བསྒྱུར་རྩོམ་མུ་ཏིག་ཕྲེང་བ།
འཐག་མཁན་གྱི་རྒྱུ་སྤུན་གྱིས་བདག་གི་སྒྱེད་རྩར་གདུང་སེམས་བྲལ་བའི་སྒོ་ཐེལ་བརྒྱབ་ཅིང་།
མེ་ཐལ་གྱི་དུ་བའི་ལྷག་ལུས་ཀྱིས་དབུལ་ཕོངས་ཀྱི་སྐྱོ་ཉམས་ལ་དབུགས་རིང་འབྱིན་བཞིན་པའི་སྐབས་སུ།
ངས་སྔར་བཞིན་ཨུ་ཚུགས་ཀྱིས་རེ་ཐག་ཆད་པའི་ཐལ་རྡུལ་སྙོམས་པོར་བཏིངས་ཏེ།
ཡིད་དུ་འོང་བའི་ཁུ་འཕངས་མེ་ཏོག་གིས་འབྱུང་འགྱུར་ལ་ཡིད་ཆེས་བྱོས་ཞེས་པ་སོར་མོའི་སྨྱུག་ཁར་བསྒྱུར།
བདག་གི་རྒུན་འབྲུམ་སྨུག་པོ་སྟོན་མཇུག་གི་ཟིལ་བར་གྱུར་ཅིང་།
བདག་གི་མེ་ཏོག་སོས་པ་སྐྱེ་བོ་གཞན་གྱི་བརྩེ་བའི་པང་ཁུག་ཏུ་སྔས་པའི་སྐབས་སུ།
ངས་སྔར་བཞིན་ཨ་འཐས་ཀྱི་ཉམས་ཀྱིས་བ་མོས་བཅོམ་པའི་འདབ་ལོ་གོག་པོ་དེས།
ཉམ་ཐག་གི་འཛིན་མའི་སྟེང་དུ་འབྱུང་འགྱུར་ལ་ཡིད་ཆེས་བྱོས་ཞེས་པ་ཡི་གེའི་གཟུགས་སུ་བཀོད།
ངས་ནམ་མཁའི་མཐའ་མཚམས་ན་འཕྱོ་བའི་གྲལ་བསྟར་རླབས་ཕྲེང་གི་མཛུབ་མོ་སྤྱད་ནས།
ངས་རྟ་བདུན་དབང་བོ་དགུང་དུ་འདེགས་པར་བཟོད་པའི་ཆུ་གཏེར་གྱི་ལག་མཐིལ་ལ་བརྟེན་ནས།
དྲོད་ཁོལ་མཛེས་སྡུག་གི་སྐྱ་མདའི་སྨྱུ་གུ་དེ་གཡོ་འགུལ་བྱེད་ཀྱིན།
ཞོ་འཐུང་བྱིས་པའི་འབྲི་རྩལ་གྱིས་འབྱུང་འགྱུར་ལ་ཡིད་ཆེས་བྱོས་ཞེས་པ་ཤར་ལེར་བྲིས།
ངས་འདི་ལྟར་བློ་བརྟན་འགྱུར་མེད་ཀྱིས་འབྱུང་འགྱུར་ལ་ཡིད་ཆེས་བྱེད་དོན་ནི།
ང་རང་མ་འོངས་པའི་མི་རྣམས་ཀྱི་འདྲེན་བྱེད་ཟུང་ལ།
ལོ་རྒྱུས་ཀྱི་འཚུབ་མའི་རྡུལ་ཁ་ལེན་པའི་རྡེབ་རྫིའི་ཚགས་མ་མངའ་ཞིང་།
ལོ་ཟླའི་རེག་ཟིག་གི་ལེའུའི་རང་བཞིན་བརྟོལ་བའི་གཟུགས་འཛིན་གྱི་རྣོ་དབལ་དང་ལྡན་པར་ཡིད་ཆེས་ཡོད་པས་ཡིན།
མི་རྣམས་ཀྱིས་འོ་སྐོལ་རུལ་སུངས་སུ་གྱུར་པའི་ཤ་ཁྲག་གདོས་བཅས་ཀྱི་ཕུང་གཟུགས་ཀྱི།
འཁྲུལ་ལམ་གྱིས་བསྐྱེད་པའི་སྐྱོ་སྨྲེང་དང་ཕམ་ཁས་མནར་བའི་ན་ཟུག་ལ།
སེམས་པ་གཡོས་པའི་མཆི་མའི་དྲོད་རྒྱུན་གཏོང་ངམ་ཞེ་ནས་ཕྱུང་བའི་གདུང་སེམས་འཛིན་པ་ཡིན་ནམ།
ཡང་ན་དམའ་འབེབས་ཀྱི་ཁྲེལ་འཛུམ་སྟོན་ཞིང་ཚ་བེར་བེར་གྱི་ཟུར་ཟའི་ཁ་ཕྲུ་འདོར་རམ།
གང་ལྟར་ང་རང་མི་རྣམས་ཀྱིས་འུ་ཅག་རྐང་མར་གྱིས་གཏམས་པའི་སྒལ་ཚིགས་ཀྱི།
བགྲང་ལས་འདས་པའི་འཚོལ་ཞིབ་ཀྱི་ལག་སྙོབ་དང་། རྨོངས་འཐོམ་གྱི་ལམ་བུ། འོབས་ལྷུང་གི་ཕམ་ཁ་དང་འོད་སྟོང་གི་རྒྱལ་ཁ་རེ་རེར།
སྤྲོ་སེམས་འཁོལ་ཞིང་དོན་དངོས་དང་བསྟུན་པ། དྲང་བོ་ཚངས་ཐིག་གི་གདེང་འཇོག་གནང་ངེས་པར་ཡིད་ཆེས་བརྟན་པོ་ཡོད།
ཡིན་ཏེ། བདག་གིས་ཁོ་ཚོའི་དཔྱད་འཇོག་ལ་རེ་སྒུག་བྱེད་བཞིན་མཆིས།
གྲོགས་པོ་ལགས། འབྱུང་འགྱུར་ལ་ཡིད་ཆེས་བརྟན་པོ་གནོངས་དང་།
རྟག་བརྟན་ཐེར་ཟུག་གི་འབད་བརྩོན་ལ་ཡིད་ཆེས་བྱོས།
འཆི་བདག་ལས་རྒྱལ་བར་ནུས་པའི་ལང་ཚོ་ལ་ཡིད་ཆེས་བྱོས།
འབྱུང་འགྱུར་ལ་ཡིད་ཆེས་དང་ཚེ་སྲོག་ལ་གཅེས་འཛིན་མཛོད།
@ཡོང་ཁུངས། ཟ་མ་ཏོག་འཕྲིན་སྟེགས།
མ་རྩོམ།
相信未来
食指
当蜘蛛网无情地查封了我的炉台
当灰烬的余烟叹息着贫困的悲哀
我依然固执地铺平失望的灰烬
用美丽的雪花写下：相信未来
当我的紫葡萄化为深秋的露水
当我的鲜花依偎在别人的情怀
我依然固执地用凝霜的枯藤
在凄凉的大地上写下：相信未来
我要用手指那涌向天边的排浪
我要用手掌那托住太阳的大海
摇曳着曙光那枝温暖漂亮的笔杆
用孩子的笔体写下：相信未来
我之所以坚定地相信未来
是我相信未来人们的眼睛
她有拨开历史风尘的睫毛
她有看透岁月篇章的瞳孔
不管人们对于我们腐烂的皮肉
那些迷途的惆怅、失败的苦痛
是寄予感动的热泪、深切的同情
还是给以轻蔑的微笑、辛辣的嘲讽
我坚信人们对于我们的脊骨
那无数次的探索、迷途、失败和成功
一定会给予热情、客观、公正的评定
是的，我焦急地等待着他们的评定
朋友，坚定地相信未来吧
相信不屈不挠的努力
相信战胜死亡的年轻
相信未来、热爱生命
ཕྱིར་མིག
བསྒྱུར་རྩོམ།
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཅན་ཡོད་ཚེ་མྱུར་དུ་འབྲེལ་གཏུགས་བྱོས་དང་དྲ་ལམ་ནས་གསུབ་ཆོག
འཕྲིན་སྟེགས་འདིར་བཀོད་པའི་བརྩམས་ཆོས་གང་ཡིན་རྩོམ་པ་པོ་དང་དོ་དམ་པས་ཆོག་མཆན་མ་ཐོབ་པར་ཅི་བསམ་གང་འདོད་དུ་བཤུ་འཁྱེར་དང་ཇི་མ་ཇི་བཞིན་དུ་བརྒྱུད་འགོད་སོགས་བྱེད་མི་ཆོག
རྩོམ་སྒྲིག་པ། རླུང་ནག་འཚུབ་མ།
འཕྲིན་སྟེགས་འདིར་དཔེ་ཀློག་ཟིན་བྲིས་གཙོས་པའི་དོན་ཚན་སྣ་ཚོགས་ཤིག་བཀོད་དང་འགོད་བཞིན་ཡོད་པས་སྐུ་ཉིད་ཕེབས་པར་དགའ་བསུ་ཞུ།
