11-ايدىڭ 18-كۇنى ”مەنىڭ التايىم“ اتىنداعى ماي بوياۋلى سۋرەت كورمەسى ايماقتىق مادەني ەسكەرتكىشتەر جانە مۇراجاي مەكەمەسىندە (مۇراجاي) اشىلدى، جەرگىلىكتى ۇزدىك ماي بوياۋ سۋرەتشىلەرىنىڭ 75 تۋىندىسى كورمەگە قويىلدى.
”تۋىندىلاردىڭ ءتۇسى اشىق، وبرازى كورنەكتى، ەرەكشە تارتىمدى“. مىنە، بۇل وسى رەتكى سۋرەت كورمەسىنىڭ تاماشالاعاندارعا قالدىرعان تەرەڭ اسەرى. ”اشىق پەن سولعىن ءتۇستى سالىستىرمالى پايدالانىپ التايدىڭ كوركەم تابيعاتىن جاندى بەينەلەپتى“. بۇل كاسىپتىك قايراتكەرلەردىڭ كورمەدەگى تۋىندىلارعا بەرگەن باعاسى.
تانىستىرۋعا قاراعاندا، وسى رەتكى سۋرەت كورمەسىندەگى ءبىر ءبولىم تۋىندىلاردا التىن كۇزدىڭ كوركەم كورىنىسىن بەينەلەۋگە التىن سارى ءتۇس پەن قانىق قىزىل ءتۇستى قولدانىپ، تابيعات سۋرەتىن جاندى بەينەلەسە؛ كەيبىر تۋىندىلاردا كوك، جاسىل ءتۇستى قولدانىپ، اسقار تاۋدىڭ ايباتى مەن ۇلىلىعىن بەينەلەگەن. سۋرەتشىلەر سايىن ساحارا، اسقار تاۋ، بيىك شىڭ، ءمولدىر بۇلاق، تەڭبىل تاۋ جىنىسى بولسىن، ءبارىن دە شەبەرلىكپەن بەينەلەگەن. ماي بوياۋلى تۋىندىلاردا سۋرەتشىلەردىڭ جان دۇنيەسى تولىق جەتكىزىلىپ، كەيبىرى مويىماس قايسارلىقتى بەينەلەپ، ۇلى تابيعاتتىڭ تاكاپپارلىعى مەن ايبىنىن ايگىلەسە؛ كەيبىرى جىلى مەيىرگە، تەرەڭ سۇيىسپەنشىلىككە تولى بولىپ، ۇلى تابيعاتتىڭ شۋاقتى مەيىرىن جەتكىزدى ... ءاربىر تۋىندىعا سۋرەتشىنىڭ اتا مەكەنگە دەگەن شەكسىز تەرەڭ سۇيىسپەنشىلىگى، كوركەمونەرگە دەگەن قاجىرلى تالپىنىسى سىڭىرىلگەن.
来源：雪都嘟/阿勒泰地区融媒体中心
实习记者：包洪宇
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
