གསར་འགྱུར་གལ་ཆེན།
➤ཀྲུང་ཧྭ་མི་རིགས་ཀྱི་སྲོལ་རྒྱུན་དུས་ཆེན་ཏེ་ཤིང་མོ་སྦྲུལ་ལོའི་དཔྱིད་གསར་དུས་ཆེན་སླེབས་ལ་ཉེ་བའི་སྐབས་སུ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ལྷན་གྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཚེས20ཉིན་གྱི་ཕྱི་དྲོར་མི་དམངས་ཚོགས་ཁང་ཆེན་མོར་དམངས་གཙོའི་ཏང་ཤོག་ཁག་གི་ཀྲུང་དབྱང་དང་། རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་འགན་འཁུར་པ། ཏང་ཕྱིའི་འཐུས་མི་བཅས་དང་མཉམ་འཛོམས་བྱས་ནས་དུས་ཆེན་ལ་དགའ་བསུ་ཞུས། ཞི་ཅིན་ཕིང་གིས་ཀྲུང་གུང་ཀྲུང་དབྱང་གི་ཚབ་བྱས་ཏེ་དམངས་གཙོའི་ཏང་ཤོག་ཁག་དང་། བཟོ་ཚོང་མཉམ་འབྲེལ། ཏང་ཕྱིའི་མི་སྣ། འཐབ་ཕྱོགས་གཅིག་གྱུར་གྱི་རྒྱ་ཆེའི་ཁོངས་མི་བཅས་ལ་ལྷག་བསམ་ཟོལ་མེད་ཀྱི་འཚམས་འདྲི་དང་ལོ་གསར་གྱི་སྨོན་འདུན་ཞུས།
➤ལོ་སར་སྐྱེལ་འདྲེན་གྱི་གཟའ་འཁོར་དང་པོའི་སྤྱི་ཚོགས་ཡོངས་ཀྱི་ས་ཁོངས་ལས་བརྒལ་བའི་མི་སྣ་འཁོར་སྐྱོད་བྱེད་ཚད་སྔོན་དཔག་བྱས་ན་མི་ཐེངས་དུང་ཕྱུར13ལས་བརྒལ་ཡོད།
➤ཞིང་ལས་གྲོང་གསེབ་པུས་ངོ་སྤྲོད་བྱས་པར་གཞིགས་ན། དཔྱིད་གསར་དུས་ཆེན་རིང་སྔོ་ཚལ་ཐོན་རྫས་མཁོ་སྤྲོད་འདང་ངེས་ཡིན་པས། ས་གནས་ཁག་གི་ཕྱིར་ཚོང་ཐབས་ལམ་རྒྱ་ཆེར་གཏོང་རྒྱུར་སྐུལ་འདེད་བཏང་སྟེ། ཞིང་པ་རྣམས་ཀྱིས་བཙོང་ཐུབ་པ་དང་གྲོང་མིས་བློ་བདེའི་ངང་ཉོ་ཐུབ་པ་བྱ་རྒྱུ་ཡིན་ཞེས་བསྟན།
➤རྒྱལ་ཁབ་ནུས་རྒྱུ་ཅུས་གནས་ཚུལ་སྤེལ་བར་གཞིགས་ན། 2024ལོར་རང་རྒྱལ་གྱི་རྒྱལ་ནང་གི་སྣུམ་རླངས་ཐོན་ཚད་ཏུན་དུང་ཕྱུར4ལས་ཐེངས་དང་པོར་བརྒལ་བ་དང་། རྒྱ་མཚོ་དང་རྒྱུན་སྲོལ་མིན་པའི་སྣུམ་རླངས་ཐོན་སྐྱེད་ཀྱི“གཡུལ་ས་གཙོ་བོར”གྱུར་ཡོད།
➤ཆེས་མཐོའི་ཁྲིམས་ཁང་དང་ཆེས་མཐོའི་ཞིབ་དཔྱོད་ཁང་གིས་མཉམ་འབྲེལ་ཐོག་ཁྲུན་ཐག་བཅད་པ་ལག་བསྟར་མི་བྱེད་པའི་དཔེ་མཚོན་གྱོད་དཔེ་ལྔ་ཁྱབ་བསྒྲགས་བྱས།
➤རང་རྒྱལ་གྱིས་ད་ལོར་ལྷ་གྲུ་ཨང་ཉི་ཤུ་པ་དང་ལྷ་གྲུ་ཨང་ཉེར་གཅིག་པའི་མི་སྡོད་འཕུར་གྲུ་གཉིས། ཐེན་ཀྲུའུ་ཨང་དགུ་པ་བཅས་འཕེན་གཏོང་བྱ་རྒྱུ་རེད། ཚེས20ཉིན་ལས་འགན་ཐེངས་གསུམ་གྱི་མཚོན་རྟགས་རི་མོ་ཁྱབ་བསྒྲགས་བྱས།
➤ཚེས20ཉིན་གྱི་ཆུ་ཚོད18དང་སྐར་མ11སྟེང་། རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་སུ་ཀུའུ་ཧྲེན་སྐར་མ་དང་པོའི་སྐྱེལ་འདྲེན་མེ་ཤུགས་འཕུར་མདའ་སྤྱད་དེ། ཡུན་ཡའོ་ཨང་དང་པོའི་སྲུང་སྐར37ནས40བར་སོགས་སྲུང་སྐར5མཁའ་དབྱིངས་སུ་འཕེན་གཏོང་བྱས།
➤ཕྱི་འབྲེལ་པུའི་མགྲིན་ཚབ་པས་ངོ་སྤྲོད་བྱས་པར་གཞིགས་ན། ཀྲུང་གོ་ཕྱོགས་ཀྱི་འདུམ་འགྲིག་དང་སྐུལ་འདེད་འོག་འབར་མ་སྲིད་གཞུང་དང་ཀོ་གན་མནའ་མཐུན་དམག་གིས་ས་གནས་དེ་གར་དམག་འཁྲུག་མཚམས་འཇོག་བྱས།
སྤྱི་ཚོགས།
➤2024ལོར་རྒྱལ་ཡོངས་ཀྱི་ས་ཁུལ་རིམ་པ་དང་དེའི་ཡན་གྱི་གྲོང་ཁྱེར་གྱིPM2.5ཡི་ཆ་སྙོམས་གར་ཚད་ནི་སྨི་ངོས་གྲུ་རེར་ཝུའེ་ཁེ29.3ཡིན་པ་དང་། དུས་མཚུངས་ལས2.7%ཆག་ཡོད་ཅིང་བསྟུད་མར་ལོ་ལྔ་ལ་བརྟན་པོའི་ངང་ཚད་གཞིར་སླེབས་ཡོད།
➤ཚེས20ཉིན། ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་སྐབས་དགུ་པའི་མེ་སོན་ཧའར་པིན་ཉི་མའི་གླིང་ཕྲན་མཛེས་ལྗོངས་ཁུལ་དུ་བདེ་བླག་ངང་འཚོལ་བསྡུ་བྱས།
➤ཉེ་ཆར་ཧྲང་ཧའེ་གྲོང་ཁྱེར་གྱི“ཚོགས་ཆེན་གཉིས”རིང་། སྲིད་གྲོས་ཨུ་ཡོན་དང་གསོ་རིག་རིགས་གཅིག་མཁས་ཅན་གྱིས་གཅིག་སྡུད་སྨན་རྫས་ཁག་གཅིག་ལ་སྤུས་ཚད་ཉེན་ཁ་སོགས་ཀྱི་གནད་དོན་ཡོད་སྲིད་ཅེས་བཤད། རྒྱལ་ཁབ་སྨན་བཅོས་འགན་བཅོལ་ཅུ་སོགས་སྡེ་ཚན་ཧྲང་ཧའེ་རུ་ཕྱིན་ཏེ་འབྲེལ་ཡོད་བསམ་འཆར་ལ་དངོས་སུ་ཉན་རྒྱུ་རེད།
➤ཧོ་པེ་ཞིབ་དཔྱོད་ལས་ཁུངས་ཀྱིས་ཀྲུང་གོའི་གློག་རྡུལ་ཚན་རྩལ་ཚོགས་པ་ཚད་ཡོད་སྤྱི་གཉེར་གྱི་དེ་སྔའི་ཏང་ཙུའུ་ཁོངས་མིའམ་སྤྱི་ཁྱབ་ཅིང་ལི་གཞོན་པ་ཧོ་ཝུན་ཀྲུང་གིས་ལྐོག་རྔན་བླངས་པའི་ཉེས་གསོག་གྱོད་གཞིར་ཁྲིམས་ལྟར་གཞུང་གཏུག་བྱས།
➤པེ་ཅིན་གྱིས་སྡོད་ཁང་གི་སྤྱི་གསོག་མ་དངུལ་བླངས་ནས་ཁང་གླ་ཐད་ཀར་སྤྲོད་པའི་་ཚོད་ལྟའི་ལས་སྒོ་སྤེལ་ཞིང་། དངུལ་བཅོལ་མཁན་གྱིས་ཁང་གླ་དང་སྤྱི་གསོག་མ་དངུལ་ལེན་པར་རེ་ཞུ་ཐེངས་གཅིག་དང་། ཟླ་ལྟར་སྤྲོད་པ། རང་འགུལ་ངང་རྩིས་ཐོའི་ཐོག་སླེབས་ཐུབ་པ་བཅས་བྱེད་ཐུབ།
➤2024ལོར་ཧྲན་ཏུང་གི་ནུས་རྒྱུ་གསར་པ་དང་བསྐྱར་སྐྱེས་ཐུབ་པའི་ནུས་རྒྱུའི་གློག་འདོན་འཕྲུལ་འཁོར་སྟོང་ཝ་དུང་ཕྱུར1.15ཟིན། དེ་རྡོ་སོལ་དང་གློག་གིས་བཟུང་བའི་བསྡུར་ཚད་ལས་བརྒལ་ཡོད། ཞིང་ཆེན་ཡོངས་ཀྱི་ནུས་རྒྱུའི་གྲུབ་ཚུལ་རྩ་བའི་ཐོག་ནས་འགྱུར་ལྡོག་ཕྱིན་ཡོད།
➤རང་རྒྱལ་གྱི་མི་མེད་གནམ་གྲུ་ཆེ་གྲས་ཐོག་མ་ཧུང་གྲོན（HY100）ཤིན་ཅང་ཧྲི་ཧོ་ཙིར་ཐོན་སྐྱེད་བྱས་ཏེ་རྩིས་སྤྲོད་བྱས། གནམ་གྲུ་འཕུར་བའི་ལྗིད་ཚད་ལ་ཏུན5.25དང་ཐེག་ཚད་ཆེ་ཤོས་ཏུན1.9ཡིན།
➤རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་ངོ་སྤྲོད་བྱས་པར་གཞིགས་ན། ཟླ3པ་ནས་བཟུང་རྒྱལ་ཡོངས་ཀྱི་གཞུང་གཉེར་སྨན་བཅོས་སྒྲིག་གཞིས་སྒོ་བསྟེན་སྨན་ཁང་གི་སྔོན་སྤྲོད་གྲོན་དངུལ་མེད་པར་བཟོ་རྒྱུ་དང་འབྲེལ་སྨན་ཁང་དུ་སྡོད་པའི་སྔོན་སྤྲོད་གྲོན་དངུལ་དེ་ནད་རིགས་གཅིག་མཚུངས་ཀྱི་སྨན་བཅོས་འགན་བཅོལ་གྱི་ནད་པ་མི་སྒེར་གྱིས་སྤྲོད་པའི་ཆ་སྙོམས་ཆུ་ཚད་དུ་དམའ་རུ་གཏོང་རྒྱུ་རེད།
➤ཐེན་ཅིན་གྱིས་བྱེད་ཐབས་རབ་དང་རིམ་པ་བཏོན་ནས་མཐོ་སློབ་ཀྱི་གསར་གཏོད་དང་ལས་གཏོད་ཀྱི་གསོན་ཤུགས་ལ་སྐུལ་སྤེལ་བཏང་བ་དང་། ཚན་རིག་ཞིབ་འཇུག་གི་གྲུབ་འབྲས་དང་གསར་གཏོད་གཉིས་ཀྱི་འགྲན་བསྡུར་བྱ་དགའ་ཐོབ་པ་སོགས་སློབ་གྲྭའི་དངོས་གཞིའི་ཚན་ཁག་གི་སློབ་མས་རྒྱུགས་ལེན་མི་དགོས་པར་ཞིབ་འཇུག་སློབ་མར་འོས་སྦྱོར་བྱེད་པའི་དམིགས་ཚད་མ་ལག་ནང་བཅུག་པ་ཁ་གསལ་བྱས།
➤ཀྲེ་ཅང་གིས་ལག་བསྟར་བསམ་འཆར་བཏོན་ནས་རྒན་པའི་བདེ་སྣང་ཆེ་རུ་གཏོང་བ་དང་སྡོད་ཁང་གི་སྤྱི་གསོག་མ་དངུལ་བླངས་ནས་སྡོད་ཁང་རྙིང་པར་གློག་སྐས་སྒྲིག་སྦྱོར་བྱེད་པར་རྒྱབ་སྐྱོར་བྱེད་པ་ཁ་གསལ་བྱས།
དེ་རིང་གི་གནམ་གཤིས།
ཡོང་ཁུངས། མཚོ་བྱང་ཁུལ་མི་དམངས་སྲིད་གཞུང་དྲ་བ།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་།
责编/冷公加
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
