བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།
ལྟག་ཨོ་རྒྱན་ཆོས་འཕེལ་ནས།
དོན་དགུ།
བོད་ཁང་ལ་སྒེར་ཁང་ཁེ་རུ་མ་དང་། ཁང་པ་“ལག་སྦྲེལ་མ་”བཅས་གཉིས་ཡོད། སྒེར་ཁང་ལ་ཆེན་པོ་དང་ཆུང་ངུ་གཉིས། ཆེན་པོ་ནི་ཁང་ཆེན་གཅིག་ལ་ཁང་མིག་(ཁང་ཆུང་)དུས་མས་བསྒྲིགས་དང་སྤུངས་ནས་ཡོད་པ་ལྟ་བུ། ཁང་པ་ལག་སྦྲེལ་མ་ལ་“ལག་ལག་སྦྲེལ་”ཡང་ན་“ཁང་ལ་ཁང་སྦྲེལ་”ཟེར། དེ་ནི་དུད་ཁ་མང་པོའི་ཁང་པ་གྲལ་དུ་འཁོད་ཅིང་སྦྲེལ་ནས་ཡོད་པ་ཞིག་ཡིན། མི་ཚང་གཉིས་རེའི་བར་གྱི་གྱང་ངམ་“བར་རྟ་”ནི་གཅིག་ཡིན། སྔོན་ཚེ་གྲོང་སྡེ་ཁག་ཏུ་དེ་འདྲའི་ཁང་པ་སྦྲེལ་མ་ཡོད་པ་ནི་དགྲ་དོགས་ཀྱི་ཆེད་དུ་ཡིན་ཟེར། གང་ཞིག་གྲོང་ནང་དུ་དགྲ་ཇག་སོགས་བསླེབས་ན་མི་ཚང་རྣམས་ཀྱིས་བར་རྟ་ཕུག་ནས་འགྲོ་འོང་བདེ་བར་བྱེད་པ་དང་། མཉམ་དུ་དགྲ་ཇག་ལ་རྒོལ་བ་བཅས་སོ།།
བརྒྱད་ཅུ།
བོད་ཁང་ཚད་ལྡན་ཞིག་ལ་དགེ་མཚན་དུ་མ་ལྡན། དེ་དག་ལས་གཙོ་བོ་ཞིག་ནི་ཁང་པས་མི་མིན་གནོད་པ་དང་བགེགས་དང་“གཤེད་ལེན་པ་”དེ་ཡིན། དཔེར་ན། མི་ཞིག་ཚེ་ལས་འདས་ཟིན་པའི་གཤེད་ངན་སོགས་ཁང་པའི་ཀ་བ་དང་སྒོ་སོགས་ནས་ལེན་ཞིང་། དེ་ལས་ཁང་པའི་བདག་པོའི་སྐུ་ཚེ་སྲུང་བ། དེར་བལྟོས་ཁང་བཟང་ཞིག་ནི་ཁྱིམ་ཚང་གི་མི་ནོར་རྒྱུ་གསུམ་སྲུང་བའི་ཁྲབ་དང་རྨོག་དང་འདྲ་བའོ།།
གྱ་གཅིག
བོད་ཁང་ལ་ཁ་རྒྱུན་དུ་“མགོ་ཚང་ས་”ཞེས། དེའི་དོན་ནི་“མགོ་འཇོག་ས་”ཞེས་ཆར་ཆུ་དང་ཁ་བས་མགོ་ལུས་མི་བརླན་པར་འགོག་ཐུབ་པ་ལ་ཟེར། གང་ལྟར་ཁང་པ་ཞིག་ཡོད་ན་སྤྱི་ཚོགས་སུ་མི་ཚད་དང་མི་ཡི་རིན་ཐང་ལོན་པའི་བརྡ་དང་། ཁང་པ་མེད་ན་མགོ་ཚང་ས་མེད་པས། ཤིན་ཏུ་ཐབས་ཆག་པའི་ཡུལ་དུ་གྱུར་བ་ཡིན་ནོ།།
གྱ་གཉིས།
རྒྱུན་པར་བོད་ཁང་གི་གསང་སྤྱོད་ནི་ཁང་པའི་རྒྱབ་དུ་ཡོད། གཞན་ཁང་པའི་གློ་ཟུར་དུ་རྒྱག་སྲོལ་ཡང་ཡོད། དེ་ནི་“ཁང་རྒྱབ་”གསང་སྤྱོད་ཀྱི་ས་ལ་འཇོག་ཅེས། དེ་ནི་ཁང་པ་ཞིག་ལ་བལྟོས་པའི་“གསང་བ་སྦ་ཤེས་”དགོས་པའི་དོན་ནོ།།
གྱ་གསུམ།
གདོན་དང་གནོད་པ་དང་བགེགས་ཀྱི་རིགས་ཐམས་ཅད་རྒྱ་སྒོ་ནས་ཡོང་བ་ཡིན་ཕྱིར། བོད་ཁང་གི་སྒོ་ཐོད་ལ་སྲུང་རྫས་སྣ་ཚོགས་པ་འདོགས་སྲོལ་ཡོད། དཔེར་ན། གཤེད་དང་བླ་འཁྱམས་འགོག་བྱེད་དུ་སྒོ་ཐོད་ལ་“སླེ་བོ་”དང་“ཁྲོལ་ཚགས་”འདོགས་པ། མི་ཁ་བཟློག་བྱེད་དུ་“ཟོར་ར་”དང་། འདྲེ་གདོན་འགོག་བྱེད་དུ་“སྲུང་འཁོར་”དང་“ཕྱག་རྒྱ་”དང་། ནད་གདོན་སོགས་གདོན་རིགས་འགོག་པར་ཤིང་“འོམ་བུ་”འདོགས་པ། གནོད་པ་སྣ་ཚོགས་འགོག་པར་“ཕྱག་པ་”“བཞབ་པ་”འདོགས་པ་བཅས་དང་། ཡུལ་ལུང་འགའ་ཞིག་ཏུ་འདྲེ་གདོན་འགོག་པར་“མེ་ལོང་”འདོགས་མཁན་ཡང་ཡོད་དོ།། དགེའོ།། …མུ་འགོད།
「往期回顾」
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༡༷་་་་༡༦
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༡༧་་་་༡༩
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༢༠་་་་༢༤
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༢༥་་་་༣༠
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༣༡་་་་༣༥
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༣༦་་་་༤༠
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༤༡་་་་༤༥
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༤༦་་་་༥༠
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༥༡་་་་༥༣
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༥༤་་་་༥༨
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༥༩་་་་༦༣
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༦༤་་་་༦༨
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༦༩་་་་༧༣
བོད་ཁང་གི་ཤེས་བྱ་བརྒྱ་རྩ་མ་བཞུགས་སོ།། ༧༤་་་་༧༨
微信号｜耷艺术空间
视频号｜耷艺术空间
