༡༠\༢༥
ༀ་སྭ་སྟི།
དུས་གསུམ་སངས་རྒྱས་སྐུ་གསུང་ཐུགས། །
དབྱེར་མེད་བླ་མ་དམ་པའི་ཞབས་ལ་འདུད། །
མཆོག་དང་ཐུན་མོང་དངོས་གྲུབ་འབྱུང་བའི་གནས། །
བླ་མའི་དུས་ཐབས་བསྟེན་ཕྱིེར་དེ་ཉིད་ཀྱི། །
སྐུ་གསུང་ཐུགས་ཀྱི་གསང་བ་སྒྲུབ་པའི་ཐབས། །
རབ་ཏུ་གུས་པས་བདག་བྱིན་བརླབ་པ་བཤད། །
ལྷག་བསམ་རྣམ་དག་རིན་ཆེན་བྱང་ཆུབ་སེམས། །
རྣམ་གཉིས་དབྱེར་མེད་ཟབ་མོའི་གོ་བགོས་ཏེ། །
རང་བཞིན་རྣམ་དག་རྒྱལ་བའི་དཀྱིལ་འཁོར་ནས། །
རྩ་བའི་བླ་མ་བཅོམ་ལྡན་བསྟན་པའི་གཙོ། །
དུས་གསུམ་སངས་རྒྱས་བྱང་ཆུབ་སེམས་དཔའ་དང་། །
བརྒྱུད་པའི་ཚོགས་བཅས་མཁའ་ལ་སྤྱན་དྲངས་ཏེ། །
སེང་གེ་པདྨ་ཉི་མ་ཟླ་བ་ལ། །
སངས་རྒྱས་རོལ་པ་རྣམ་པར་བཞུགས་པར་བསྒོམ། །
བདུན་པོ་དག་བྱ་ལུས་དང་ལོངས་སྤྱོད་དབུལ། །
བདག་ཉིད་རྣམ་དག་དབྱེར་མེད་གསོལ་བ་གདབ། །
རྣམ་གསུམ་སྐྱབས་འགྲོ་གུས་པའི་གསང་སྔགས་བརྗོད། །
འཛིན་པ་གསུམ་བྲལ་དབྱེར་མེད་གྱུར་པར་བསམ། །
དེ་ནས་ནམ་མཁའི་སྤྲུལ་པའི་ལྷ་ཚོགས་རྣམས། །
བདག་ཉིད་ལ་ཐིམ་ཡི་དམ་ལྷར་གྱུར་པའི། །
ཐུགས་ཀྱི་དཀྱིལ་འཁོར་ཆུ་སྐྱེས་རྣམ་རྒྱས་ཤིང་། །
ཉི་མ་ཟླ་བ་རོལ་པའི་གདན་སྟེང་དུ། །
ཡིད་བཞིན་ནོར་བུ་བླ་མ་དམ་ནི། །
མརྣམ་པར་སྣང་མཛད་འོད་ཟེར་རབ་འབར་བ། །
དེ་ཉིད་གནས་གསུམ་ཉི་ཟླ་པདྨའི་སྟེང། །
སྐུ་གསུང་ཐུགས་ཀྱིས་དེ་ཉིད་གསུམ་བཀོད་ནས། །
སྐུ་གསུམ་ལས་བྱུང་དེ་ཉིད་འོད་ཟེར་གྱིས། །
ཁམས་གསུམ་རྣམ་དག་དབྱེར་མེད་སྐུ་ཐོབ་ནས། །
དེ་ཉིད་ལ་ཐིམ་འོད་ཀྱི་དཀྱིལ་འཁོར་དུ། །
མི་འབྲལ་ཏིང་འཛིན་སྐུལ་བྱེད་གསང་སྔགས་བརྗོད། །
ཨོཾ་ཨཱཿགུ་རུ་བཛྲ་རཱ་ཛ་ཧཱུྃ་སྭཱ་ཧཱ།
དོན་དམ་བློ་འདས་སེམས་ཉིད་ཆོས་ཀྱི་སྐུ། །
གདོན་ནས་རྣམ་དག་མ་སྐྱེས་འདུས་མ་བྱས། །
རང་བཞིན་འོད་གསལ་ལྷུན་གྲུབ་དེ་བཞིན་ཉིད། །
གློ་བུར་རྟོག་པའི་དྲི་མས་མ་བསླད་ཅིང་། །
མི་རྟོག་ཟག་མེད་བདེ་ཆེན་ཞི་བའི་ངང་། །
བསྒོམ་བྱ་སྒོམ་བྱེད་རྩོལ་བ་རྣམས་སྤངས་ཏེ། །
འབད་མེད་ཆེན་པོ་མ་བཅོས་ལྷུག་པར་བཞག །
བརྗོད་བྲལ་དབྱེར་མེད་ཕྱག་རྒྱ་ཆེན་པོ་ནི། །
སྐུ་གསུམ་དབྱེར་མེད་བླ་མ་དམ་པ་སྟེ། །
དེ་ནི་བདུད་དང་ཉོན་མོངས་ལས་རྒྱལ་ཞིང་། །
དཔག་མེད་ཡོན་ཏན་རྒྱ་མཚོའི་བདག་ཉིད་དེ། །
སྒྲུབ་མཆོག་བླ་ན་མེད་པ་རྒྱལ་བས་བཤད། །
བླ་མའི་སྒྲུབ་ཐབས་མོས་གུས་གསལ་བྱེད་འདི། །
དྲི་མེད་དགེ་སློང་རྡོ་རྗེ་རྒྱལ་གྱིས་བཀོད། །
སྐུ་གསུམ་དབྱེར་མེད་འབྲས་བུ་མངོན་གྱུར་ནས། །
ཕྲིན་ལས་འོད་ཀྱིས་དུག་གསུམ་མུན་སེལ་ཤོག །
བླ་མའི་སྒྲུབ་ཐབས་ཕག་མོ་གྲུ་པས་མཛད་པ་རྫོགས།། །།ཤུ་བྷཾ།།
ཕག་
གྲུ་
ལྔ་
མཆོད།
༡༠\༢༥
སྐལ་ལྡན་གདུལ་བྱ་མང་པོ་སྨིན་མཛད་ཅིང་།།
བསམ་གྱི་མི་ཁྱབ་ཆོ་འཕྲུལ་སྣ་ཚོགས་བསྟན།།
འགྲོ་མགོན་རིན་པོ་ཆེ་ལ་ཕྱག་འཚལ་ལོ།།
ཕག་གྲུའི་ལྔ་མཆོད་དང་འབྲེལ་བའི་ཕག་གྲུའི་སྐུ་གཤེཊ་པའི་དུས་ཚོད།
ཕག་གྲུའི་སྨོན་ལམ། མཁན་ཆེན་བསྟན་པ་རབ་རྒྱས་ཀྱིས་འཆད།
ཕག་གྲུའི་སྐུ་གཤེགས་པའི་དུས་ཚོད།
ཕག་མོ་གྲུ་པའི་ལྔ་མཆོད་ལ་ཕུལ་བའི་བསྟོད་ཚིག
འཕྲིན་ཕྲན། 1924226187
扫描二维码
关注更多精彩
