2024-جىلى 7-ايدان بەرى ىلگەرىندى-كەيىندى بولىپ بەيجيڭ، تيانجين، حىبەي، سانشي، ىشكى موڭعۇل، لياۋنيڭ، جيلين، حيلۇڭجياڭ، شاڭحاي، جياڭسۋ، جىجياڭ، فۋجيان، جياڭشي، شاندۇڭ، حىنان، حۋبەي، حۋنان، گۋاڭدۇڭ، گۋاڭشي، حاينان، چۇڭچيڭ، سىچۋان، گۇيجوۋ، يۇننان، شيزاڭ، شانشي، گانسۋ، چيڭحاي، شينجياڭ سياقتى 29 ولكە (اۆتونوميالى رايون، توتە قاراستى قالا) جانە شينجياڭ ءوندىرىس-قۇرىلىس بيڭتۋانى ىركەس-تىركەس بۇكىل ولكەنى قامتيتىن ارناۋلى ءدارىحانا باعا سالىستىرۋ شاعىن باعدارلاماسىن ۇسىندى. بۇقارا جەرگىلىكتى ەمدەۋ قامسىزداندىرۋ مەكەمەسى APPى، ۋيشين شاعىن باعدارلاماسى، ۋيشين الەۋمەتتىك تۇعىرى، جىفۋباۋ شاعىن باعدارلاماسى سياقتى جولدار ارقىلى ءدارى-دارمەكتەردىڭ سالىستىرمالى باعاسىن ءبىلىپ، ءدارى-دارمەك باعالارىن قول تەلەفوندا ءتۇرتىپ قانا تەكسەرۋ، دەر كەزىندە سالىستىرۋ جانە ورنىن باعىتتاۋ ءىسىن جۇزەگە اسىرا الادى. سونىمەن قاتار ءىشىنارا ولكەلەر ارناۋلى ءدارىحانالارىنىڭ باعا سالىستىرۋ شاعىن باعدارلاماسى تاعى قامباداعى دارىلەردىڭ ينفورماتسيالارىن كورسەتۋ، قالىپسىز باعا ەسكەرتۋى، باعا جاعدايىنا تالداۋ جاساۋ سياقتى قاتىستى يقۋاتتاردى دا ازىرلەدى.
كەلەسى قادامدا، مەمەلەكەتتىك ەمدەۋ قامسىزداندىرۋ مەكەمەسى جەر-جەردىڭ ارناۋلى ءدارىحانا باعا سالىستىرۋ شاعىن باعدارلاماسىن اشۋ مىندەتىن تەزدەتىپ تياناقتاندىرىپ، باعا سالىستىرۋ شاعىن باعدارلاماسىنىڭ حابارلانۋ جانە پايدالانۋ مولشەرىن ۇزدىكسىز جوعارىلاتىپ، بولشەك ساتۋ ءدارىحانا سالاسىنا ءادىل باسەكەلى بازار ورتاسىن ازىرلەۋىنە، بۇقاراعا اناعۇرلىم اشىق، جاريا ءدارى-دارمەك ساتىپ الۋ قىزمەتىن ازىرلەۋىنە، ءدارى-دارمەك بولشەك ساتۋ سالاسىنىڭ اقاۋسىز جانە جۇيەلى دامۋىن جەبەۋىنە ۇزدىكسىز جەتەكشىلىك ەتەدى.
来源：新疆日报微信公众号
编辑：阿莱·赫亚克巴依
责编：叶克奋·沙布尔
监制：叶尔兰·努哈
