وتكەن ءبىر جىلدا كەي ساتتەرى جاساعان ءبىر بەكىمىمىز ءۇشىن سان قايتارا ويلانىپ-تولعانىپ، جاساعان تالعامىمىزعا وكىنىپ قالۋدان الاڭداعان كەزىمىز بولدى نەمەسە ءبىر ىسكە بولا تۇندە ۇيقىدان، كۇندىز كۇلكىدەن ايرىلىپ، كەمەلدى شەشۋ ءادىسىن تابۋعا جانتالاسقان كەزىمىز بولدى...
ءىس جۇزىندە ادام ءومىرىنىڭ ولشەمدى جاۋابى بولعان ەمەس، مەيلى قانداي تالعام جاساساڭىز دا، تابىسقا كەنەلۋ دە، شىعىنعا ۇشىراۋ دا بولادى. سوندىقتان ءبىر ىسكە شىرمالا بەرمەۋ دە ءبىر ءتۇرلى اقىلدىلىق.
ءبىر ىسكە شىرمالا بەرمەۋ، استە، ماسەلەنىڭ ساقتالىپ وتىرعاندىعىنا نەمقۇرايدى قاراعاندىق ەمەس، قايتا اناعۇرلىم كەڭ پەيىلدىلىكپەن ماسەلەگە بەتپە-بەت كەلۋدى كورسەتەدى. ءبىر نارسەگە شىرمالىپ شىعا الماعاننان گورى، سول ءىستى جۇزەگە اسىراتىن كۇش-قۋاتتى ىسكە قوسۋ ماڭىزدى، الدىمەن كىرىسىپ ىستەپ كورىڭىز، سونان سوڭ اقىرىن-اقىرىن باعدارىڭىزدى تۇزەڭىز، ءادىس-امالىڭىزدى جاقسارتىڭىز، سوندا ءومىر جولى بارعان سايىن كەڭەيەدى.
كەي كەزدەرى بىرەر ءىستى باستان كەشىرسەك، كوڭىلىمىزدە وكىنىش قالۋى مۇمكىن، دەگەنمەن ودان تۇرلىشە ءومىر تۇسىنىگىنە يە بولا الامىز؛ كەي كەزدەرى الدە ءبىر ادامداردىڭ ومىرىمىزدە پايدا بولۋىنان جانە عايىپ بولۋىنان، ءبىراز ۋاقىت قاسىمىزدا بولۋىنان، نەنىڭ ءسۇيۋ، نەنىڭ سۇيىكتى بولۋ ەكەندىگىن سەزىنە الامىز. جان دۇنيەنى وكىنىش كەرنەپ بىرەر ءىستى ۇمىتا الماۋ، وتكەندى ەستەن شىعارا الماۋ، ناعىندا، ءوزىمىزدى ەڭ ۇلكەن دارەجەدە زاقىمداۋ سانالادى.
تۋىلعان ىستەردىڭ ءبارى وتكەن ىسكە ەسەپ. ادامدىق ءومىردىڭ ارناسىن كەڭەيتۋدە كەي كەزدەرى دەر كەزىندە اقىل-پاراساتىڭىز بەن ىسكەرلىگىڭىزگە سۇيەنۋگە تۋرا كەلەدى. 2024-جىل ءوتىپ كەتتى، وتكەن جىلدىڭ وكىنىشىنەن ارىلۋدى ۇمىتپاڭىز، وتكەننەن قول ءۇزۋدى ۇيرەنىڭىز، سوندا عانا شيراق قاداممەن 2025-جىلدى قارسى الا الاسىز.
ءومىردىڭ تىزگىنى قاي-قاشان دا جىعىلعان جەرىنەن تۇرىپ، باتىلدىقپەن قايتادان العا ۇمتىلا بىلەتىن ادامداردىڭ قولىندا بولادى. ءومىردىڭ جۇگىن جەڭىلدەتىپ كوتەرىڭىز، سوندا الىسقا بارا الاسىز.
تۇرمىستا ءسىز دە كەي كەزدەرى ”رۋحاني مۇجىلۋعا“ ۇشىرايسىز با؟ بۇعان بولا ءوزىڭىزدى جازعىرۋدىڭ قاجەتى جوق، ءوزىڭىزدى دەرەۋ وزگەرتەم دەپ قاتاڭ تالاپ قويۋىڭىزدىڭ دا قاجەتى شامالى. تەك از دا بولسا العا قادام باسساڭىز، تيتتەي دە بولسا وزگەرىسكە بارساڭىز، ىشتەي ماقتانىپ قويساڭىز بولادى.
ءوزىڭىزدىڭ تاعى دا بولماشى ىسكە بولا ”ىشتەي مۇجىلا“ باستاعانىڭىزدى بىلگەن ساتتە، ميىڭىزداعى كەرباقپا ويلاردى دەرەۋ توقتاتىڭىز، مۇنىڭ ءوزى دە ءبىر ءتۇرلى العا باسۋشىلىق. جان دۇنيەڭىز ناشار ويلارعا تولعان كەزدە، دوستارىڭىزدى ىزدەپ بارىپ اقتارىلىڭىز، ءوزىڭىز ۇناتاتىن مۋزيكالاردى تىڭداڭىز، زەيىن-زەردەڭىزدى باسقا نارسەلەرگە اۋدارۋعا قۇلشىنىڭىز، مۇنىڭ ءوزى دە العا باسقاندىق.
جاڭا جىلدا ءسىزدىڭ ”ىشتەي مۇجىلماۋىڭىزدى“، ۇمىتۋدى ۇيرەنۋىڭىزدى ءۇمىت ەتەمىن. كوڭىلىڭىزدەگى قام-قايعىنى رياسىز اقتارىپ تاستاۋدى سىناپ كورىڭىز، باتىلدىقپەن ءوزىڭىزدى بەينەلەۋدى سىناپ كورىڭىز، ءوزىڭىزدى جايلى ورتادان الىپ شىعۋعا ارەكەتتەنىپ كورىڭىز، وزىڭىزگە باتىلدىلىقپەن سايىس جاريالاپ كورىڭىز... العا قاراي از دا بولسا قادام الساڭىز، تاعى دا قادام الساڭىز، ءوزىڭىزدىڭ ”رۋحاني مۇجىلۋدان“ اقىرىنداپ الىستاي باستاعانىڭىزدى سەزىنەسىز.
2025-جىلدا اياق الىسىڭىزدىڭ شيراقى، جۇگىڭىزدىڭ جەڭىل بولۋىن، اناعۇرلىم جايبىراقات جان بولىپ ءومىر ءسۇرۋىڭىزدى تىلەيمىن.
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
ماسەلەنى شەشۋدىڭ ەڭ ۇتىمدى ءادىسى نە
ۋاقىت شىعارىپ ءوزىڭىزدى سومداي ءبىلىڭىز
