انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 29 - كۇنى اۆتونوميالى رايوننىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن جانە جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 45 جىلدىعىن قۇتتىقتاۋ اڭگىمە ءماجىلىسى ۇرىمجىدە اشىلدى. ءماجىلىس باس شۋجي شي جينپيڭنىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ءتۇزىمىنىڭ شينجياڭداعى امالياتتىق بارىسىنا قايىرىلا قاراپ، اۆتونوميالى رايوندىق حالىق قۇرىلتايىنىڭ تۇراقتى كوميتەت قۇرىلعاننان بەرگى قىزمەتىن قورىتىندىلادى، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋدى، ونى ويداعىداي كەمەلدەندىرۋدى، ويداعىداي اتقارۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، مەملەكەتتىك حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى مۇشەسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ماجىلىستە ءزۇمىرات وبۇل، ءۇرىمجى قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى يۇن شۋشيا، ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم، شىحىزى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى حۋاڭ حاي، تاشقورعان تاجىك اۆتونوميالى اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى باتۇرشاھ ءىلپاتشاھ، مەملەكەتتىك حالىق قۇرىلتايىنىڭ ۋاكىلى جاڭ شين، اۆتونوميالى رايوندىق حالىق قۇرىلتايىنىڭ ۋاكىلى گۇلبوستان وسمان پىكىر اۋىستىرىپ، ءسوز سويلەدى.
كوپشىلىكتىڭ ءسوزىن تىڭداعاننان كەيىن ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك دەموكراتيالىق ساياسيدىڭ دامۋ زاڭدىلىعىن تەرەڭ يگەرىپ، سوتسياليستىك دەموكراتيالىق ساياسي قۇرىلىستىڭ امالياتتىق تاجىريبەلەرىن جۇيەلى قورىتىندىلاپ، حالىق قۇرىلتايى ءتۇزىمىنىڭ نازاريادا جانە امالياتتا جاڭالىق اشۋىن ءۇرتىس ىلگەرىلەتىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىردى. باس شۋجي شي جينپيڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ءسوز سويلەپ، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ جونىندە جاپپاي ورنالاستىرۋ جاساپ، ايقىن تالاپ قويىپ، جاڭا ءداۋىردىڭ جاڭا جورىعىندا حالىق قۇرىلتايى قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. ءبىز ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ءتۇزىمىنىڭ كورنەكتى ساياسي ابزالدىلىعىن، ”سەگىزگە، ءسوز جوق، تاباندى بولۋدىڭ“ امالياتتىق تالابىن، جاڭا جورىقتاعى حالىق قۇرىلتايى قىزمەتىنىڭ بورىشىن، مىندەتىن تەرەڭ ءتۇسىنىپ، جۇڭگوشا سوتسياليستىك ساياسي دامۋ جولىمەن بۇلجىماي ءجۇرۋىمىز كەرەك.
ما شيڭرۇي بىلاي دەپ باسا دارىپتەدى: 70 جىلدان بەرى بۇكىل شينجياڭداعى ءار دارەجەلى حالىق قۇرىلتايلارى نەگىزگى زاڭدا، زاڭداردا بەرىلگەن مىندەت جاۋاپكەرشىلىگىن مۇقيات اتقارىپ، پارتيانىڭ ءاربىر تاريحي مەزگىلدەگى وزەكتى مىندەتىن ارقاۋ ەتىپ، شينجياڭنىڭ دەموكراتيا، زاڭمەن باسقارۋ قۇرىلىسىنا جانە رەفورما، دامۋ، ورنىقتىلىق ىستەرىنە ماڭىزدى ۇلەس قوستى. پارتيا 18 - قۇرىلتايىنان بەرى ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى حالىق قۇرىلتايىنىڭ مىندەت جاۋاپكەرشىلىگىمەن تىعىز بايلانىستىرىپ زاڭ بويىنشا مىندەت وتەپ، زاڭ ەرەجە شىعارۋ، باقىلاۋ، ۋاكىلدەر قىزمەتتەرىن تىڭعىلىقتى ويداعىداي ىستەپ، شينجياڭنىڭ ەكونوميكالىق، قوعامدىق دامۋىنا جانە رەفورمادان قامال الۋىنا كۇش ۇستەۋ بارىسىندا ورنىن باسۋعا كەلمەيتىن رول اتقاردى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان شينجياڭنىڭ حالىق قۇرىلتايى ءتۇزىمى قۇرىلىسىنا ۇلەس قوسقان قارت باسشىلارعا، قارت جولداستارعا، وتكەن كەزەكتى ءار دارەجەلى حالىق قۇرىلتايى ۋاكىلدەرىنە، حالىق قۇرىلتايى تۇراقتى كوميتەتىنىڭ قۇرامىنداعىلارعا، حالىق قۇرىلتايى ارناۋلى كوميتەتتەرىنىڭ مۇشەلەرىنە جانە حالىق قۇرىلتايى ورگانىنىڭ قىزمەتكەرلەرىنە شىنايى سالەم جولدادى جانە شىن جۇرەكتەن العىس ايتتى.
ما شيڭرۇي بىلاي دەپ باسا دارىپتەدى: بۇكىل شينجياڭداعى ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدى ماڭىزدى بويسۇنۋ ولشەمى ەتىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، بەلسەنە مىندەت وتەپ، جاۋاپكەرشىلىكتى ادا ەتىپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، نەگىزگى زاڭدا جانە زاڭداردا بەرىلگەن قاسيەتتى مىندەت جاۋاپكەرشىلىگىن شىنايى ارقالاۋى كەرەك. حالىق قۇرىلتايى ءتۇزىمىن جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى ەتۋگە تاباندى بولىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن جەدەل دامىتىپ، كورىكتى شينجياڭدى بىرگە قۇراتىن اقىل - پاراسات پەن كۇش - قۋاتتى ۇيىستىرۋ كەرەك. نەگىزگى زاڭدى، زاڭداردى جاپپاي ءونىمدى اتقارىپ، مەملەكەت زاڭ - ءتۇزىمىنىڭ بىرلىگىن، زاڭنىڭ بەدەلى مەن قۇزىرەتتىلىگىن باتىل قورعاپ، نەگىزگى زاڭعا، زاڭدارعا باستاماشىلدىقپەن قۇرمەت ەتىپ، ونى ۇگىتتەپ جانە اتقارىپ، شينجياڭدى جاپپاي زاڭمەن باسقارۋدى ءۇرتىس تەرەڭدەتۋ كەرەك. حالىق قۇرىلتايىنىڭ زاڭ ەرەجە شىعارۋ قىزمەتىندەگى جەتەكشىلىك رولىن تولىق ساۋلەلەندىرىپ، پارتكوم باسشىلىق ەتەتىن، حالىق قۇرىلتايى جەتەكشىلىك ەتەتىن، ۇكىمەت سۇيەنىش بولاتىن، ءار جاق ات سالىساتىن زاڭ ەرەجە شىعارۋ قىزمەت ارناسىنا تاباندى بولىپ جانە ونى كەمەلدەندىرىپ، ءتۇيىندى سالالارداعى، جاڭادان گۇلدەنگەن سالالارداعى، سىرتقا ساياتىن سالالارداعى زاڭ ەرەجە شىعارۋدى كۇشەيتىپ، جەرگىلىكتى زاڭ ەرەجە شىعارۋ جۇيەسىن كەمەلدەندىرىپ، شينجياڭعا ساياتىن سىرتقا قاراتىلعان كۇرەستى بەلسەندى، ىرىقتى تۇردە ورىستەتۋ كەرەك. نەگىزگى زاڭدا، زاڭداردا بەرىلگەن باقىلاۋ ۇقىعىنان ويداعىداي پايدالانىپ، نەگىزگى زاڭنىڭ، زاڭداردىڭ اتقارىلۋ جاعدايىن باقىلاۋدى، تەكسەرۋدى، ”حالىق ۇكىمەتى، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى“ قىزمەتىن باقىلاۋدى كۇشەيتىپ، حالىق قۇرىلتايىنىڭ مەجە ەسەپتى، سوڭعى ەسەپتى تەكسەرىپ باقىلاۋىن جانە مەملەكەت مەنشىگىندەگى مال - مۇلىكتى باسقارۋدى، ۇكىمەت قارىزىن باسقارۋدى باقىلاۋىن كۇشەيتىپ، جەرگىلىكتى ورىندار مەن تاراۋلاردىڭ زاڭ بويىنشا شەشىم جاساۋ، زاڭ بويىنشا اكىمشىلىك جۇرگىزۋ، زاڭ بويىنشا ءىس ءبىتىرۋ دەڭگەيىن جوعارىلاتۋ كەرەك. حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، حالىق رايىن قابىلداۋ، حالىقتىڭ اقىل - پاراساتىن توپتاۋ قىزمەت مەحانيزمىن اقاۋسىزداندىرىپ، حالىق قۇرىلتايى ۋاكىلدەرىنىڭ نەگىزگى ساتى قوعامىن باسقارۋ بارىسىنداعى بەلسەندى رولىن ويداعىداي ساۋلەلەندىرىپ، ءار ۇلت بۇقاراسىمەن بايلانىس جاسايتىن جاقسى كوپىر بولۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ حالىق قۇرىلتايى قىزمەتىنە جالپى بەتتىك باسشىلىعىن شىنايى كۇشەيتۋ كەرەك، ءار دارەجەلى پارتكومدار حالىق قۇرىلتايى قىزمەتىن قىزمەت جالپى جاعدايىنا ەنگىزىپ، كەلەلى ماسەلەلەردى دەر كەزىندە اقىلداسىپ شەشىپ، حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ زاڭ بويىنشا مىندەت ۇقىعىن جۇرگىزۋىن، قىزمەت ورىستەتۋىن قولداۋى كەرەك. ءار دارەجەلى حالىق قۇرىلتايى تۇراقتى كوميتەتتەرى جاڭا داۋىردەگى حالىق قۇرىلتايى قىزمەتىنىڭ قاجەتىنە ۇيلەسىپ، پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىگىن اتقارىپ، ”ءتورت ورگان“ تالابىن تياناقتاندىرىپ، حالىق قۇرىلتايى ورگانىنىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن كۇشەيتىپ، ساياسيدا تاباندى، حالىققا قىزمەت وتەيتىن، زاڭمەن باسقارۋعا قۇرمەت ەتەتىن، دەموكراتيانى اسقاقتاتاتىن، جاۋاپكەرشىلىكتى ادا ەتۋگە تالپىناتىن حالىق قۇرىلتايى قىزمەت قوسىنىن تۇلعالاپ، جاڭا داۋىردەگى جاڭا جورىقتا حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋى كەرەك.
ءزۇمىرات وبۇل ءماجىلىستى باسقارعاندا بىلاي دەپ اتاپ كورسەتتى: شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ساياسي سانالىلىقتى، ستراتەگيالىق تاباندىلىقتى جانە تاريحي ىرىقتىلىقتى شىنايى كۇشەيتىپ، جاڭا داۋىردەگى حالىق قۇرىلتايى قىزمەتىنىڭ باستان - اياق باس شۋجي شي جينپيڭ نۇسقاعان بەتالىستى بويلاي العا ىلگەرىلەۋىنە شىنايى كەپىلدىك ەتۋ كەرەك. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، حالىق قۇرىلتايىنىڭ زاڭ ەرەجە شىعارۋ تىرەگى، باقىلاۋ قامتاماسىزدىعى بولۋ، ۋاكىلدەر كۇش - قۋاتىن ۇيىستىرۋ فۋنكتسياسىن، رولىن جانە ابزالدىلىعىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم ويداعىداي قىزمەت وتەۋ جانە ونى قامتاماسىز ەتۋ كەرەك. ”ءتورت ورگان“ سىندى ورىن تالابىن تياناقتاندىرىپ، وزىندىك قۇرىلىستى جاپپاي كۇشەيتۋ كەرەك. جالپى بارىستىق حالىق دەموكراتياسىنىڭ حيكايالارىن، شينجياڭ حالىق قۇرىلتايىنىڭ حيكايالارىن ويداعىداي بايانداپ، مەملەكەتتىڭ ءتۇبىرلى ساياسي ءتۇزىمىنىڭ وي - ساناعا تەرەڭ ۇيالاۋىن ىلگەرىلەتۋ كەرەك.
