1-ايدىڭ 3-كۇنى 8-كەزەكتى مەملەكەتتىك تۇيەشىلەر ۋاكىلدەرى جينالىسى بۋرىلتوعاي اۋدانىندا وتكىزىلدى. وسى كۇنى 800دەن استام تۇيەشىلەر ۋاكىلى مەملەكەتىمىزدىڭ جەر-جەرىنەن ۇلگىرىپ جەتتى. ”ساپا سيلىعى“، ”سەنىمدىلىك سيلىعى“، ”وزات ءسۇت پۋنكتى، تاڭداۋلى ءسۇت تاسۋشى سيلىعى“... دەيسىز بە، جينالىستاعى ءاربىر قاراپايىم دا حالىق تۇرمىسىنا جاناسىمدى سيلىق ءتۇرى تۇيەشىلەردىڭ ءبىر جىلعى جاپالى ەڭبەگىن تۇراقتاندىرىپ جاتقانداي ەدى.
70 مىڭ يۋان، 120 مىڭ يۋان، 200 مىڭ يۋان... سيلىق سوماسىنىڭ ۇزدىكسىز جوعارىلاۋىنا ىلەسە، سول ورتانىڭ دۋمانى اۋەلەي بەردى.
جۇرگىزۋشى ”سەنىمدىلىك سيلىعىنىڭ“ ەڭ جوعارى سيلىق سوماسى ”650 مىڭ يۋان!“ دەپ جاريالاعان كەزدە، كوپشىلىكتىڭ نازارى ومىربەك مىسىرقان ۇلى اتتى مالشىعا شوعىرلاندى. بيىل 39 جاستاعى ومىربەك بۋرىلتوعاي اۋدانى قاراماعاي قالاشىعى ويقورا قىستاعىندا تۇرادى. ول: ”كىشكەنە كەزىمدە ءۇيىمىز تۇيە باعاتىن، 2015-جىلى اۋدانىمىزداعى كوپتەگەن مالشىنىڭ تۇيە باعىپ بايىعاندىعىن كورگەن سوڭ، قولىمداعى بارلىق سيىر مەن قويدى ساتتىم دا، ورنىنا 12 تۇيە ساتىپ الىپ، تۇيە باعىمشىلىعىن باستاپ كەتتىم“،-دەيدى. شينجياڭ ۋاڭيۋان بيو-تەحنولوگيا توبى شەكتى سەرىكتەستىگىنەن (تومەندە قىسقارتىپ ۋاڭيۋان توبى دەلىنەدى) ءار كۇنى ارناۋلى ادامدار ۇيگە كەلىپ تازا تۇيە ءسۇتىن جينايتىندىعىن ءارى ۇستىندە ناق اقشا تولەيتىندىگىن ەستىگەن ومىربەك ۇيىندەگىلەرمەن اقىلداسقاننان كەيىن، ۋاڭيۋانمەن سەلبەستىك جاساسۋعا بەل بايلايدى.
تۇيە ءسۇتىنىڭ ساپاسىنا كەپىلدىك ەتۋ ءۇشىن، ءار جىلى 3-ايدىڭ ورتالارىنان 10-ايعا دەيىن ومىربەك ۇيىندەگىلەرمەن بىرگە تۇيەسىن ايداپ، ۇيلەرىنەن 100 كيلومەتردەن استام قاشىقتاعى تابيعي جايلىمعا اپارىپ باعادى. جازدا تۇيەلەردىڭ ءسۇتتى كەزىندە ول ۇنەمى تاڭعى ساعات 5تە ورنىنان تۇرىپ، ساعات 6 جارىمعا دەيىن تۇيە ساۋادى، ساعات 9دان بۇرىن ءسۇتتى ءسۇت جيناۋشىعا وتكىزىپ بولادى. كەشتە شارشاعان كەزدەرى الا جۇرگەن شاتىرىن تىگىپ، سوندا دەم الادى.
2015-جىلى تۇيە باققان العاشقى جىلدا ومىربەك ءسۇت ساتۋدان 50 مىڭ يۋاننىڭ ۇستىندە كىرىس كىرگىزەدى. 2018-جىلى ول ۋاڭيۋان توبىنىڭ ءبىر ميلليون يۋاندىق تۇيە ساتىپ الۋشىلاردى سۇيەمەلدەۋ قارجىسىنا ءوتىنىش بەرىپ، 60 تۇيە ساتىپ الىپ، سول جىلعى كىرىسىن ءبىر ميلليون يۋان مولشەرىنە جوعارىلاتادى. وتباسى تۇرمىسىندا دا توتەنشە زور وزگەرىستەر تۋىلادى.
2019-جىلى تۇيە ءسۇتى شارۋاشىلىعىنىڭ دامۋى ەڭ تەزدەگەن ءبىر جىل بولدى، كوپتەگەن تۇيە ءسۇتى كاسىپورىندارى پايدا بولدى. ”كەيبىرەۋلەر ماعان تۇيەڭنىڭ ءسۇتىن جوعارى باعا قويعان كاسىپورىندارعا وتكىز، ايتەۋ اقشا تاپساڭ بولدى، كىمگە ساتساڭ دا ۇقساس ەمەس پە دەپ اقىل ايتتى، دەگەنمەن، سەنىمدىلىك، سوزىندە تۇرۋ جۇڭحۋا ۇلتىنىڭ ءداستۇرلى اسىل قاسيەتى عوي، مەن ەڭ العاشتاعى ۋاڭيۋان توبىنىڭ ءوزىمدى سۇيەمەلدەگەنىن ۇمىتپاي، ولارمەن جالعاستى سەلبەسۋدى تاڭدادىم“،-دەيدى ومىربەك.
ۋاڭيۋان توبى جاعدايدى ۇعىسقاننان كەيىن، دامۋ ويى بار مالشىلارعا ميلليون يۋاننان تۇيە ساتىپ الۋشىلاردى سۇيەمەلدەۋ قارجىسىن تاعى ءبىر رەت تاراتادى. 2022-جىلى ومىربەكتىڭ قولىنداعى تۇيە سانى 300گە جەتەدى. ۋاڭيۋان توبىنىڭ كومەكتەسۋىندە ول دا تۇيە باعىمشىلىعى فەرماسىن تىركەۋگە الدىرادى.
”2023-جىلى عيماراتتان 2 ءۇي، 2 دۇكەن ساتىپ الدىم، 4 اۆتوكولىك ساتىپ الدىم، مۇنىڭ ءبارى بۇرىن ويلاۋعا باتىلدىق ەتپەيتىن جاعداي ەدى“،-دەيدى ومىربەك.
ۋاڭيۋان توبىنىڭ باس جوراسى چىن گاڭلياڭ: ”ءبىز قوماقتى قارجىمەن سەنىمدى تۇيەشىلەردى سيلاپ وتىرمىز، سەنىمدىلىك بارىنەن قۇندى“،-دەدى.
ون نەشە جىلدان بەرى ۋاڭيۋان توبى ءار جىلى ءبىر ميلليارد يۋان سياقى شىعارىپ، تاپسىرىستى ورىنداعان مالشىلارعا سيلىق رەتىندە تاراتىپ كەلەدى. سونىمەن بىرگە ءار جىلى ۇزدىك تۇيەشىلەردى تاڭداپ بەيجيڭ، شي-ان، جۋحاي سياقتى جەرلەرگە تەكسەرۋ-ۇيرەنۋگە جىبەرىپ وتىردى.
2019-جىلى ومىربەك ءبىرىنشى رەت اۋىلدان ۇزاپ شىقتى.
”بەيجيڭگە، جىجياڭعا، شياڭگاڭعا، اۋمىنعا بارىپ، مەملەكەتىمىزدىڭ دامۋشىلىقتارىن كوزىممەن كوردىم، سول ساتتەردە وزىمە تۇيەلەرىمدى جاقسى باعىپ، ءار جىلى كوپ جەرلەرگە ساياحاتتاي بارۋدى قولعا كەلتىرەمىن دەپ سەرت ەتتىم“،-دەيدى ومىربەك.
قازىر ومىربەكتىڭ قولىندا 500 تۇيە بار، مۇنىڭ 140ى ساۋلى ىنگەن، جىلىنا 125 توننا ءسۇت بەرەدى، كىرىسى 3 ميلليون 500 مىڭ يۋاننان اسادى. تۇيە باعىمشىلىعىن كولەمدەندىرگەن سوڭ، ول تۇيەنى باعۋ، ساۋۋ بارىسىنا سەرىكتەستىكتىڭ ساتىپ الۋ ولشەمى مەن تازالىق ولشەمى بويىنشا بۇرىنعىداي قاتاڭ تالاپ قويىپ، اتقاردى.
”تۇيەمنىڭ سانىن مىڭعا جەتكىزۋدى جوسپارلاپ وتىرمىن“،-دەدى ومىربەك جاڭا جىلداعى نىساناسى جونىندە سۇراعانىمىزدا زور سەنىممەن، كەسەك شارۋا تىندىرۋعا دايىندىعىن اڭعارتىپ.
