ۋاقىت زىمىراپ وتە بەرەدى، ادام ءومىرىن تاريحتىڭ سالقار كوشىنە سالساڭىز، لەزدىك عانا ەكەندىگىن اڭعاراسىز. كەيبىر ادامدار ءيىس الماس جەتەسىزدىكپەن بار ءومىرىن تەكتەن-تەككە وتكىزەدى. ال كەيبىر ادامدار ءومىرىنىڭ تىزگىنىن ءوز قولىندا قىمتي ۇستاپ، ەركىن، جايلى ءومىر كەشىرەدى، ارتىنا وكىنىش قالدىرمايدى. مۇنداعى پارىق، سوڭعى ايتقان ادامداردىڭ مىنا 3 ءىستى ىستەي العاندىعىندا جاتىر، ياعىني، دۇنيەگە قۇل بولماعان، ەلدىڭ ءسوزىن ەلەمەگەن، كوڭىل كۇيىنىڭ شىرماۋىندا قالماعان.
”اسىلزادالار مال-دۇنيەنى پايدالانار، دۇنيەگە قۇل بولماس“،-دەگەن كونەدەن قالعان ءسوز بار.
ادام ومىردە مال-دۇنيەگە تىم بەرىلىپ كەتسە، قاشان بولماسىن ءوز تىلەگىنە قايشى تالعامعا بارىپ، دۇنيەنىڭ قۇلىنا اينالارى حاق. مال-دۇنيەنى كەرەگىمىزگە جاراتىپ پايدالانساق، ونىڭ مەڭگەرۋىنە تۇسپەسەك عانا، كوڭىلىمىز جاي كۇن كەشە الامىز. سوندىقتان استە قۋ دۇنيەنىڭ قۇلىنا اينالىپ، ادامدىق، ادامگەرشىلىك جونىندەگى پرينسيپتەرىڭىزدى ەسكەرۋسىز قالدىرماڭىز.
قۋ دۇنيە ءۇشىن جانىڭىزدى سالىپ، مال-دۇنيەنىڭ قۇلىنا اينالماساڭىز، زاتتىق قاجەتتىلىكتىڭ شەڭگەلىنە تۇسپەسەڭىز بولعانى، ناعىز ادامدىق ءومىر كەشىرەتىن بولاسىز.
”جاقسى لەپەس جاندى جىلىتادى، جامان ءسوز كوڭىل سۋىتادى“،-دەگەن ءسوز بار.
ەگەر ەلدىڭ ءبارى جامان سوزدەن قاشىپ، كوبىرەك جاقسى لەبىز بىلدىرەر بولسا، مىنا دۇنيە جاندى قاريتىن ىزعارى جوق، تەك ىزگىلىك پەن مەيىرىمنىڭ ۇياسى بولار ەدى.
جۇرتتىڭ وسەگىنە ءىلىنىپ، سۇرقيا سوزدەردەن جانىڭىز جارالانعان كەزدە، وزەگىڭىز اشىپ قايعىرۋىڭىز مۇمكىن. الايدا، ءبىز ەلدىڭ اۋزىنا قاقپاق قويۋعا امالسىزبىز، تەك قانا سول سوزدەرگە قانداي پوزيتسيا ۇستانىپ، قانداي كوڭىل كۇيمەن بەتپە-بەت كەلۋدى ءوزىمىز بەلگىلەي الامىز. قاي-قاشان دا ەسىڭىزدە بولسىن، بىرەۋدىڭ ايتقان ءسوزىنىڭ ءبارى راس بولا بەرمەيدى، ونىڭ ءبارى ءسىزدىڭ ماسەلەڭىز ەمەس بولۋى مۇمكىن.
ەلدىڭ ءسوزىن ەلەمەڭىز، ويىڭىزداعى ءوزىڭىز بولىپ جاساڭىز، تابيعي تۇردە ءورشىل قۋاتىڭىزدى كورسەتە الاسىز.
ادام بىتكەننىڭ ءبارى ءتۇرلى-تۇستەگى ساتسىزدىككە، قيىنشىلىققا ۇشىرايدى، سوعان بولا ازدى-كوپتى ازاپ شەگەدى. الايدا سوعان شىم باتىپ، شىرمالىپ الاتىن بولسا، ءدال قازىرگى ءساتىن ويداعىداي وتكىزبەك تۇگىلى، قالعان ءومىرىن دە قور ەتۋى مۇمكىن. تەك ودان سۋىرىلىپ شىعا السا، ۇمىتكەرلىكپەن، كەڭ پەيىلدىلىكپەن وعان بەتپە-بەت كەلە السا، كەلەر كۇندى باقىتتى، قۋانىشتى وتكىزە الادى.
تاعدىردىڭ بىزگە قانداي سي تارتاتىندىعىن ءوزىمىز مەڭگەرە الماسىمىز انىق، ءبىراق ءومىرىمىزدىڭ بيلىگى ءوز قولىمىزدا ەكەنىن ۇمىتپايىق. ومىرگە وزگەشە كوڭىل كۇيمەن جانە وزگەشە تاسىلمەن مامىلە جاساساڭىز، وزگەشە ناتيجەگە قول جەتكىزەسىز.
ءسىز وتكەن كۇندەردە نەمەسە ءدال قازىرگى ساتتە توتەنشە مۇشكىل جاعدايعا ءدوپ كەلگەن بولۋىڭىز، سونىڭ سوققىسىنان قۇلدىراۋ حالىندا قالعان بولۋىڭىز مۇمكىن. الايدا قانشاما قيىندىق بولسا دا، ونىڭ قاتەرىنەن ءوزىڭىزدى قۇتقارىپ شىعار ءوزىڭىز عاناسىز. بۇلتتى جارىپ كۇن شىعاتىندىعىنا، قىستىڭ ارتىندا كوكتەم بار ەكەندىگىنە سەنىڭىز؛ قۇلدىراپ قۇرىپ كەتپەيتىندىگىڭىزگە، سەرپىلىپ بيىككە شىعارىڭىزعا سەنىڭىز. وسىنداي كوڭىل كۇيدە بولساڭىز عانا، مۇشكىل حالدىڭ شىرماۋىندا قالمايسىز، سوندا عانا ءدال قازىرگى ءساتىڭىزدى جاقسى وتكەرىپ، تاماشا بولاشاقپەن قاۋىشا الاسىز.
ءبارىڭىزدىڭ دە باراقاتتى كۇن كەشىپ، ءوزىڭىز بولىپ ءومىر ءسۇرىپ، قازىرگى ءساتىڭىزدى جاقسى وتكەرىپ، ءومىرىڭىزدىڭ ءار تاڭىن ارايلى قارسى الۋلارىڭىزدى تىلەيمىن.
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
ماسەلەنى شەشۋدىڭ ەڭ ۇتىمدى ءادىسى نە
ۋاقىت شىعارىپ ءوزىڭىزدى سومداي ءبىلىڭىز
