتى اتىنان جالپى ماجىلىسكە قىزمەتتەن بايانداما جاسادى ءارى قورىتىندى ءسوز سويلەدى. بيڭتۋان پارتكومىنىڭ ورىنباسار شۋجيى، سىليڭيۋان شۋە بين بيڭتۋاننىڭ ەكونوميكالىق قىزمەتى جونىندە ناقتى ورنالاستىرۋ جاسادى.
ءماجىلىس «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتى توعىزىنشى جالپى ءماجىلىسىنىڭ قارارىن» قاراپ ماقۇلدادى.
ما شيڭرۇي بىلاي دەپ اتاپ كورسەتتى: وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بيڭتۋان پارتكومى باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جاپپاي دايەكتىلەندىرىپ، قىزمەت جاۋاپكەرشىلىگىن، بورىشىن ادالدىقپەن وتەپ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىن ىلگەرىلەتۋدە نىق قادام تاستادى. ناتيجەگە وڭاي قول جەتكەن جوق، بۇل، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ جول باستاۋىنىڭ ارقاسى، تۇپتەپ كەلگەندە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە تاباندى بولۋدىڭ ارقاسى. بيڭتۋان ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە ءتۇسىنىپ، شىنايى اتقارىپ، پارتيا ورتالىق كوميتەتىنىڭ بيڭتۋاننىڭ ورنىن تۇراقتاندىرۋ جونىندەگى تالابىن تەرەڭ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ءتۇرلى قىزمەتتى ويداعىداي ىستەۋدىڭ ءتۇبىرلى بويسۇنۋ ولشەمى ەتۋگە، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتۋگە تاباندى بولىپ، رەفورما، دامۋ، ورنىقتىلىق قىزمەتتەرىندە تىڭ ىلگەرىلەۋشىلىككە قول جەتكىزۋدى بار كۇشپەن ىلگەرىلەتۋى كەرەك.
ما شيڭرۇي بىلاي دەپ باسا دارىپتەدى: بيڭتۋان مەملەكەتتىڭ ستراتەگيالىق جالپى جاعدايىنا بەلسەنە قىزمەت وتەپ، شينجياڭنىڭ دامۋ كەلەلى جاعدايىمەن ىرىقتىلىقپەن توعىسىپ، ”بەس ۇلكەن ستراتەگيالىق ورىندى“ كوزدەپ جاۋاپكەرشىلىك ارقالاپ ەكپىندەي ىلگەرىلەۋى كەرەك. ەسىك اشۋ تەبىنىن ءۇرتىس ارتتىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ىشكەرىلەي ات سالىسىپ، توڭىرەكتەگى ەلدەردىڭ جەرگىلىكتى ورىندارىمەن ەكونوميكا - ساۋدا اۋىس - كۇيىسىن، سەلبەستىگىن تەرەڭدەتىپ، سىرتقا ەسىك اشۋ دەڭگەيىن جوعارىلاتۋى؛ ”ون ءىرى كاسىپ سالاسى شوعىرى“ قۇرىلىسىن ارقاۋ ەتىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرىپ، بۇكىل ەلدىڭ ءبىر تۇتاس ۇلكەن بازارىمەن اناعۇرلىم ويداعىداي توعىسىپ، وزىندىك باسىمدىقتى دامۋ ناقتى ناتيجەسىنە اينالدىرۋى؛ شينجياڭنىڭ ەنەرگيا جانە شەشۋشى كەن ونىمدەرى بايلىعىن اشۋعا، پايدالانۋعا بەلسەنە ات سالىسىپ، ستراتەگيالىق سيپاتتى، جەتەكشىلىك سيپاتتى كەلەلى نىسانداردىڭ تياناقتانۋىن ىلگەرىلەتىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ دەڭگەيىن جوعارىلاتۋى؛ استىقتىڭ، ماقتانىڭ ءونىمىن ورنىقتىرۋدى، ءونىمىن ارتتىرۋدى ءۇرتىس ىلگەرىلەتىپ، اۋىل شارۋاشىلىعىنىڭ وسىزاماندانۋ دەڭگەيىن جوعارىلاتىپ، مەملەكەتتىڭ استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋىن قامتاماسىز ەتۋگە اناعۇرلىم زور ۇلەس قوسۋى؛ لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ ەرەكشە رولىن اناعۇرلىم ويداعىداي ساۋلەلەندىرۋى كەرەك. نازاردى جاڭا داۋىردەگى بيڭتۋاننىڭ قىزمەت جاۋاپكەرشىلىگىنە، بورىشىنا شوعىرلاندىرىپ، رەفورمانى ونان ارى جاپپاي تەرەڭدەتىپ، بيڭتۋاننىڭ اينالىم مەحانيزمىن ۇزدىكسىز اقاۋسىزداندىرۋدى ارقاۋ ەتىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمالاردى جوسپارلاپ ىلگەرىلەتۋى؛ بيڭتۋان مەن جەرگىلىكتى ورىننىڭ كىرىكپەلى توعىسۋدا اناعۇرلىم زور ىلگەرىلەۋشىلىككە قول جەتكىزۋىن جەبەپ، ەكونوميكالىق قۇرىلىم مەن كاسىپ سالاسى قۇرىلىمىن رەتتەۋ جاعىنا كۇش سالىپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ سياقتى كەلەلى قىزمەتتەردە ناقتى ونىمدىلىككە قول جەتكىزۋدى كۇش بىرىكتىرە ىلگەرىلەتۋى كەرەك. پارتيانىڭ جالپى بەتتىك باسشىلىعىنا تاباندى بولىپ، پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىكتى مۇقيات وتەپ، ساياسي قۇرىلىستى ءبىر تۇتاس باسشىلىققا الىپ، پارتيا قۇرىلىسىن جاپپاي كۇشەيتىپ، ۇزدىكسىز ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇرۋى كەرەك. اۆتونوميالى رايوننىڭ ءار دارەجەلى ورىندارى، تاراۋلارى بيڭتۋاننىڭ رەفورمانى تەرەڭدەتۋىن جانە دامىپ زورايۋىن بار كۇشپەن قولداپ، ساياسات، بايلىق، نىسان، دارىندى جاعىندا جان - جاقتى قامتاماسىزدىق ازىرلەپ، بيڭتۋاننىڭ شينجياڭ قىزمەتى باس نىساناسىن جۇزەگە اسىرۋ بارىسىندا اناعۇرلىم زور رول اتقارۋىن قولداۋى، ىلگەرىلەتۋى كەرەك.
حى جۇڭيوۋ بايانداماسىندا 2024 - جىلعى بيڭتۋان قىزمەتىنە قايىرىلا قاراپ، بيىلعى قىزمەتتەر جونىندە ورنالاستىرۋ جاساپ، بىلاي دەپ اتاپ كورسەتتى: باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن باتىل دايەكتىلەندىرىپ، تياناقتاندىرىپ، جاڭا دامۋ ۇستانىمىنا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتۋگە تاباندى بولىپ، مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، پارتيا ورتالىق كوميتەتىنىڭ بيڭتۋاننىڭ ورنىن تۇراقتاندىرۋ جونىندەگى تالابىن مىقتاپ يگەرىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، جوعارى ساپالى دامۋدى جانە بيڭتۋان مەن جەرگىلىكتى ورىننىڭ توعىسا دامۋىن تىڭعىلىقتى ىلگەرىلەتىپ، تۋراشىلدىقتان اينىماي جاڭالىق اشۋعا تاباندى بولىپ، بيڭتۋاننىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرىپ، حالىق تۇرمىسىن اناعۇرلىم ويداعىداي جاقسارتىپ، جۇرت تىلەگىن توعىستىرىپ، ورنىقتىلىقتى قورعاپ، ىنتىماقتى كۇشەيتىپ، جاڭا داۋىردەگى بيڭتۋاننىڭ ورنىقتىلىقتى قورعاپ، شەكارانى كۇزەتۋدەگى جاڭا باسىمدىعىن قۇلشىنا قالىپتاستىرىپ، ”14 - بەسجىلدىق“ جوبانىڭ نىسانا - مىندەتتەرىن ءساتتى ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋ كەرەك.
ءماجىلىس بيىلعى قىزمەتتىڭ جالپى تۇلعالىق تالابىن ارقاۋ ەتىپ ءتۇيىندى مىندەتتەر جونىندە ورنالاستىرۋ جاسادى، باستىسى، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن باتىل اتقارۋ، ورنىقتىلىقتى قورعاۋ، شەكارانى كۇزەتۋ قابىلەتىن جوعارىلاتۋ، جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتۋ، جوعارى ساپالى دامۋدى جەدەل ىلگەرىلەتۋ، رەفورمانى ونان ارى جاپپاي تەرەڭدەتۋ، وقۋ - اعارتۋ، عىلىم - تەحنولوگيا، دارىندىلار ءىسىنىڭ دامۋىن ءبىر تۇلعالى ىلگەرىلەتۋ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ ىلگەرىلەتۋ، بيڭتۋان مەن جەرگىلىكتى ورىننىڭ توعىسا دامۋىن جاپپاي ىلگەرىلەتۋ، دامۋ جەتىستىكتەرىنىڭ حالىق تۇرمىسىنا اناعۇرلىم كوپ تيىمدىلىك جەتكىزۋىن ىلگەرىلەتۋ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ، ت. ب.
بيڭتۋان پارتكومىنىڭ تۇراقتى مۇشەلەرى ليۋ جيانميڭ، لي جىنگو، لي گو، جاڭ ۋىنشىڭ، حا زىڭيوۋ، لي يۇڭحۇڭ، لي شۇي، جۋ شۋەبيڭ ماجىلىسكە قاتىناستى.
来源：新疆日报
编辑：阿莱·赫亚克巴依
责编：叶克奋·沙布尔
监制：叶尔兰·努哈
