ەرلى-زايىپتىلار اجىراسقاننان كەيىن، ەكى جاقتىڭ ۇيلەنۋ قاتىناسى ساقتالعان مەزگىلدەگى قارىزىن ورتاق قايتارۋى كەرەك پە؟ تاياۋدا الاتاۋ قالالىق حالىق سوتى مەكەمەسى حالىق اراسىنداعى الىم-بەرىم داۋ-شارى دەلوسىن جاراستىردى.
ي x پەن حان x قىزمەتتەس ەدى. 2020-جىلى 1-ايدا ي x پەن ايەلى شا x حان xتەن 40 مىڭ يۋان قارىز اقشا الادى ءارى ءبىر جىلدان كەيىن قايتارۋعا كەلىسەدى. قارىزدى قايتارۋ ۋاقىتى تولعاننان كەيىن، حان x قارىزىن قايتارۋدى كوپ قۋزايدى، شا x ىلگەرىندى-كەيىن بولىپ 7500 يۋان قايتارادى. حان x تاعى دا قۋزاي باستاعاندا ي x پەن شا x ەكەۋى اجىراسىپ كەتتىك دەپ، حان xكە قارسى جاقتان قارىزىن قۋزاۋدى ايتادى.
2024-جىلى 12-ايدا حان x ي x پەن شا xتىڭ ۇستىنەن حالىق سوتى مەكەمەسىنە ارىز بەرىپ، ەكەۋىنىڭ 32 مىڭ 500 يۋان قارىز اقشانى قايتارىپ بەرۋىن تالاپ ەتەدى.
سۋديا جاعدايدى ۇعىسقاننان كەيىن، ي x پەن شا xتىڭ ۇيلەنۋ قاتىناسى ساقتالعان مەزگىلدە حان xتەن قارىز اقشا العانى فاكتى انىق، دالەل-ىسپاتى تولىق، الىم-بەرىم قاتىناسى شىن، كۇشكە يە دەپ قاراپ، سوت مەكەمەسى مۇنى تۇراقتاندىرادى. حان x پەن ي xتىڭ قىزمەتتەستىك قاتىناسىن كوزدە ۇستاي وتىرىپ، سۋديا ەكى جاقتىڭ ماقۇلدىعىن العاننان كەيىن، ەكى جاقتى كەلىسۋگە ۇيىمداستىردى.
كەلىستىرۋ كەزىندە سۋديا زاڭدى ءتۇسىندىرىپ، قيسىندى ۇعىندىرىپ، ي x پەن شا xكە وتەۋگە ءتيىستى زاڭدىق بورىشىن، ياعني ەكى جاقتىڭ اجىراسىپ كەتسە دە العان قارىزىن ۋاعىندا قايتارۋى كەرەكتىگىن ايتادى. سوڭىندا ەكى جاق كەلىسىمگە كەلەدى: ي x قارىزدىڭ 10 مىڭ يۋانىن تولەۋگە ءارى 2025-جىلدان باستاپ تولىق قايتارىپ بولعانعا دەيىن ايىنا 2000 يۋاننان قايتارۋعا ۋادە بەرەدى؛ ال شا x قالعان اقشانى تولەيتىن ءارى 2025-جىلدان باستاپ تولىق قايتارىپ بولعانعا دەيىن ايىنا 1000 يۋاننان قايتاراتىن بولادى.
زاڭ جالعانىمدارى
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1064-تارماعىندا بىلاي دەلىنگەن: ەرلى-زايىپتىلار بىرگە قول قويۋ نەمەسە ەرلى-زايىپتىلاردىڭ ءبىر جاعى سوڭىنان مويىنداۋ سياقتى ورتاق پىكىرگە كەلۋگە بايلانىستى ارقالاعان بەرەشەك، سونداي-اق ەرلى-زايىپتىلاردىڭ ءبىر جاعىنىڭ ۇيلەنۋ قاتىناسى ساقتالىپ وتىرعان مەرزىمدە جەكە اتىندا وتباسىنىڭ كۇندەلىكتى تۇرمىس قاجەتى ءۇشىن ارقالاعان بەرەشەگى ەرلى-زايىپتىلارعا ورتاق بەرەشەككە جاتادى.
ەرلى-زايىپتىلاردىڭ ءبىر جاعىنىڭ ۇيلەنۋ قاتىناسى ساقتالىپ وتىرعان مەرزىمدە جەكە اتىندا وتباسىنىڭ كۇندەلىكتى تۇرمىس قاجەتىنەن اسىرىپ ارقالاعان بەرەشەگى ەرلى-زايىپتىلاردىڭ ورتاق بەرەشەگىنە جاتپايدى؛ ءبىراق الاشاق يەسى بۇل بەرەشەكتىڭ ەرلى-زايىپتىلاردىڭ ورتاق تۇرمىسىنا، ورتاق ءوندىرىس تيجاراتىنا جۇمسالعانىن دالەلدەي الاتىندارى نەمەسە ەرلى-زايىپتىلاردىڭ ورتاق پىكىرگە كەلگەندەرى بۇعان كىرمەيدى.
来源：新疆法治报
翻译：唐努尔·赛力克
编辑：阿莱·赫亚克巴依
责编：叶克奋·沙布尔
监制：叶尔兰·努哈
