ཟླ1པོའི་ཚེས19ཉིན་གྱི་ཕྱི་དྲོར། ཞིང་ཆེན་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གསུམ་པར་ཞུགས་པའི་མཚོ་བྱང་གི་འཐུས་མི་ཚོགས་པས་མཚོ་སྔོན་ཞིང་ཆེན་སྲིད་གཞུང་གི་བྱ་བའི་སྙན་ཞུར་གྲོས་ཞིབ་ནན་ཏན་བྱས།
འཐུས་མི་ལིའུ་ཁྲའོ་ཡིས་བཤད་རྒྱུར། ཧྲིན་ཀྲང་ཚབ་མ་ལུའོ་ཏུང་ཁྲོན་གྱིས་གནང་བའི་སྲིད་གཞུང་གི་བྱ་བའི་སྙན་ཞུའི་ནང་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་ཀྲུང་དབྱང་དཔལ་འབྱོར་བྱ་བའི་ཚོགས་འདུ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་བཅས་ཁྱོན་ཡོངས་ནས་ལག་བསྟར་བྱས་ཡོད་པ་དང་། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བརྒྱད་པའི་བཀོད་སྒྲིག་ནན་ཏན་གྱིས་དོན་འཁྱོལ་བྱས་ཏེ་གྲུབ་འབྲས་ཕྱོགས་སྡོམ་བྱས་པ་དངོས་ཐོག་བདེན་འཚོལ་ཡིན་པ་དང་། གནད་དོན་དབྱེ་ཞིབ་གཏིང་ཟབ་པ། དམིགས་འབེན་གཏན་འཁེལ་ཚན་རིག་དང་མཐུན་ཞིང་། ལས་འགན་བཀོད་སྒྲིག་གནད་འཁེལ་དོན་དངོས་ཡིན་པས་ཆབ་སྲིད་ཀྱི་མཐོ་ཚད་དང་འཕེལ་རྒྱས་ཀྱི་སྟོབས་ཤུགས། དམངས་འཚོའི་དྲོད་ཚད་བཅས་མངོན་ཞིང་། དར་ཆ་མཐོན་པོར་བསྒྲེངས་པ་དང་སེམས་ཤུགས་གཅིག་ཏུ་འདུས་པ། མི་རྣམས་ལ་འབད་བརྩོན་བྱེད་པར་སྐུལ་མ་ཐེབས་པའི་སྙན་ཞུ་ཡག་པོ་ཡིན་པས། ང་ཁྱོན་ཡོངས་ནས་མོས་མཐུན་ཡིན། གཅིག་ནས་འཕེལ་རྒྱས་ཀྱི་གྲུབ་འབྲས་ནི་ལས་སླ་མོ་ཞིག་མ་རེད། འདས་ཟིན་པའི་ལོ་གཅིག་གི་འཕེལ་རྒྱས་བརྒྱུད་རིམ་ནི་སྤྱིར་བཏང་མ་ཡིན་པ་ཞིག་རེད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སླར་ཡང་མཚོ་སྔོན་ལ་དངོས་སུ་རྟོག་ཞིབ་བྱས་པས་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པར་སྒུལ་ཤུགས་ཆེན་པོ་བསྣན་ཡོད། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞིང་ཆེན་ཡོངས་ཀྱི་རིགས་སོ་སོའི་ལས་བྱེད་པ་དང་མང་ཚོགས་ལ་མཐུན་སྒྲིལ་སྣེ་ཁྲིད་བྱས་ཏེ་དྲིན་དྲན་ཡར་བརྩོན་དང་དཔའ་སྐྱེད་མདུན་སྐྱོད་ཀྱིས་ནུས་ལྡན་གྱི་བྱེད་ཐབས་རབ་དང་རིམ་པ་སྤྱད་དེ་ཞིང་ཆེན་ཡོངས་ཀྱི་སྐྱེ་ཁམས་ཁོར་ཡུག་བརྟན་བརླིང་དུ་གཏོང་བ་དང་། དཔལ་འབྱོར་འཁོར་སྐྱོད་སྐྱོན་བྲལ་བརྟན་པོ་ཡོང་བ། བཅོས་བསྒྱུར་སྒོ་འབྱེད་རྒྱུན་མཐུད་གཏིང་ཟབ་ཏུ་གཏོང་བ། དམངས་འཚོ་འགན་སྲུང་ཏན་ཏིག་ངང་སྟོབས་ཆེར་གཏོང་བ། མི་རིགས་མཐུན་སྒྲིལ་མི་སེམས་ཀྱི་ཟབ་སར་འཇུག་པ། ཉེན་ཁ་སྔོན་འགོག་ནུས་ལྡན་ཡོང་བ་བཅས་བྱས་ཏེ་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་ལག་ལེན་ལ་སྲ་བརྟན་གྱི་གོམ་ཁ་གསར་བ་སྤོས་ཡོད། གཉིས་ནས་དམིགས་འབེན་དང་ལས་འགན་གྱིས་མི་རྣམས་ཀྱི་ཡར་བརྩོན་མདུན་སྐྱོད་ལ་སྐུལ་སློང་བྱས། སྲིད་གཞུང་གི་བྱ་བའི་སྙན་ཞུ་རྒྱལ་ཁབ་ཕྱི་ནང་གི་དུས་བབ་ཀྱི་འགྱུར་ལྡོག་གསར་པ་དང་འཚམ་པ་དང་། ཏང་ཀྲུང་དབྱང་གི་བཀོད་སྒྲིག་གསར་པ་དང་དམ་པོར་བསྟུན་ཡོད། མི་དམངས་མང་ཚོགས་ཀྱི་རེ་སྒུག་གསར་པ་མཐུན་ལ། ཞིང་ཆེན་ཡོངས་ཀྱི2025ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་ཚད་ལས་འགན་དང་གཙོ་གནད་བྱ་བར་བཀོད་སྒྲིག་བྱས་ཏེ། “སྔར་བས་གལ་ཆེན་བྱེད་པ་ལྔ”གསལ་པོར་བཏོན་པ་དང་ཕྱོགས་བདུན་གྱི་གཙོ་གནད་ལས་འགན་དངོས་ཐོག་བཀོད་སྒྲིག་བྱས་པ་དེ་མཚོ་སྔོན་འཕེལ་རྒྱས་ཀྱི་དོན་དངོས་དང་མཐུན་པ་རེད། ང་ཚོས་ཡིད་ཆེས་ཆེར་གཏོང་དང་དངོས་སྒྲུབ་བརྩོན་ལེན། འགག་སྒྲོལ་ཁྱད་གསོད། དཔའ་ངར་མདུན་སྐྱོད་ཀྱིས་སྲིད་གཞུང་གི་བྱ་བའི་སྙན་ཞུའི་ནང་གཏན་འཁེལ་བྱས་པའི་དམིགས་འབེན་དང་ལས་འགན་ཁག་ཕྱོགས་ཡོངས་ནས་ལེགས་གྲུབ་བྱས་ཏེ་ཧུར་བརྩོན་གྱིས་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་གྱི་ལེའུ་གསར་པ་འབྲི་དགོས་ཟེར།
འཐུས་མི་ཤ་བོ་སྐྱབས་ཀྱིས་བཤད་རྒྱུར། ཧྲིན་ཀྲང་ཚབ་མ་ལུའོ་ཏུང་ཁྲོན་གྱིས་ཚོགས་ཆེན་ལ་ཕུལ་བའི་སྲིད་གཞུང་གི་བྱ་བའི་སྙན་ཞུའི་ནང་བརྗོད་དོན་གསལ་ཞིང་ཕུགས་འདུན་རྒྱང་རིང་བ། གཞི་གྲངས་ལ་བརྟེན་ནས་སྐད་ཆ་བཤད་རྒྱུ་རྒྱུན་འཁྱོངས་དང་གྲུབ་འབྲས་ཕྱོགས་སྡོམ་བྱས་ནས་དངོས་ཐོག་བདེན་འཚོལ་དང་ཁྱོན་ཡོངས་ལྟ་ཞིབ། དུས་བབ་ལ་དབྱེ་ཞིབ་གཏིང་ཟབ་དང་གནད་ལ་འཁེལ་བ་ཡིན་པ། བྱ་བ་བཀོད་སྒྲིག་བྱེད་པའི་བསམ་ཕྱོགས་གསལ་པོ་དང་བྱེད་ཐབས་ནུས་ལྡན་ཡིན་པས་ཚད་མཐོ་ལ་གཏིང་ཟབ་པ། ཤུགས་ཆེ་བ། དྲོད་ལྡན་པའི་སྙན་ཞུ་ཡག་པོ་ཞིག་རེད། འདས་ཟིན་པའི་ལོ་གཅིག་ནང་། ཁུལ་ཡོངས་ཀྱི་གོང་འོག་ཚང་མས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། “243”འཕེལ་རྒྱས་ཀྱི་བཀོད་པ་སྒྲིག་འཛུགས་བྱ་རྒྱུར་དམིགས་ནས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས“སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་དང་རྒྱལ་སྤྱིའི་སྐྱེ་ཁམས་ཡུལ་སྐོར་གྱི་བྱ་ཡུལ་འཛུགས་པ། མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བ་བཅས་ཕྱོགས་གསུམ་གྱི་ཐད“ཞིང་ཆེན་ཡོངས་ཀྱི་མདུན་གྲལ་དུ་བསྐྱོད་པའི”ལས་འགན་གཏན་ཁེལ་བྱས་ཏེ་ཁུལ་ཡོངས་ཀྱི་རིགས་སོ་སོའི་ལས་བྱེད་པས་མང་ཚོགས་ལ་མཐུན་སྒྲིལ་སྣེ་ཁྲིད་བྱས་ཏེ་ནུས་ཤུགས་ཡོད་རྒུས་དཀའ་གནད་ཐག་གཅོད་དང་འཕེལ་རྒྱས་ཇུས་འགོད། དོན་འཁྱོལ་སྐུལ་འདེད་བཅས་བྱས་ནས“མཚོ་བྱང་ལྔའི”འཛུགས་སྐྲུན་ལ་གྲུབ་འབྲས་གསར་པ་ཐོབ་ཡོད། ཕྱིར་སོང་རྗེས། ང་ཚོས་སློབ་སྦྱོང་ཚོགས་འདུའི་དགོངས་དོན་མགྱོགས་མྱུར་བརྒྱུད་སྒྲོག་དང་སྲིད་གཞུང་གི་བྱ་བའི་སྙན་ཞུ་ཞིབ་འཇུག་གཏིང་ཟབ་བྱེད་པར་མ་ཟད། འཚོག་ལ་ཡོད་པའི་ཁུལ་གྱི“ཚོགས་ཆེན་གཉིས”ཐོག་ཁྱོན་ཡོངས་ནས་བཀོད་སྒྲིག་བྱས་ཏེ་སྙན་ཞུའི་ནང་བཏོན་པའི་ཐབས་ཇུས་བཀོད་སྒྲིག་སོ་སོ་མཚོ་བྱང་དུ་དོན་འཁྱོལ་བྱ་རྒྱུར་སྐུལ་འདེད་ཤུགས་ཆེན་གཏོང་རྒྱུ་ཡིན་ཟེར།
འཐུས་མི་ཀེ་ཝུན་ཕིང་གིས་བཤད་རྒྱུར། ང་སྲིད་གཞུང་གི་བྱ་བའི་སྙན་ཞུར་མོས་མཐུན་ཡིན། མྱོང་ཚོར་གསུམ་ཡོད་པ་སྟེ། གཅིག་ནས2024ལོའི་ཞིང་ཆེན་སྲིད་གཞུང་གི་བྱ་བས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་མཐའ་གཅིག་ཏུ་བྱས་ཡོད་དེ། རྒྱལ་ཡོངས་ཀྱི་ཁྱོན་ཡོངས་ཁྲོད་མཚོ་སྔོན་གྱི་གོ་གནས་གལ་ཆེན་སྔར་བས་གསལ་པོ་བྱུང་བ་དང་ཞིང་ཆེན་ཡོངས་ཀྱི་འཕེལ་རྒྱས་གཙོ་གནད་སྔར་བས་འབུར་དུ་ཐོན་པ། ཁ་ཕྱོགས་སྔར་བས་གསལ་བོ་བྱུང་བ་རེད། གཉིས་ནས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞིང་ཆེན་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཁྱད་ཆོས་ཟམ་མི་ཆད་པར་གཏིང་ཟབ་ཏུ་བཏང་སྟེ་འགག་སྒྲོལ་ཁྱད་གསོད་དང་བབ་བསྟུན་འགྱུར་བ། ཕྱོགས་བསྡུས་ཐབས་ཇུས་ལག་བསྟར་བཅས་བྱས་ཏེ་ལོ་འཁོར་གྱི་དམིགས་འབེན་དང་ལས་འགན་ཁག་ལེགས་འགྲུབ་ཡོང་བར་ནུས་ཤུགས་ཡོད་རྒུས་སྐུལ་འདེད་གཏོང་དགོས། གསུམ་ནས་ཞིང་ཆེན་སྲིད་གཞུང་གིས་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་འཕེལ་རྒྱས་བསམ་བློ་རྒྱུན་འཁྱོངས་བྱས། ནོར་སྲིད་ཆུང་བ་དང་དམངས་འཚོ་ཆེ་བ་རྒྱུན་འཁྱོངས་བྱས་ཏེ་ནོར་སྲིད་ཀྱིས་དམངས་འཚོའི་གཏོང་སྒོའི་བསྡུར་ཚད76%ཟིན་པས། མི་དམངས་མང་ཚོགས་ཀྱི་བྲེལ་དཀའ་སྡུག་སྨོན་གྱི་གནད་དོན་ཐག་གཅོད་ཏན་ཏིག་བྱས་ཡོད། 2025ལོ་ནི“ལྔ་བཅུ་བཞིའི”མཇུག་བསྡུས་པ་དང“ལྔ་བཅོ་ལྔའི”འཆར་འགོད་བཀོད་སྒྲིག་བྱེད་པའི་ལོ་ཡིན། སྙན་ཞུའི་ནང་གི་ཕྱོགས་བདུན་གྱི་བྱ་བ་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བའི་ཐད་བཏོན་པའི་བླང་བྱ་གལ་ཆེན་དང་མཐུན་ལ། དམིགས་ཚད། གནད་དོན། སྲིད་ཇུས། ཆོད་སེམས་བཅས་ཧ་ཅང་གསལ་བོ་རེད། ང་ཚོས་རྒྱལ་ཡོངས་ཞིང་ཆེན་ཡོངས་ཀྱི་དེང་རབས་ཅན་འཕེལ་རྒྱས་ཀྱི་དམིགས་འབེན་ལ་དམ་པོར་བལྟས་ནས་ནུས་ལྡན་མ་འཇོག་དང་ཚོང་འགུག་མ་འདྲེན་ལ་ཤུགས་བསྣན་ནས་སྒོ་འབྱེད་རྒྱ་ཆེར་བཏང་སྟེ་དམངས་འཚོ་དངོས་དོན་ཡག་པོ་སྒྲུབ་དགོས་ཟེར།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་།
原文来源/海北州人大常委会 图/祁连山报社记者 陈文年
责编/冷公加
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
