དབྱངས་ཀྱི་རྒྱལ་མོར་ཕུལ་བའི་ཚིག་གི་མེ་ཏོག་སིལ་མ།
• འཚོ་སྨན་མ།
མ་བཅོས་བྱད་གཟུགས་ལྷ་ལས་ལྷག་པ་བས། །
མཆུ་སྒྲོས་མཚལ་ལྟར་དམར་བའི་སྒེག་ཆོས་ཅན། །
དབྱངས་ཀྱི་རྒྱལ་མོ་ཚངས་པའི་སྲས་མོ་མཆོག །
སྒོ་གསུམ་སྤྲོ་བ་དང་བཅས་གུས་པས་འདུད། །
ཞལ་འཛུམ་ལྷ་ལམ་ཡངས་པའི་མཁའ་ངོགས་སུ། །
བརྩེ་ཆེན་ཉི་ཟླའི་འོད་དཀར་རབ་བཀྲ་ཞིང་། །
གཟུགས་སྐུ་ཨུཏྤལ་ལ་ཡི་འཛུམ་དཀར་གྱིས། །
མངར་ཁའི་སྦྲང་རྩི་བཅུད་བཟང་བུང་བར་འཇོ། །
སྨིན་ལེཌ་མེ་ཏོག་ཆུན་འཕྱང་དཔྱིད་དཔལ་ལྷ་ཡི་མོ། །
ལེགས་བཤད་ནོར་ཕྲེང་དོ་ཤལ་རབ་རྒྱན་པའི། །
ཟླ་དཀྱིལ་པདྨའི་གདན་སྟེང་ཌཱ་ཀི་མའི། །
བྱད་བཟང་སྤྱན་ཡངས་སྙན་གསང་གར་སྟབས་འབྱིངས། །
མཁྱེན་བརྩེ་ཟླ་ཟེར་འཛུམ་པའི་འོད་དཀར་ཅན། །
མཚན་དཔེ་ཁོ་ལག་རྫོགས་པའི་དབྱངས་ཕྱུཌ་མ། །
ཡངས་པའི་ས་ཆེན་གྲཌ་པའི་གདངས་དབྱངས་ཤིག །
མཁའ་ཀློང་ངོགས་སུ་དར་དིར་སྒྲོགས་ཤིག་ཀྱེ། །
གང་གི་གསང་གསུམ་ལྗོན་པའི་ཡལ་འདབ་ལས། །
ཟགས་པའི་བཅུད་ལྡན་རཀྟའི་མར་གྱི་འཕྱོ། །
མོས་ལྡན་སྙིང་གའི་དབུས་དེར་ལེགས་ཕེབས་པའི། །
སྒོ་གསུམ་དྲི་མའི་གོས་པ་དག་གསལ་ལོ། །
ཞལ་བཟང་སྤྲིན་དཀར་དགོད་པོའི་ལྡིང་ཁང་དུ། །
ཆུ་ཤེལ་དབང་པོའི་མཆེད་ཡ་གསལ་བའི་མཁར། །
གདུལ་བྱའི་འདོད་དོན་སྒྲུབ་མཁན་དབང་ཕྱུག་མའི། །
དགོས་འདོད་ཀུན་ནས་སྩོལ་བའི་གཏེར་གྱི་མཛོད། །
སྙན་ངག་རིག་བྱེད་ཚིག་གི་བློ་སྒོ་ཡངས། །
མི་ཉམས་བཀྲ་ཤིས་དབྱངས་ཀྱི་མེ་ཏོག་བཞད། །
གང་ཐུགས་ལྷ་ལམ་ཡངས་པའི་པད་ཚལ་དུ། །
མི་ཕྱེད་གདངས་དབྱངས་འགྱུར་ཁུག་རྟེན་དུ་འབུལ།
ཞལ་དཀར་མཛེས་འཛུམ་འཇོ་སྒེག་གཡེར་བག་ཅན། །
ཉམས་འགྱུར་མཛེས་པའི་གར་སྟབས་ལིང་ལིང་བསྒྱུར། །
སྙན་པའི་ངག་དབྱངས་སྒྲ་སྐད་དི་རི་རི། །
རྨད་བྱུང་ཚངས་སྲས་མཛེས་ལྡན་དཔྱིད་དཔལ་མ།
2023/3/8 ཉིན།
དོ་དམ་པའི་སྒེར་འཕྲིན།
1924226187
བརྩམས་ཆོས་བསྐུར་ཡུལ་གྱི་ཡིག་ཟམ། 16222785500.com
སྤྱིའི་འགན་ལེན་པ། *པད་དཀར་བསྟན་འཕེལ།
