这笔补助，新疆再次提高标准！
شينجياڭ بۇل كومەك قاراجاتتىڭ ولشەمىن تاعى دا جوعارىلاتتى! ![]()
1-ايدىڭ 7-كۇنى ءتىلشىنىڭ اۆتونوميالى رايوندىق قوسىننان بوساعان اسكەريلەر ىستەرى مەڭگەرمەسىنەن ۇعىسۋىنشا، قوسىننان بوساعان اسكەريلەر ىستەرى مينيسترلىگى مەن قازىنا مينيسترلىگىنىڭ ءبىر تۇتاس ورنالاستىرۋىنا ساي، اۆتونوميالى رايوندىق قوسىننان بوساعان اسكەريلەر ىستەرى مەڭگەرمەسى، اۆتونوميالى رايوندىق قازىنا مەڭگەرمەسى بىرلەسىپ حابارلاندىرۋ باسىپ تاراتىپ، 2024-جىلى 8-ايدىڭ 1-كۇنىنەن باستاپ ءبىر ءبولىم قامقورلىق جاسالاتىن وبيەكتىلەر سياقتىلاردىڭ قامقورلىق قاراجاتى مەن تۇرمىستىق قوسىمشا كومەك قاراجاتى ولشەمىن تاعى دا جوعارىلاتۋدى ايقىنداعان.
وسى رەتكى ولشەمدى جوعارىلاتۋدا بۇكىل رايونىمىزداعى قامقورلىق وبيەكتىسى سياقتى 20 مىڭنان استام ادامعا تيىمدىلىك جاسالىپ، قوسىننان بوساعان اسكەريلەر ىستەرى تاراۋلارى قۇرىلعاننان بەرگى ءۇرتىس 6 جىل ارتۋ جۇزەگە اسىرىلدى. «حابارلاندىرۋدا» مىنالار ايقىندالدى: سوعىس سەبەبىنەن مۇگەدەك بولعان مۇگەدەك اسكەريلەرگە بەرىلەتىن مۇگەدەكتىك قامقورلىق قاراجات، قۇربانداردىڭ وتباسىنداعىلارعا بەرىلەتىن مەرزىمدى قامقورلىق قاراجات %6 جوعارىلاتىلادى؛ ۇكىمەت قىزمەتى سەبەبىنەن مۇگەدەك بولعان مۇگەدەك اسكەريلەرگە بەرىلەتىن مۇگەدەكتىك قامقورلىق قاراجات، ۇكىمەت قىزمەتى جولىندا قۇربان بولعان اسكەريلەردىڭ تۋىس-تۋعاندارىنا بەرىلەتىن مەرزىمدى قامقورلىق قاراجات %5 جوعارىلاتىلادى؛ اۋىلداعى اسكەردەن بوساعان اسكەريلەرگە بەرىلەتىن مەرزىمدى تۇرمىستىق قوسىمشا قاراجات ءار ادامعا جىلىنا 1321 يۋان ارتتىرىلادى؛ سوعىسقا، سىناققا قاتىناسقان، قوسىننان بوساعان اسكەريلەردىڭ مەرزىمدى تۇرمىستىق قوسىمشا قاراجاتى اي سايىن 42 يۋان جوعارىلاتىلادى، ناۋقاستانىپ اۋىلىنا قايتىپ قوسىننان بوساعان اسكەريلەرگە بەرىلەتىن مەرزىمدى تۇرمىستىق قوسىمشا قاراجات اي سايىن 31.5 يۋان جوعارىلاتىلادى، اۋىل-قىستاقتا جانە قالا-قالاشىقتا قىزمەت ورنى جوق، 18 جاستان بۇرىن مەرزىمدى قامقورلىق قاراجاتى مامىلەسىنەن يگىلىكتەنبەگەن، سونداي-اق 60 جاسقا تولعان قۇربانداردىڭ پەرزەنتتەرىنە بەرىلەتىن مەرزىمدى تۇرمىستىق قوسىمشا قاراجات ايىنا 41 يۋان جوعارىلاتىلادى؛ 1954-جىلى 11-ايدىڭ 1-كۇنى مىندەت وتەۋ ءتارتىبى سىناق رەتىندە اتقارىلعاننان تارتىپ، «قوسىننان بوساعان اسكەريلەردى ورنالاستىرۋ ەرەجەسى» اتقارىلۋدان بۇرىن قوسىنعا قاتىناسقان، جاسى 60تان اسقان (60 جاستى قامتيدى)، مەملەكەتتىڭ مەرزىمدى كومەك اقشاسىنان يگىلىكتەنبەگەن، قىستاقتارداعى قوسىننان بوساعان اسكەريلەرگە بەرىلەتىن تۇرمىستىق كومەك اقشاسىنىڭ ولشەمى ءوسىرىلىپ، ءاربىر جىلعى وتەگەن مىندەتى ءۇشىن ءار ادامعا جىلىنا 32 يۋان وسىرىلەدى. «حابارلاندىرۋدا» مىنالار تالاپ ەتىلدى: جەر-جەر رەتكە سالىنعاننان كەيىنگى ولشەم بويىنشا قامقورلىق قاراجاتى مەن تۇرمىستىق كومەك قاراجاتىن قامقورلىق جاسالاتىن وبيەكتىلەر سياقتى ادامداردىڭ قولىنا دەر كەزىندە، ءدال، تولىق تاراتۋى كەرەك. ![]()
