شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى. اسەرلى اۋەنمەن ايبىندى ەپوس جازىپ، تەرەڭ سۇيىسپەنشىلىككە تولى مۋزيكامەن ۇلى داۋىرگە ماداق ايتتى. جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ مۋزيكا كەشى 9 - ايدىڭ 29 - كۇنى كەشتە بەيجيڭدە وتكىزىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى 3000نان استام كورەرمەنمەن بىرگە كونسەرتتى كورىپ، جاڭا جۇڭگو قۇرىلعان 75 جىلدان بەرگى شۇعىلالى تاريحي بارىستى بىرگە ەسكە الىپ، ۇلى وتاننىڭ گۇلدەنىپ - كوركەيۋىنە بىرگە تىلەكتەستىك ءبىلدىردى.
حالىق سارايىنىڭ 10 مىڭ ادامدىق ۇلكەن زالى شىراقتارى سامالاداي جارقىراپ، شاتتىققا شومدى. ساعات 19دان 55 مينۋت وتكەندە، شات مەرەيلى مۋزيكا ءۇنى ىشىندە شي جينپيڭ قاتارلى باسشى جولداستار ۇلكەن زالعا كىرىپ، از ۇلت ۋاكىلدەرىمەن، ساقا جولداستاردىڭ ۋاكىلدەرىمەن ىقىلاستى تۇردە قول الىستى، بۇكىل زالدان قىزۋ قول شاپالاق ءۇنى كوتەرىلدى.
ايبىندى «ەرىكتىلەر مارشى» كوتەرىلگەندە بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
”بۇگىن سەنىڭ تۋعان كۇنىڭ، مەنىڭ جۇڭگوم...“ دەگەن كوڭىل تولقىتاتىن اسەم اۋەنمەن كونسەرت شىمىلدىعى اشىلدى. كونسەرت بەتاشار كۇي جانە 5 مۋزيكا تاراۋىنان قۇرالدى، ادەبيەت - كوركەمونەر قىزمەتكەرلەرى ىسىلعان ورىنداۋ ونەرىمەن، اسەرلى ءان اۋەنىمەن جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىق تاريحي جۇلگەسىن مۋزيكا كەشىنىڭ ءار تاراۋىنا ءسىڭىرىپ، كلاسسيكالىق مۋزيكا تۋىندىلارىنداعى تاريح پەن ءداۋىر ەستەمەلەرىن قايتا وياتقانداي بولدى.
تۇتىكتى - ىشەكتى اسپاپتار مۋزيكاسى «ءبىرىنشى سيمفونيا بەتاشارى»، «حۋاڭحى حورى» اسقاق ايبىندى ورىندالىپ، جاڭا دەموكراتيالىق توڭكەرىس داۋىرىندە جۇڭگو حالقىنىڭ قان كەشىپ شايقاس جاساپ، قايىسپاس قايسارلىق كورسەتىپ، پارتيانىڭ باسشىلىعىندا ۇلى جەڭىسكە قول جەتكىزىپ، جاڭا جۇڭگو قۇرعان شۇعىلالى بارىسىن تولىق ايگىلەدى. ەكپىندى دە جالىندى «وتاندى جىرلايمىز»، شات مەرەيگە تولعان «مول ءونىم جىرى» سىندى 2 تۇتىكتى - ىشەكتى اسپاپتار مۋزيكاسى سوتسياليستىك توڭكەرىس پەن قۇرىلىس جۇرگىزۋ داۋىرىندە ءوز كۇشىنە سۇيەنىپ ءومىر سۇرگەن، كوركەيۋ جولىندا قۇلشىنعان ەستەن كەتپەس جىلداردى قايتا ەلەستەتىپ، الاڭداعى كورەرمەندەردىڭ كۇشتى ۇندەستىگىن قوزعادى. تۇتىكتى - ىشەكتى اسپاپتار مۋزيكاسى «شەكاراداعى اۋىلعا بەيجيڭنەن جەتكەن قۋانىشتى حابار»، ۇلت اسپاپتارى قوسىلا ورىنداعان «الۋان ءتۇستى سيمفونيا» تۇرلىشە ۇلتتىڭ، تۇرلىشە ءوڭىردىڭ ەرەكشە اۋەندەرىن توعىستىرىپ، وتاننىڭ كوركەم تاۋ - وزەندەرى مەن حالىقتىڭ باقىتتى تۇرمىسىن تارتىمدى كۇيمەن جىرلادى. سيمفونيالىق حور «ءۇمىت اتىزى»، ويناقى تۇتىكتى - ىشەكتى اسپاپتار مۋزيكاسى «جاستار ۆاليسى» رەفورما جاساپ، ەسىك اشقاننان بەرگى جۇڭگو حالقىنىڭ يدەيانى ازات ەتىپ، قايراتتانا العا ۇمتىلعان رۋحاني بەت - بەينەسىن سۋرەتتەدى.
75 جىل بوران - شاشىندى باستان كەشىرىپ، 75 جىل اسقاق ءان شىرقاپ، ۇدەرە العا تارتتى. مۋزيكا كەشى باستان - اياق جالىندى مەرەيگە شومىپ، ءالسىن ءالى جوعارى ورلەۋگە كوتەرىلىپ وتىردى. پيانينو مەن وركەستردە ورىندالعان «جاڭا ءورىس» جۇرت جۇرەگىن جەلپىندىردى، تۇتىكتى - ىشەكتى اسپاپتار مۋزيكاسى «كوركەم دالا» ايبىندى دا تەرەڭ سۇيىسپەنشىلىككە تولى بولدى، سيمفونيالىق حور «جاڭا جورىق» ايبىندى دا اسقاق اۋەنمەن شىرقالدى، ءداۋىر جىرلارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءجۇز ميلليونداعان جۇڭحۋا ۇلاندارىنىڭ وزىنە سەنەتىن، ءوزىن الۋەتتەندىرەتىن، تۋراشىلدىقتان اينىماي جاڭالىق اشقان رۋحاني بەينەسىن ايگىلەپ، كورەرمەندەردىڭ قىزۋ شاپالاق ۇنىنە بولەندى. ”بەس جۇلدىزدى قىزىل تۋ جەلبىرەپ، شارىقتاعان جەڭىستى اسقاق ءان!“ بۇكىل الاڭداعىلاردىڭ «وتاندى جىرلايمىز» ءانىن بىركەلكى اسقاقتاتا شىرقاۋىمەن مۋزيكا كەشى شىمىلدىعىن جاپتى.
مۋزيكا كەشىنە قاتىناسقانداردان تاعى: يىن لي، شى تايفىڭ، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، جيا چيڭلين، جاڭ دىجياڭ، يۇي جىڭشىڭ، لي جانشۋ، ۋاڭ ياڭ، زىڭ چيڭحۇڭ، لي چاڭچۇن، حى گوچياڭ، ليۋ يۇنشان، ۋاڭ چيشان، جاڭ گاۋلي، جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ باسشى جولداستارى جانە باسشىلىق مىندەتتەن شەگىنگەن جولداستار بار.
ورتالىقتاعى پارتيا، ۇكىمەت، ارميا، بۇقارالىق ۇيىمداردىڭ ءارقايسى تاراۋلارىنىڭ جانە بەيجيڭ قالاسىنىڭ نەگىزگى جاۋاپتى جولداستارى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ”رەسپۋبليكا وردەنى“، ”دوستىق وردەنى“، ”1 - شىلدە وردەنى“، ”1 - تامىز وردەنى“ جانە مەملەكەت داڭق اتاعىنا يە بولعانداردىڭ ۋاكىلدەرى، مەملەكەتتىك وزات، ۇلگىلى تۇلعالاردىڭ، بۇكىل ەلدەگى ءتۇيىندى قامقورلىق وبيەكتىلەردىڭ ۋاكىلدەرى، بۇكىل ەلدەگى از ۇلت ەكسكۋرسيا ۇيىرمەسىنىڭ مۇشەلەرى، ساقا جولداستار ۋاكىلدەرى، شياڭگاڭدىق، اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ جانە وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ ۋاكىلدەرى، بەيجيڭدە تۇراتىن حالىق ازاتتىق ارمياسى مەن قارۋلى ساقشى اسكەري بولىمدەرىندەگى وفيتسەر - اسكەرلەر ۋاكىلدەرى، استاناداعى ءار سالا بۇقارا ۋاكىلدەرى، ءار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە جۇڭگودا قىزمەت ىستەيتىن شەتەلدىك مامانداردىڭ ۋاكىلدەرى، ت. ب كونسەرتتى تاماشالادى.
