![]()
ལས་ཞུགས་ནི་ཁྱིམ་ཚང་ཁྲི་སྟོང་མང་པོ་དང་འབྲེལ་བ་ཡོད་ལ། དཔལ་འབྱོར་གྱི་གནས་བབ་ཧྲིལ་པོ་དང་ཡང་འབྲེལ་བ་ཡོད། 2025ལོའི་མཐོ་སློབ་མཐར་ཕྱིན་སློབ་མའི་གཞི་ཁྱོན་སྔོན་དཔག་བྱས་ན་མི་ཁྲི1222ཟིན་རྒྱུ་ཡིན་ཞིང་། ཁོ་ཚོའི་ལས་ཞུགས་གནད་དོན་དེ་དམངས་འཚོའི་བདེ་སྐྱིད་དང་རྒྱལ་ཁབ་ཀྱི་འབྱུང་འགྱུར་དང་འབྲེལ་བ་ཡོད། མིག་སྔར། རྒྱལ་ཁབ་ཀྱི་སློབ་ཆེན་སློབ་མའི་ལས་ཞུགས་ཞབས་ཞུའི་ལས་སྟེགས་ཀྱིས་ཆེད་དམིགས་ལས་བསྡུའི་བྱེད་སྒོ་མང་པོ་རྒྱུན་མཐུད་ངང་སྤེལ་བ་དང་། ས་གནས་ཁག་དང་སྡེ་ཚན་ཁག་གིས་ཀྱང་སྲིད་ཇུས་དང་བྱེད་ཐབས་བཏོན་ཏེ་མཐོ་སློབ་མཐར་ཕྱིན་སློབ་མའི་ལས་ཞུགས་ལ་ནུས་ཤུགས་ཡོད་རྒུས་སྐུལ་འདེད་གཏོང་བཞིན་ཡོད། ན་ནིང་ཟླ12པ་ནས་ད་ལོའི་ཟླ2པའི་བར། རྒྱལ་ཁབ་ཀྱི་སློབ་ཆེན་སློབ་མའི་ལས་ཞུགས་ཞབས་ཞུའི་ལས་སྟེགས་དང་ས་གནས་ཁག་གི་མཐོ་སློབ་ཀྱིས་དྲ་ཐོག་དྲ་འོག་ནས་སྒྲིག་ཆས་བཟོ་སྐྲུན་དང་སྐྱེ་ཁམས་ཁོར་ཡུག་སྲུང་སྐྱོབ། གྲོང་གསེབ་དར་སྤེལ་སོགས་ཀྱི་ཆེད་དམིགས་སྐོང་བསྡུའི་བྱེད་སྒོ་མང་པོ་རྒྱུན་མཐུད་ངང་སྤེལ་ནས་མཐར་ཕྱིན་སློབ་མར་ལས་ཞུགས་ལས་གནས་རྒྱུན་ཆད་མེད་པར་མཁོ་འདོན་བྱས་དང་བྱེད་མུས་ཡིན།![]()
སློབ་གསོ་པུའི་མཐོ་སློབ་སློབ་མ་སིའི(ལས་ཞུགས་སི)མགོ་འཛིན་གཞོན་པ་ཝུའུ་ཨའེ་ཧྭ་ཡིས། སློབ་ཆེན་སློབ་མས་ཐོག་མར་དོ་ཁུར་ཅུང་ཆེ་བ་བྱ་ཡུལ་ནི་སྲིད་ཇུས་རང་བཞིན་གྱི་ལས་གནས་ཡིན་པས། སྐོང་བསྡུའི་དུས་ཚོད་དང་གོ་རིམ་ལུགས་མཐུན་ངང་བཀོད་སྒྲིག་བྱེད་དགོས། གཞུང་ཞབས་པ་དང་བྱ་གཞག་ཚན་པ། གཞུང་ཁོངས་ཁེ་ལས། ད་དུང་དམག་དཔུང་གི་དམག་བསྡུ་དང་གཞི་རིམ་རྣམ་གྲངས་སོགས་སྲིད་ཇུས་རང་བཞིན་གྱི་ལས་གནས་ཀྱིས་བསྡུ་ཐུབ་པ་ཚང་མ་བསྡུ་བ་དང་སྔ་ཙམ་བསྡུ་ཐུབ་ན་སྔ་ཙམ་བསྡུ་གང་ཐུབ་བྱེད་དགོས། དེ་ལྟར་བྱས་ན་མཐར་ཕྱིན་སློབ་མས་ཁྲོམ་རའི་ཐོག་ལས་ཀ་འཚོལ་བར་དུས་ཚོད་འདང་ངེས་ཤིག་འཇོག་ཐུབ་ཅེས་བརྗོད་ཡོད།![]()
པེ་ཅིང་དང་ཀུའེ་ཀྲོའུ། ཧོ་ནན་སོགས་ས་གནས་མང་པོ་ཞིག་གིས་ད་དུང་ལས་ཞུགས་ལ་སྐུལ་འདེད་གཏོང་བའི་འབྲེལ་ཡོད་སྲིད་ཇུས་སྔ་རྗེས་སུ་བཏོན་པ་དང་། ཐེངས་གཅིག་རང་བཞིན་གྱི་ལས་གནས་རྒྱ་སྐྱེད་ཀྱི་ཁ་གསབ་སྲིད་ཇུས་མུ་མཐུད་ལག་བསྟར་དང་སྲིད་ཇུས་རང་བཞིན་གྱི་ལས་གནས་ཀྱིས་ལས་ཞུགས་ལ་སྐུལ་འདེད་གཏོང་བའི་ནུས་པ་འདོན་སྤེལ་བྱེད་པ་སོགས་ཀྱི་ཐད་ནས་མཐར་ཕྱིན་སློབ་མའི་ལས་ཞུགས་ལས་གཏོད་ལ་རོགས་རམ་བྱེད་བཞིན་ཡོད།
ས་གནས་མང་པོ་དང་སྡེ་ཚན་མང་པོ་ཞིག་གིས་ལས་ཞུགས་ལ་སྐུལ་འདེད་གཏོང་བའི་སྲིད་ཇུས་བཏོན་པ་དང་དུས་མཚུངས། ལས་ཞུགས་ཞབས་ཞུའི་རྣམ་པ་ཡང་རྒྱུན་ཆད་མེད་པར་གསར་གཏོད་བྱེད་བཞིན་ཡོད། ལས་ཞུགས་ཞབས་ཞུའི་འགག་སྒོ་མདུན་དུ་སྣུར་བ་དང་ལས་ཞུགས་ཐབས་ལམ་རྒྱ་ཆེར་བཏང་བ་བརྒྱུད། མཐར་ཕྱིན་སློབ་མས་ལས་ཀ་འཚོལ་རྒྱུར་འབྲེལ་ཐག་ཧྲིལ་པོའི་ཞབས་ཞུ་མཁོ་འདོན་བྱ་རྒྱུ་རེད།གཞན་ཡང་། ས་གནས་མང་པོའི་གུང་གཞོན་སྡེ་ཚོགས་རྩ་འཛུགས་དང་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་སོགས་སྡེ་ཚན་གྱིས“གཞོན་ནུའི་ས་ཚིགས”དང“ཤེས་ལྡན་པའི་ལས་ཤག”སོགས་རྒྱུན་མཐུད་ངང་བཏོན་ནས། ས་གནས་གཞན་དུ་ལས་ཀ་འཚོལ་བའི་མཐར་ཕྱིན་སློབ་མར་དྲོ་སྐྱིད་ལྡན་པའི་ཞབས་ཞུ་མཁོ་འདོན་བྱ་རྒྱུ་རེད། གཞོན་ནུའི་ས་ཚིགས་ཀྱིས་ལས་ཀ་འཚོལ་མཁན་གཞོན་ནུར་སྡོད་གནས་དང་ལས་བསྡུ། ཤེས་ལྡན་མི་སྣའི་སྲིད་ཇུས་དྲིལ་བསྒྲགས་སོགས་ཀྱི་ཞབས་ཞུ་མཁོ་འདོན་བྱེད་པ་མ་ཟད། ད་དུང་མཐོ་སློབ་དང་ཁེ་ལས་དང་མཉམ་འགུལ་ངང་ལས་ཞུགས་ཀྱི་ཞིབ་འཇུག་སློབ་སྦྱོང་བྱེད་སྒོ་སྤེལ་བ་དང་། མཐར་ཕྱིན་སློབ་མ་སྒྲིག་འཛུགས་ཀྱིས་ཁེ་ལས་སུ་ཡུལ་དངོས་ནས་འཚམས་འདྲི་བྱས་ཏེ་ལས་གནས་ཀྱི་དགོས་མཁོ་ཤེས་རྟོགས་བྱེད་ཀྱི་ཡོད། ![]()
ཧྲེན་ཀྲེན་གྲོང་ཁྱེར་གྱི་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་དང་གུང་གཞོན་སྡེ་ཚོགས་ཨུ་ལྷན་སོགས་སྡེ་ཚན་གྱིས་ཁང་པ་ཁྲི1མཁོ་འདོན་བྱས་ཏེ2024ལོའི་ཟླ11པ་ནས2025ལོའི་ཟླ6པའི་བར་ས་གནས་ཁག་ནས་ཧྲེན་ཀྲེན་དུ་ངོ་རྒྱུགས་དང་ལས་ཀ་འཚོལ་བར་ཡོང་བའི་མཐོ་སློབ་ཀྱི་ལོ་འདི་གའི་མཐར་ཕྱིན་སློབ་མར་ཉིན7གྱི་རིང་ཁང་རིན་སྤྲོད་མི་དགོས་པའི་སྡོད་ཁང་མཁོ་འདོན་བྱ་རྒྱུ་རེད།གུང་གཞོན་སྡེ་ཚོགས་ཧྲང་ཧའེ་གྲོང་ཁྱེར་ཏང་ཨུས་བཙུགས་པའི“གཞོན་ནུའི་ས་ཚིགས”སྟེགས་བུ་དངོས་སུ་ལས་མགོ་བཙུགས་ཡོད་པ་དང་། མིག་སྔར་ཧྲང་ཧའེ་གྲོང་ཁྱེར་གྱི་“གཞོན་ནུའི་ས་ཚིགས”ཁག་དང་པོའི་ས་ཚིགས70ལྷག་ཙམ་སྒོ་འབྱེད་བྱས་ནས། མཐོ་སློབ་ཀྱི་ལོ་འདི་གའི་མཐར་ཕྱིན་སློབ་མ་གཙོ་གནད་ཞབས་ཞུ་སྒྲུབ་ཡུལ་དུ་བྱས་ཏེ། ལས་ཀ་འཚོལ་མཁན་གཞོན་ནུར་གླ་རིན་མི་དགོས་པའི་བར་བརྒལ་རང་བཞིན་གྱི་སྡོད་ཁང་མཁོ་འདོན་བྱ་རྒྱུ་ཡིན་པ་རེད།ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་། ![]()
责编/项吉当知
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
