五保老人去世
98万元赔偿款归谁
بەستە قامدالاتىن قاريا اۆتوكولىك شىرعالاڭىنان قازا بولعاننان كەيىن، 980 مىڭ يۋاننان استام تولەم سوماسىنا يە بولادى، ەكىنشى رەتتەگى مۇراگەرى رەتىندە، ەكى باۋىرلاس ءىنىسى اراسىندا وسى تولەم سوماسىنىڭ كىمگە ءتان بولاتىندىعى جونىندە داۋ-شار تۋىلادى. بىرنەشە كۇننىڭ الدىندا، جياڭسۋ ولكەسى شۇيجوۋ قالاسى تۇڭشان رايوندىق حالىق سوتى مەكەمەسى بۇل دەلونى قاراپ اياقتاتتى.
حۋ چياڭ (وزگەرتىلگەن ەسىم) تۇڭشان رايونى بەلگىلى قىستاعىنىڭ تۇرعىنى، جۇبايى، پەرزەنتى جوق، اكە-شەشەسى الدەقاشان قايتىس بولعان، حۋ بيڭ (وزگەرتىلگەن ەسىم) ، حۋ تاۋ (وزگەرتىلگەن ەسىم) ەسىمدى 2 ءىنىسى بار، ءوزى بەستە قامدالاتىن وتباسىنا جاتادى.
1996-جىلى اكەسى قايتىس بولعاننان كەيىن، حۋ چياڭ حۋ بيڭمەن بىرگە تۇرمىس كەشىرەدى. 2022-جىلى 7-ايدا حۋ چياڭ اۆتوكولىك شىرعالاڭىنان قازا بولادى، حۋ بيڭ حۋ چياڭنىڭ جەرلەۋ جۇمىستارىن بىتىرەدى، قامسىزداندىرۋ سەرىكتەستىگى ءتۇرلى زيان ءۇشىن جيىنى 980 مىڭ يۋاننان استام تولەم بەرەدى.
حۋ بيڭ اعاما كوپ جىل قارايلاسىپ كەلدىم، تولەم اقشاعا مەنىڭ مۇراگەرلىك ەتۋىم كەرەك دەپ قارايدى. حۋ تاۋ: مەن حۋ بيڭمەن ۇقساس رەتتەگى مۇراگەرمىن، تولەم سوماسى بىزگە تەڭ ءبولىنۋى كەرەك دەپ قارايدى، ءسويتىپ، ەكەۋى كەلىسە المايدى، حۋ بين حۋ تاۋدىڭ ۇستىنەن تۇڭشان رايوندىق حالىق سوتى مەكەمەسىنە ارىز بەرىپ، تولەم سوماسىن وزىنە بەرۋدى تالاپ ەتەدى.
سوت مەكەمەسى تەكسەرۋ ارقىلى بىلاي دەپ قارايدى: ءولىم تولەم سوماسى، رۋحاني زيان جۇباتۋ قاراجاتى جانە جەرلەۋ قاراجاتى حۋ چياڭ قازا بولعان كەزدە ونىڭ مەنشىگىندە بولماعان، سوندىقتان بۇل تولەم مۇراعا جاتپايدى، وسى تولەم سوماسىنان جەرلەۋ قاراجاتىنا قاتىستى شىعىستى شىعارىپ تاستاعاننان كەيىن ءبولۋ كەرەك. بۇل دەلودا حۋ چياڭنىڭ ءولىمى سالدارىنان كەلىپ شىققان ءتۇرلى تولەم سوماسى 980 مىڭ يۋاننان اسادى، قازىر ەكى جاق وسى سوما بويىنشا ءبولۋدى قۋاتتايدى، سوت مەكەمەسى ونى مويىندايدى.
ءولىم تولەم سوماسى، رۋحاني زيان جۇباتۋ قاراجاتى دەگەنىمىز ۇقىققا قول سۇعۋشىنىڭ ولگەن ادامنىڭ جاقىن تۋىستارىنىڭ تارتقان زيانىن بەلگىلى كولەمدە تولەۋى، ول ولگەن ادامنىڭ جاقىن تۋىستارىنىڭ ورتاق مال-مۇلكى. بۇل مال-مۇلىكتى بولۋدە ەكى ءىنىسىنىڭ حۋ چياڭمەن بىرگە تۇرمىس كەشىرۋىنىڭ ەتەنەلىك دارەجەسى، قارىم-قاتىناسىنىڭ الىس-جاقىندىعى، بىرگە تۇرمىس كەشىرۋ جانە ەكونوميكالىق يەك سۇيەۋ قاتىناسى، جەرگىلىكتى سالت-سانا بويىنشا ۇقىقتى ادامنىڭ تۇرمىس قاينارى مەن حۋ چياڭنىڭ قازاسىنىڭ ۇقىقتى ادامعا جاسايتىن كەيىنگى ىقپالى سياقتى فاكتورلاردى جان-جاقتى ويلاستىرۋ كەرەك.
حۋ چياڭ كوزى تىرىسىندە حۋ بيڭنىڭ ۇيىندە تاماقتاناتىن، حۋ چياڭنىڭ سۋ، ەلەكتر، ەمدەۋ قامسىزداندىرۋى قاراجاتىن تاپسىرۋى سياقتى نەگىزگى شىعىسىن دا حۋ بيڭنىڭ وتباسىنداعىلار ۋاكىلاتان تاپسىراتىن، حۋ بيڭ تولەم سوماسىن كوبىرەك الۋى كەرەك. حۋ چياڭنىڭ ءوزىن-ءوزى باسقارۋ قابىلەتى بار ەكەنىن، قازا بولعاندا باسقالاردىڭ باعىپ-قاعۋىنىڭ قاجەتى جوق ەكەنىن ەسكەرە وتىرىپ، سوت مەكەمەسى جاعدايعا قاراي حۋ بيڭگە %55تىك سالىستىرما، حۋ تاۋعا %45تىك سالىستىرما بويىنشا جوعارىدا ايتىلعان مال-مۇلىكتى ءبولىپ بەرۋدى بەلگىلەيدى.
1-سوت ۇكىمىنەن كەيىن، حۋ تاۋ شاعىم ارىز بەرەدى، 2-سوتقا جاۋاپتى بولعان حالىق سوتى مەكەمەسى دەلونى قاراپ شىققاننان كەيىن زاڭ بويىنشا شاعىم ارىزدى تويتارىپ، بۇرىنعى ۇكىمدى ساقتادى.
来源：新疆法治报
编辑：阿莱·赫亚克巴依
翻译：汤达娜·阿扎提
责编：库娜依·胡阿泰
监制：叶尔兰·努哈
