كونە شاعىن رايوندى جاڭالادى

11-ايدىڭ 19-كۇنى ءتىلشىنىڭ التاي ايماقتىق تۇرعىن ءۇي جانە قالا-اۋىل قۇرىلىسى مەكەمەسىنەن ۇعىسۋىنشا، جىل باسىنان بەرى، التاي ايماعى حالىق تۇرمىسى قاجەتىنە بەلسەنە ءۇن قوسىپ، كونە شاعىن رايونداردى جاڭالاۋ قىزمەتىن بار كۇشپەن ىلگەرىلەتىپ، ءىس جۇزىندىك ارەكەتى ارقىلى تۇرعىندارعا اناعۇرلىم جايلى قونىستانۋ تۇرمىس ورتاسىن جاراتتى. تۇتاس جىلدا قالا-قالاشىقتاعى كونە شاعىن 101 رايوندى جاڭالاپ، 286 تۇرعىندار عيماراتىن جاڭالاۋ جوسپارى ارقىلى 9123 وتباسىنا تيىمدىلىك جاسادى، جاڭالانعان جالپى قۇرىلىس اۋماعى 826 مىڭ 700 شارشى مەترگە جەتتى.

ۇعىسۋعا قاراعاندا، قالانىڭ دامۋ اياق الىسىنىڭ ۇزدىكسىز جەدەلدەۋىنە ىلەسە كونە شاعىن رايونداردى جاڭالاۋ ينجەنەرياسى حالىقتىڭ تۇرمىس ساپاسىن جاقسارتۋدىڭ، قالانىڭ بەت-بەينەسىن جاڭالاۋدىڭ ماڭىزدى شاراسىنا اينالعان. بيىل بۋرىلتوعاي اۋدانى كونە شاعىن رايونداردى جاڭالاۋدى وراي ەتىپ، كونەسىن جاڭالاۋدى حالىق ءۇشىن ىستەۋ، كونەسىن جاڭالاۋدا حالىققا سۇيەنۋ پرينسيبىنە تاباندى بولىپ، جۇرت تىلەگىن ۇيىستىرىپ ورتاق تانىم قالىپتاستىرىپ، ”كونەنى جاڭالاپ، حالىقتىڭ رازىلىعىنا يە بولىپ“، شاعىن رايونداردىڭ بىرگە قۇرۋ، بىرگە باسقارۋ، بىرگە يگىلىكتەنۋىن ىلگەرىلەتىپ، شاعىن رايونداردىڭ قورشاعان ورتاسى مەن قونىس ساپاسىن جاپپاي جاقسارتتى. بۇقارانىڭ ۇنىنە ىقىلاسپەن قۇلاق ءتۇرۋ، تۇرعىنداردىڭ پىكىرىن جيناۋ ارقىلى نازاردى بۇقارا تۇرمىسىنداعى ”تالماۋ تۇيىندەر“ مەن ”قيىن تۇيىندەرگە“ شوعىرلاندىرىپ، ەگجەي-تەگجەيلى نىسان ۋاقىت كەستەسىن، مىندەت حاتىن جانە جول كارتاسىن جاسادى. كونە شاعىن رايونداردى جاڭالاۋ نىسانى قالا-قالاشىقتارداعى لاشىقتار رايونىن جاڭالاۋ جانە دارەجەسىن جوعارىلاتۋ قۇرىلىس نىسانى، كونە شاعىن رايونداردى جاڭالاۋ سايكەستى نەگىزدىك قۇرىلعىلار قۇرىلىسى نىسانى، قالا اينالما باتىس جولىنىڭ شىعىسىنداعى كونە شاعىن رايونداردى جاڭالاۋ سايكەستى قۇرىلعىلار قۇرىلىسى نىسانى سىندى 3 بولەكتەن قۇرالادى. بۇعان جيىنى 48 ميلليون 850 مىڭ يۋان قارجى قوسىلعان. مۇندا، 2 كونە شاعىن رايونداردى جاڭالاۋ نىسانى، ءبىر لاشىقتار رايونىن جاڭالاۋ نىسانى بار بولىپ، 5 شاعىن رايونداعى 75 عيماراتقا، 2000 نان استام وتباسىنا سايادى.

”پارتيا مەن ۇكىمەت بۇقارانى ۋايىمنان ارىلتتى، قونىستانۋ ورتامىز بارعان سايىن جاقسارىپ كەلەدى، ىشتەي قاتتى ريزامىز“،-دەدى بۋرىلتوعاي اۋدانىنىڭ تۇرعىنى لي جۇن.

كونە شاعىن رايونداردى جاڭالاۋ قۇرىلىستىڭ سىرتقى كورىنىسىن جاڭالاۋ عانا ەمەس، ونان دا ماڭىزدىسى، تۇرعىنداردىڭ تۇرمىس ساپاسىن جاپپاي جاقسارتۋ بولىپ تابىلادى. شاعىن رايوننىڭ ىشكى بولەگىندەگى جانە شاعىن رايونمەن قاتىستى سۋ، جىلۋ، گاز، ەلەكتر، توراپ، جول، ءورت ءسوندىرۋ، ورتتەن ساقتانۋ، اماندىق قورعاۋ قاتارلى نەگىزدىك قۇرىلعىلاردى جاڭالاۋ، دارەجەسىن جوعارىلاتۋ ارقىلى تۇرعىنداردىڭ قونىستانۋ شارت-جاعدايىن كورنەكتى جاقسارتۋ. سونىمەن بىرگە، 15 مينۋتتىق تۇرمىس شەڭبەرىن قۇرۋ ارقىلى مادەنيەت، سەيىل-سەرۋەن، دەنە تاربيە، دەنە شىنىقتىرۋ، الەۋمەتتىك اۋماقتىڭ جالپىلىق قىزمەت وتەۋى، ەمدەۋ، دەنساۋلىق ساقتاۋ قاتارلى سايكەستى قۇرىلعىلاردى، سونداي-اق حالىققا قولايلى بازار، پوچتا، جەدەل جەتكىزۋ سوڭعى بۋىنىنداعى جالپىلىق قىزمەت وتەۋ پۋنكتى قاتارلى الەۋمەتتىك اۋماقتىڭ ارناۋلى قىزمەت وتەۋ قۇرىلعىلارىن كوبەيتىپ، تۇرعىنداردىڭ زاتتىق تۇرمىسى مەن رۋحاني مادەنيەت قاجەتىن جاپپاي قاناعاتتاندىرۋ.

بۋىرشىن اۋدانى حالىقتى وزەك ەتكەن دامۋ يدەياسىنا باستان-اياق تاباندى بولىپ، كونە شاعىن رايونداردى جاڭالاۋدى ماڭىزدى حالىق تۇرمىسى نىساندارىنىڭ ءبىرى رەتىندە قارادى. بيىل 4 كونە شاعىن رايوندى جاپپاي جاڭالاپ، جەر استى سۋىمەن قامداۋ، سۋ ىعىستىرۋ جۇيەسى، زاريادتاۋ باعاناسى جانە عيماراتتىڭ سىرتقى قابىرعاسىن جاڭالاۋ، ءۇي توبەسىنەن سۋ وتۋدەن ساقتانۋ قاتارلى نەگىزدىك قۇرىلعىلار قۇرىلىسىن كەمەلدەندىرۋ ارقىلى شاعىن رايوندار شىت جاڭا بەينەگە ەندى. تەگىس ءارى كەڭ جول، رەتتى دە ءتارتىپتى ورنالاستىرىلعان اۆتوكولىك توقتاتۋ ورنى، سونداي-اق تازا، جانعا جايلى الەۋمەتتىك اۋماق تۇرعىنداردىڭ قونىستانۋ ورتاسىن بارىنشا جاقسارتىپ، تابىس سەزىمىن، باقىت سەزىمىن ۇزدىكسىز كۇشەيتىپ، رازى قىلدى.

”بيىل كونە شاعىن رايوندى جاڭالادى، سۋ، ەلەكتر، جىلۋ قاتارلى نەگىزدىك قۇرىلعىلار جاقساردى، پارتكوم مەن ۇكىمەتتىڭ كوڭىل ءبولۋى مەن قامقورلىعىنا العىس ايتامىز“،-دەدى بۋىرشىن اۋدانى شىنحۋ الەۋمەتتىك اۋماعىنىڭ تۇرعىنى چۇي شۇيديان قۋانا.