འགྱུར་རྩོམ།
སློབ་ཆེན་འགྲིམས་དུས་ངའི་དབྱིན་ཇི་སྡུག་ཤོས་ཡིན་པ་སློབ་གྲོགས་ཀུན་གྱིས་ཤེས། སྒོས་སུ་རྩོམ་འབྲིའི་ནུས་པ་ཧ་ཅང་དམན། དབྱིན་སྐད་ཀྱི་ཁོར་ཡུག་ལ་གོམས་འདྲིས་ནུས་པ་ཞན་པ་སྟེ། རྩོམ་ཡིག་གཅིག་བཀླག་དགོས་ཀྱང་དུས་ཚོད་ལྔ་དྲུག་ཙམ་གཏོང་དགོས་ཤིང་། དེའང་གནད་ཀྱི་དོན་མི་རྟོགས་པས་སེམས་ལ་གནོན་ཤུགས་ཧ་ཅང་ཆེ།
སྟབས་ལེགས་པ་ཞིག་ལ་ལྗོམ་ཧོམ་ཕུ་ཁི་སིའི་སློབ་ཆེན་ནས་འབུམ་རམས་འདོན་སྐབས་ཀྱི་གོ་གཅིག་ལོའི་ཟླ་བཞི་པར་སློབ་གྲོགས་སམ་བློ་འབྱེད་དགེ་རྒན་ལྗོམ་ལྡེ་སི་ལྗི་ལི་སིར་ངོ་ཐུག་ཅིང་ངའི་དཀའ་སྡུག་རྣམས་ཞུས་འཕྲལ། ཉིན་རེར་དུས་ཚོད་སྐར་མ་ཞེ་ལྔའི་རིང་ཝ་ཧྲིན་ཏུང་བསྐུར་འཕྲིན་ཀློག ལོ་གཉིས་ཀྱི་རྗེས་ནས་ཁྱེད་ཀྱི་རྩོམ་འབྲིའི་ནུས་པ་ཉ་མོ་ཆུ་ལ་འཕྲད་པ་ལྟར་འགྱུར་ངེས་ཞེས་ཟེར། ཏག་ཏག་ངའང་གསར་འགྱུར་ལ་བལྟ་རྒྱུར་དགའ་མོས་ཡོད་ཕྱིར་བསམ་ཚུལ་འདི་བློ་ལ་ཧ་ཅང་འཕྲོད་པོ་བྱུང་། ངས་ཉིན་རེའི་ཚོར་ལྟ་དང་པོ་འགྲུབ་རྗེས་ཀྱི་དུས་ཚོད་བཅུ་བ་ནས་དུས་ཚོད་གཅིག་གི་རིང་ལ་ཝ་ཧྲིན་ཏུང་བསྐུར་འཕྲིན་བཀླགས། གཙོ་བོ་པར་ངོས་དང་པོ་སྟེ། ཐོག་མའི་ཆར་དུས་ཚོད་གཅིག་གི་རིང་ལ་དུམ་ཚན་རེ་གཉིས་སམ་གསར་འགྱུར་རིང་པོའི་གྲས་གཅིག་ཙམ་མ་གཏོགས་བཀླགས་མི་ཚར། དེའང་སྐབས་དང་སྐབས་སུ་ཚིག་མཛོད་ཁ་ཕྱེས་ནས་བཙལ་དགོས་འདུག དེ་ལྟ་ནའང་དེས་ངའི་ཀློག་འདོན་གྱི་ནུས་པར་ཕན་པ་ཆེན་པོ་ཞིག་ཐོན་འདུག གོ་གཉིས་ལོར་བྷོ་ཧྲི་ཆེ་བ་དང་ཁི་ལིན་ཐྲོམ་གཉིས་ཀྱི་ཨ་རིའི་སྲིད་འཛིན་འདེམས་བསྐོའི་རྩོད་གླེང་སྐོར་གྱི་གསར་འགྱུར་དག་གི་ཤོག་ངོས་ཁ་ཤས་ཀྱི་དུམ་ཚན་རིང་ཤོས་བཞི་ལྔ་རེ་དུས་ཚོད་གཅིག་གི་རིང་དུ་བཀླགས་ཐུབ་ཅིང་། སྐབས་རེར་གང་བཀླགས་པའི་གསར་འགྱུར་དག་དགེ་སྤུན་རྣམས་ལའང་ཇི་བཞིན་བཤད་པ་ལྷུར་བླངས།
@ཡོང་ཁུངས། ཟ་མ་ཏོག་འཕྲིན་སྟེགས།
ཕྱིར་མིག
འགྱུར་རྩོམ།
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཅན་ཡོད་ཚེ་མྱུར་དུ་འབྲེལ་གཏུགས་བྱོས་དང་དྲ་ལམ་ནས་གསུབ་ཆོག
འཕྲིན་སྟེགས་འདིར་བཀོད་པའི་བརྩམས་ཆོས་གང་ཡིན་རྩོམ་པ་པོ་དང་དོ་དམ་པས་ཆོག་མཆན་མ་ཐོབ་པར་ཅི་བསམ་གང་འདོད་དུ་བཤུ་འཁྱེར་དང་ཇི་མ་ཇི་བཞིན་དུ་བརྒྱུད་འགོད་སོགས་བྱེད་མི་ཆོག
རྩོམ་སྒྲིག་པ། རླུང་ནག་འཚུབ་མ།
འཕྲིན་སྟེགས་འདིར་དཔེ་ཀློག་ཟིན་བྲིས་གཙོས་པའི་དོན་ཚན་སྣ་ཚོགས་ཤིག་བཀོད་དང་འགོད་བཞིན་ཡོད་པས་སྐུ་ཉིད་ཕེབས་པར་དགའ་བསུ་ཞུ།
