བྱིས་པར་སྟེར་མི་རུང་བའི་བཟའ་བཏུང་རིགས་འགའ།
01
➤➤➤
ཆང་དང་ཆང་བཅུད（酒精）འདྲེས་པའི་ཟས་རིགས།
བྱིས་པའི་མཆིན་པའི་དུག་སེལ་ནུས་པ་བལྟོས་བཅས་ཀྱིས་ཞན་པོ་ཡོད་པས། གལ་ཏེ་ཆང་འཐུང་བའམ་ཡང་ན་བཏུངས་དྲགས་ན་མཆིན་པར་གནོད་ནས་དྲན་པ་ཐོར་བ་སོགས་ཀྱི་ནད་རྟགས་ལྕི་པོ་ཐོན་སྲིད། ལོ་3མན་གྱི་བྱིས་པར་དེ་བས་གནོད་འཚེ་ཆེ་བ་དང་། གནས་ཚུལ་ཚབས་ཆེ་རིགས་ལ་ཀླད་པར་སྐྱོན་རྒྱག་པའམ་ཡང་ན་འཆི་བའི་ཉེན་ཁ་ཡོད།
02
➤➤➤ཇའི་རིགས།
ལོ་6མན་གྱི་བྱིས་པས་ཇ་འཐུང་རྒྱུ་མེད། གང་ལགས་ཤེ་ན། ཇའི་ནང་གི་ཀོག་ཧྥེ་རྒྱུ（咖啡因）སོགས་ཀྱིས་ཕྲུ་གུའི་དབང་རྩའི་མ་ལག་ལ་གནོད་དེ་གཉིད་ཁུག་ཁག་པོར་འགྱུར་གྱི་ཡོད། གཞན་ཡང་། ཇའི་ནང་གི་ཏན་ཉིང་སྐྱུར（鞣酸）གྱིས་འཇུ་བྱེད་མ་ལག་གི་འབྱར་སྐྱི་འཁུམ་སྲིད།
03
➤➤➤སྦྲང་རྩི།
ལོ་1མན་གྱི་ཕྲུ་གུས་སྦྲང་རྩི་བཟས་ན་འཚམ་པོ་མེད། གང་ལགས་ཤེ་ན། སྦྲང་རྩི་ནི་དུག་སེལ་བྱེད་དཀའ་བའི་ཟས་རིགས་ཤིག་ཡིན་པས། ཕྲུ་གུས་སྦྲང་རྩི་བཟས་ན་རྒྱུ་ལམ་དང་ནད་འགོག་མ་ལག་ལ་གནོད་པ་མ་ཟད། ཕྲུ་གུའི་དབང་རྩ་དང་དབུགས་ལམ་མ་ལག་སོགས་ཀྱི་བྱེད་ནུས་ཀྱང་ཤོར་སྲིད་པས། དེ་ནི་ཕྲུ་གུའི་ཚེ་སྲོག་དང་ཐད་ཀར་འབྲེལ་བ་ཡོད།
04
➤➤➤ བ་དམ་སོགས་མཁྲེགས་འབྲས（坚果）རིགས།
ཕྲུ་གུའི་མིད་པ་རྦད་དེ་ཡག་པོ་འཚར་མེད་པས། མཁྲེགས་འབྲས་ཀྱི་པགས་པས་མིད་པ་འགག་སླ་པོ་ཡོད།
05
➤➤➤འོ་བཟོས་ཟས་རིགས་དང་ཐུད་ཟས།
འོ་བཟོས་ཟས་རིགས་དང་ཐུད་ཟས（糕点）གཅིག་ནས་འཇུ་སླ་པོ་མེད་པས་ཕོ་རྒྱུར་གནོད་པ་དང་། ཕྱོགས་གཞན་ཞིག་ནས་ཕྲུ་གུས་ཟ་དུས་མིད་པ་འགག་ནས་དབུགས་གཏོང་ཁག་པོར་འགྱུར་གྱི་ཡོད་པས། ཡག་ཤོས་བྱུང་ན་ལོ་3མན་གྱི་ཕྲུ་གུར་ཐུད་ཟས་སོགས་སྟེར་རྒྱུ་མེད།
06
➤➤➤ཚྭ་ལྡན་སྔོ་ཚལ་སོགས་བསྙལ་ཟས་ཀྱི་རིགས།
བསྙལ་ཟས（腌制品）རིགས་མང་པོའི་ནང་ཚྭ་མང་པོ་བརྒྱབ་ཡོད་པས། ཕྲུ་གུའི་མཁལ་མར་གནོན་ཤུགས་ཆེན་པོ་བྱུང་ནས། ཕྱིས་སུ་ཕྲུ་གུར་ཁྲག་ཤེད་མཐོ་བ་སོགས་ཀྱི་ནད་ཕོག་སྲིད་པ་མ་ཟད། བསྙལ་ཟས་རིགས་འགའ་ཞིག་ལ་ཚྭ་སྐྱུར་ཕལ་པ་མང་པོ་ཡོད་པས། དེ་ལས་སྐྲན་ནད་ཕོག་སླ་པོ་ཡོད།
07
➤➤➤སྟོབས་སྐྱེད་བཏུང་བྱ།
སྟོབས་སྐྱེད་བཏུང་བྱ（功能饮料）སྤྱིར་བཏང་མི་དར་མའམ་ཡང་ན་ལུས་རྩལ་པ་སོགས་དམིགས་བསལ་གྱི་མི་ཚོགས་ཀྱིས་འགུལ་སྐྱོད་དྲག་པོ་བྱས་པ་དང་རྔུལ་ཆུ་མང་པོ་ཐོན་རྗེས་བཏུངས་ན་འཚམ་པོ་ཡོད། བྱིས་པར་གོང་གི་ཆ་རྐྱེན་དེ་དག་འཛོམས་མེད་པས་བྱིས་པས་བཏུངས་ན་ཡག་པོ་མེད།
