انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 9 - ايدىڭ 29 - كۇنى تۇستەن بۇرىن ءماجىلىس اشتى، ءماجىلىس جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ جانە باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا جانە مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا، ايدى بارلاۋ ينجەنەرياسى چاڭى - 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى، باس شۋجي شي جينپيڭنىڭ ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن بەرگەن ماڭىزدى نۇسقاۋىنىڭ، بۇكىل ەلدەگى قالىڭ شارۋالارعا جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستارعا جولداعان سالەمىنىڭ رۋحىن مۇقيات ۇيرەندى، دايەكتىلەندىردى، ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ قازىرگى ەكونوميكالىق جاعدايعا جاساعان تالداۋىمەن، تۇجىرىمىمەن جانە الداعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا ورتالىق كوميتەتىنىڭ تالاپتارىن تياناقتاندىرىپ، شينجياڭنىڭ ءىس جۇزىندىك جاعدايىمەن ۇشتاستىرىپ، تۇتاس جىلدىق ەكونوميكالىق، قوعامدىق دامۋ نىسانا - مىندەتتەرىن باتىل ورىنداۋ كەرەك. دامۋ سەنىمىن بەكەمدەپ، مەملەكەتتىڭ ساياسات، شارالارىنان ويداعىداي پايدالانىپ، جەرگىلىكتى ساياسات، شارالاردىڭ باعىتتامالىعى مەن ونىمدىلىگىن جوعارىلاتىپ، ساياساتتى تياناقتاندىرۋدىڭ ”ەڭ سوڭعى ءبىر كيلومەترىن“ ىركىلىسسىزدەندىرۋگە ءۇرتىس كۇش سالۋ كەرەك. نازاردى ءتۇيىندى سالالارعا شوعىرلاندىرىپ، شەشۋشى بۋىنداردى يگەرىپ، ارتىقشىلىقتاردى اسىرۋعا، ولقىلىقتاردى تولىقتاۋعا كۇش سالىپ، ءتۇيىندى نىساندارعا قارجى قوسىپ قۇرىلىس جۇرگىزۋدى جەدەلدەتىپ، سىرتقى ساۋدانىڭ بەلسەندى جاعدايىن بەكەمدەپ، كەڭەيتىپ، قالا، اۋىلدىڭ تۇتىنۋىن ورنىقتىرۋ جانە كەڭەيتۋ كەرەك. حالىق تۇرمىسىن قامتاماسىز ەتۋ سەرپىنىن ارتتىرىپ، ءتۇيىندى قاۋىمنىڭ جۇمىستانۋىن ويداعىداي يگەرىپ، حالىق تۇرمىسىنا ساياتىن ناقتى ىستەردى كۇش سالا ويداعىداي تىندىرىپ، قازىنانىڭ باياندىلىعىن كۇشەيتىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن بەكەمدەۋ، ناقتىلاندىرۋ كەرەك. ءار دارەجەلى باسشى كادرلار، اسىرەسە، پارتكومدارداعى، ۇكىمەتتەردەگى نەگىزگى جاۋاپتى جولداستار جاۋاپكەرشىلىك سەزىم مەن كوكەي تەستىلىك سەزىمدى كۇشەيتىپ، ەكونوميكالىق جاعدايعا جانە ءتۇيىندى ماسەلەلەرگە دەر كەزىندە دالمە - ءدال تۇجىرىم جاساپ، ادام تاڭداۋدىڭ، ادام ىستەتۋدىڭ باعدار كورسەتكىشىن ويداعىداي ورناتىپ، قالىڭ پارتيا مۇشەلەرىن، كادرلاردى باتىلدىقپەن جاۋاپكەرشىلىك ارقالاۋعا، باتىلدىقپەن جاڭالىق اشۋعا جەتەكتەپ، ەكونوميكانىڭ ءۇرتىس قايتا ورلەۋىن، جاقسارۋىن ىلگەرىلەتۋى كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ءتۇسىنىپ، باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، دۇرىس ساياسي بەتالىسقا تاباندى بولىپ، پارتيا باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالىق ۇشتاسۋىنا تاباندى بولىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ كەرەك. نازاردى شينجياڭنىڭ رەفورما، دامۋ، ورنىقتىلىق ىستەرىندەگى ءتۇيىندى، قيىن، قولامتالى ماسەلەلەرگە شوعىرلاندىرىپ، كورنەكتى ساياسي ابزالدىلىقتى ساۋلەلەندىرىپ، ناقتى ىستەپ، جاۋاپكەرشىلىك ارقالاپ، مىندەت اتقارىپ، جاۋاپكەرشىلىك وتەپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ دەڭگەيىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە جۇرت تىلەگىن اناعۇرلىم ويداعىداي ۇيىستىرىپ، كۇش - قۋات توپتاۋ كەرەك. ءار دارەجەلى پارتكومدار ساياسي كەڭەس قىزمەتىنە باسشىلىقتى كۇشەيتۋى، ءار دارەجەلى ساياسي كەڭەس پارتيا باسشىلىق گرۋپپالارى بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ويداعىداي ساۋلەلەندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ساياسي كەڭەستەگى ءتۇرلى قۇرىلىسىن جاپپاي ىلگەرىلەتىپ، تاماشا ساياسي ەكولوگيا قالىپتاستىرۋى كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ يگەرىپ، شينجياڭنىڭ ۇلت قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، جۇڭحۋا ۇلتى ورتاق تۇلعا قۇرىلىسىنا شينجياڭ ۇلەسىن قوسۋ كەرەك. پارتيا باسشىلىعىنا باستان - اياق تاباندى بولىپ، ۇلتتاردىڭ ىنتىماقتاسا كۇرەس جۇرگىزۋ ورتاق يدەيالىق - ساياسي نەگىزىن ۇزدىكسىز بەكەمدەۋ كەرەك. شىنايى مويىنداۋدى كۇشەيتۋدى نىسانا ەتە وتىرىپ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، جۇڭحۋانىڭ تاڭداۋلى ءداستۇرلى مادەنيەتىن بار كۇشپەن اسقاقتاتىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ، كەڭەيتۋ قىزمەتىن ناقتى ىستەپ، ءار ۇلت بۇقاراسىنىڭ ”بەستى شىنايى مويىنداۋىن“ ءۇرتىس كۇشەيتۋ كەرەك. كىرىكپەلى قالا - قالاشىقتاندىرۋ قۇرىلىسىن جەدەل ىلگەرىلەتىپ، ءار ۇلت بۇقاراسىنىڭ ارالاسۋىنىڭ، ىشتەسۋىنىڭ، توعىسۋىنىڭ اياسى مەن تەرەڭدىگىن كەڭەيتۋ كەرەك. دامۋدا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، ۇلتتاردىڭ جۇڭگو ۇلگىسىندەگى وسىزامانداندىرۋ قۇرىلىسىنىڭ جەتىستىكتەرىنەن بىرگە يگىلىكتەنۋىن ىلگەرىلەتۋ كەرەك. ۇلت ىستەرىن زاڭ بويىنشا باسقارۋدى شينجياڭدى جاپپاي زاڭمەن باسقارۋ قىزمەتى جالپى جاعدايىنا ەنگىزىپ، ۇلت ىستەرىن باسقارۋ قابىلەت دەڭگەيىن جوعارىلاتۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋ ءتۇزىم - مەحانيزمىن اقاۋسىزداندىرىپ، وزات تيپتەردىڭ ۇلگىلىك، جەتەكشىلىك رولىن ساۋلەلەندىرىپ، تۇتاس قوعامدا ۇلت قىزمەتىنە كوڭىل بولەتىن، قولداۋ كورسەتەتىن تاماشا راي قالىپتاستىرۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ايدى بارلاۋ ينجەنەرياسى چاڭى - 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، دارىندىلاردى دامىتۋ قورىنان ويداعىداي پايدالانىپ، جاڭالىق اشۋ بايلىعىن اناعۇرلىم زور سەرپىنمەن توپتاپ، عىلىم - تەحنيكا جاسامپازدىق قابىلەتىن جوعارىلاتىپ، شينجياڭنىڭ جوعارى ساپالى دامۋىنا جەتەكشىلىك ەتۋ، دەم بەرۋ كەرەك.
ءماجىلىس مىنالاردى باسا دارىپتەدى: ورتالىق پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن باس شۋجي شي جينپيڭ ارناۋلى ماڭىزدى نۇسقاۋ بەرىپ، ماڭىزدى تالاپتار قويىپ، باس شۋجيدىڭ جانە پارتيا ورتالىق كوميتەتىنىڭ شينجياڭ قىزمەتىنە كوڭىل بولەتىندىگىن، قامقورلىعىن جانە شينجياڭنىڭ كادرلار قوسىنىنا ايرىقشا ءمان بەرەتىندىگىن تولىق ايگىلەدى. شينجياڭ كادرلارىن تاربيەلەۋ - باۋلۋ قىزمەتىن كۇشەيتۋدىڭ ماڭىزدىلىعىن تەرەڭ تانىپ، شينجياڭ كلاسى سىندى دانەكەردەن شىن مانىندە ويداعىداي پايدالانىپ، باۋلۋ جوسپارىن عىلمي جاساپ، كۋرسانتتاردى تاڭداۋدى مۇقيات ويداعىداي ىستەپ، ادال، كىرشىكسىز، جاۋاپكەرشىلىك ارقالايتىن اناعۇرلىم كوپ جوعارى ساپالى ءار ۇلت كادرلارىن باۋلۋ، جەتىلدىرۋ كەرەك. شينجياڭداعى ءار دارەجەلى پارتيا مەكتەپتەرىنىڭ (اكىمشىلىك شۋەيۋان) كادرلاردى تاربيەلەۋ - باۋلۋ ساپاسىن ونان ارى جوعارىلاتىپ، ءبىر تۇتاس جوسپارلاپ ورنالاستىرۋدى كۇشەيتىپ، ءتاسىلدى، ءادىستى جاڭالاپ، ءار ۇلت كادرلارىنىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەرلەردەن ساقتانۋ جانە ونى جويۋ قابىلەتىن، كۇرەسكەرلىك رۋحىن جانە كۇرەس جۇرگىزۋ قابىلەتىن ۇزدىكسىز كۇشەيتۋ كەرەك. كادرلار قوسىنى قۇرىلىسى قىزمەتىن جۇيەلى، ۇزاق بولاشاقتى كوزدەي وتىرىپ جوسپارلاپ، ادام ىستەتۋدىڭ ايقىن باعدارىن ورناتىپ، ءار دارەجەلى پارتيا، ۇكىمەت باسشىلىق القالارىنا، اسىرەسە، ءبىرىنشى باسشىلىققا ۇزدىكتەردى تاڭداپ، مىقتىلاردى ورنالاستىرىپ، كادرلاردىڭ شينجياڭ ءىشى - سىرتىندا اۋىس - كۇيىس جاساۋ مەحانيزمىن كەمەلدەندىرىپ، كورىكتى شينجياڭدى اناعۇرلىم ويداعىداي قۇرۋعا اناعۇرلىم پارمەندى كادر - دارىندىلار تىرەگىن ازىرلەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ 7 - رەتكى جۇڭگو شارۋالار مول ءونىم مەرەكەسى قارساڭىندا جولداعان سالەمىنىڭ رۋحىن ىشكەرىلەي ۇيرەنىپ، ءتۇسىنىپ، اۋىل شارۋاشىلىعى، اۋىل - قىستاق، شارۋالار قىزمەتىن جاپپاي، جۇيەلى ويداعىداي يگەرۋ كەرەك. كۇزگى جيىن - تەرىن، كۇزگى جەر جىرتۋ، كۇزگى ەگىس قىزمەتىن تىڭعىلىقتى ويداعىداي ىستەپ، استىقتىڭ ءونىمىن ورنىقتىرۋدى، ءونىمىن ارتتىرۋدى جانە ماڭىزدى اۋىل شارۋاشىلىعى ونىمدەرىمەن حاۋىپسىز، ورنىقتى قامداۋدى تيتتەي دە بوساڭسىماي مىقتى يگەرىپ، اۋىل شارۋاشىلىعى كاسىپ سالاسى تىزبەگىن ءۇرتىس كەڭەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ ءتۇرلى شاراسىن تياناقتاندىرىپ، شارۋالاردىڭ كىرىسىن ارتتىرۋ ارناسىن ءۇرتىس كەڭەيتىپ، اۋىل - قىستاقتىڭ جاپپاي گۇلدەنۋىن پارمەندى، ءونىمدى ىلگەرىلەتۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ قىزمەتىن اناعۇرلىم قاتاڭ تالاپپەن، اناعۇرلىم زور سەرپىنمەن ىلگەرىلەتىپ، ماسەلەنى شەشۋدى باعدار ەتىپ، جاۋاپكەرشىلىكتى تاعى دا ناقتىلاندىرۋدى، دەلو بىتىرۋدەن تاعى دا قامال الۋدى، وڭاۋدى تاعى تەرەڭدەتۋدى، رەفورمانى تاعى دا ىلگەرىلەتۋدى، قۋزاۋ - جەتەكشىلىك ەتۋدى تاعى دا كۇشەيتە ءتۇسۋدى جەبەپ، بۇقارانىڭ اڭىسى كۇشتى كورنەكتى ماسەلەلەردى ءۇرتىس تۇزەتىپ، بۇقارا سەزىپ بىلە الاتىن، حالىق تۇرمىسىنا ساياتىن ناقتى ىستەردى تىندىرىپ، بۇقارانىڭ مۇددەسىن قورعايتىن ۇدايىلانعان ۇزاق ۋاقىتتىق ءونىمدى مەحانيزم قالىپتاستىرۋ كەرەك.
ءماجىلىس مىنالاردى باسا دارىپتەدى: مەملەكەت مەرەكەسى دەمالىسى تاياپ قالدى، جەر - جەر، تاراۋلار ”ءاردايىم قام جەپ تۇراتىن“ جاۋاپكەرشىلىك سەزىمدى شىن مانىندە كۇشەيتىپ، تومەنگى شەكتە ويلاۋ، ەڭ جوعارى شەكتە ويلاۋ ارقىلى ءتۇرلى سالاداعى ەلەۋلى حاۋىپ - قاتەرلەردەن ساقتانۋ جانە ونى جويۋ قىزمەتىن ويداعىداي ىستەۋى كەرەك. ورنىقتىلىقتى ماڭداي الدى ورىنعا قويۋعا، ساقتىق دابىلىن ۇزاق ۋاقىت قاعۋعا، ۇنەمى ساقتاندىرۋعا تاباندى بولىپ، ”ءۇش ءتۇرلى كۇشكە“ زاڭ بويىنشا قاتاڭ سوققى بەرۋ تەگەۋىرىندى كۇيىن ساقتاپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدىڭ، ۇدايىلاندىرۋدىڭ ءتۇرلى شارالارىن تياناقتاندىرىپ، ەگجەي - تەگجەيلىلەندىرىپ، جاڭا جۇڭگو قۇرىلعاندىعىنىڭ 75 جىلدىعىنا حاۋىپسىز، ورنىقتى ساياسي قوعامدىق ورتا قالىپتاستىرۋ كەرەك. ءوندىرىس حاۋىپسىزدىگى تومەنگى شەگىن بەرىك ساقتاپ، قالىپسىز اۋا رايى مەن ءتۇرلى اپاتتاردان الدىن الا مالىمەت بەرۋ، ساقتاندىرۋدى كۇشەيتىپ، كومىرلى القاپ، كەن، جول - قاتىناس، ساياحات كورىنىس ءوڭىرى سياقتى ءتۇيىندى سالالارداعى حاۋىپسىزدىك كومەسكى كىناراتتارىن ءبىر - بىردەن تەكسەرۋدى، جويۋدى كورنەكتى تۇردە ويداعىداي يگەرىپ، ەلەۋلى، ەرەكشە، ءىرى ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك.
