阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
来源：红蔓文化
作者：袁念琪
沪语改写、讲述：王邦基
文字、语音审核：丁迪蒙
编辑：王乙其
我有得两段日脚常庄出没勒勒高安路浪。一个是1981年，我大学实习勒康平路个五十四中学，从高安路朝西转。另一个是廿年之后，我拨借调到市委宣传部，原来勒高安路19号，后首来搬到原城开集团所在个17号。从伊歇辰光起，高安路有了两个变化：通了公交，衡山路口个加油站变成功了街心花园。
悬铃木遮掩个高安路，是上海个一条小马路，从淮海中路到肇嘉浜路。伊是1914年法租界越界筑路个产物，原来叫高恩路，据说是一位法国中尉个名字。1943年改名高安路，取江西“四山一水三分田，两分道路个庄园”个一个小县。
实习个辰光，我常庄穿过高安路18弄，伊个一只弄堂口勒高安路，另外一只勒康平路。弄堂里向20号是徐汇区少年宫，迭幢建于1939年个三层独立式花园别墅，原来是中国“面粉大王”搭仔“棉纱大王”荣德生个住宅。隔壁是荣德生囡儿荣漱仁个屋里，1985年我曾经去过，还获赠当时邪气稀奇个柯达彩色胶卷。荣德生1952年病逝之后，荣漱仁拿20号捐拨了国家。
1946年4月25日10点钟左右，迭搭发生了“民国第一绑架案”，也是抗战胜利之后荣德生第二次拨绑架。伊勒勒《乐农自订行年纪事》当中记载：“甫出家门，勒弄口高恩路转角，突来匪徒绑架。”拦车者出示盖有“第三方面军司令部”大印个逮捕证，讲荣德生涉嫌偷漏税，拿伊押上了有淞沪警备司令部标记个车子。荣德生回忆讲：“直驶至中山路，转入小路，经数里，停一小舟，将余送入，蜷卧舱内。到二十五日夜到八点钟后，开始有两个匪徒挟余登陆，勒勒申新一厂前半里左右个小河浜上岸，转入马路，开来一部车子，开了大约刻把钟，到南车站货栈旁下车，改乘三轮车，到一石库门，入内，上楼，藏余于一小室。”
一周之后，申新九厂接绑匪电话，说拿100万美元换荣德生；经过还价，降到了50万，大约摸5月25日下午交款。钞票送到绑匪指定个长乐路1210号——京沪卫戍总司令汤恩伯官邸隔壁个辰光，没人接款，却被警备司令部拦车搜查，没收了赎金，视荣家与绑匪接触犯法；勿料，第二日又发还了赎金，勿再追究。
5月28日晚，身穿黑颜色绸长袍个荣德生，勒经历了33天关押之后拨释放了。荣德生认为，此案“实则起意者为黑心商人，利用匪徒，原拟将余灭口；幸匪以金钱为重，余尚得以生还”。
案子数月之后告破。警方逮捕了吴志刚、骆文庆、袁仲书等15个人。8月27日，八名主犯拨判死刑，另外七人判有期徒刑。绑架用车是借警备司令部副官处个王公遐。
据《上海军事志》记载，伊7月1日当少将处长，屁股呒没坐热就勒8月31日拨免职。伊张第三方面军司令部逮捕证是张废证，一年前头已经改成京沪卫戍总司令部。追回赎金大约摸20万美金，荣家奖赏军警还勿够，又添了10万美金再摆平。
南北向个高安路，搭仔康平路、衡山路、建国西路三条东西向马路相交，每只路口转角侪有有名个公寓，从北向南依次为：高安14号、西湖48号、建安78弄1-3号公寓。
1986年，我去过其中建于1928年、原名华盛顿个西湖公寓，请当时担任市社联主席罗竹风为“上海青年最喜爱个十本书”评选活动颁奖。伊提出个“编辑是杂家”等观点，让人至今难忘。西湖公寓是当时上海规模最大、也是最早用电梯个公寓之一。
而高安搭建安公寓，则拨我留下了凄美个记忆。高安公寓原名阿麦伦，为赉安赠予伊第二任妻子安娜个礼物。一进门，底楼门厅水磨石地浪AL映入眼帘，搿个是赉安搭安娜两家头名字个第一字母，是一个爱个符号。
1968年11月23日凌晨，名列“新中国二十二大电影明星”个上官云珠，从建安公寓伊住个四层楼浪纵身一跃，勒即将放亮个蓝天里。
讲起来，迭两只公寓侪是由法国建筑师事务所赉安洋行设计个。勒上海，留下优秀建筑个并勿只有邬达克，赉安搭伊旗鼓相当。假使以延安中路为界，邬达克搭赉安是各占了半边天。1924年，法国国家注册建筑师亚历山大 · 赉安搭保罗 · 韦什尔创办了赉安洋行，后来有法国国家注册建筑师亚瑟 · 克鲁兹加入。赉安三杰侪毕业于法国巴黎高等美术学院，伊拉名字个首字母缩写“LVK”，拨刻勒上海众多个著名建筑上，其中有交关成为来市优秀历史建筑：上海法国总会（今花园饭店）、法国总会旧址（今科学会堂）、中汇银行大楼等，以及淮海中路、复兴西路搭建国西路等沿线风格迥异个现代公寓。中科院院士郑时龄讲：“目前考证出来个，已经有得66处了。”
作者：袁念琪
讲述：王邦基
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“海上梦叠”公众号
我知道你在看哟~
