12-ايدىڭ 4-كۇنى، ءتىلشى التاي قاناس ءسۇت كاسىبى شەكتى سەرىكتەستىگى (تومەندە قىسقارتىلىپ قاناس ءسۇت كاسىبى دەلىنەدى) ءوندىرىس سەحىنىڭ قاربالاس جاعدايىن كوردى، باكتەرياسىزداندىرۋ، قوراپتاۋ قاتارلى ءتۇرلى جۇمىس تارتىبىنەن وتكەن سوڭ ءسۇت ونىمدەرى اۆتوكولىككە تيەلىپ، بۇكىل ەلدىڭ جەر-جەرىنە جونەلتىلدى، قاراپايىم دا ۇعىنىقتى تۇسىندىرمەسى جازىلعان، ءدامى ءتىل ۇيىرەتىن، قورەكتىگى مول ءتۇرلى ءسۇت ونىمدەرى تۇتىنۋشىلاردىڭ قارسى الۋىنا بولەنۋدە.
التاي قاناس ءسۇت كاسىبى شەكتى سەرىكتەستىگى ءوندىرىس زاۆود باستىعى جاڭ حۇڭشيا بىلاي دەدى: ”جىل باسىنان قازىرگە دەيىن ساتىلىم جالپى سوماسى 49 ميلليون يۋاننان استى. سيىر ءسۇت تالقانى، تۇيە ءسۇت تالقانىنىڭ ءوندىرىس مولشەرى جەكە-جەكە 19 توننا، 41 تونناعا جەتتى. سونىمەن بىرگە، سەرىكتەستىكتىڭ ءتۇرلى ونىمدەرى ەلەكتروندىق ساۋدا تەكشەسى ارقىلى جەلىدە ساتىلىپ، بازاردىڭ مويىنداۋىنا يە بولدى“.
قاناس ءسۇت كاسىبى التاي قالاسىنىڭ قىزىلتاس قالاشىعىنا ورنالاسقان، ءسۇت ونىمدەرى مەن اۋىل شارۋاشىلىق قوسىمشا ونىمدەرىن مانەرلەۋ، ءوندىرۋ، ساتۋ، سونداي-اق ولشەمدەنگەن مال فەرماسى قۇرىلىسىن ءبىر تۇلعالاندىرعان حالىقتىق كاسىپورىن، بۇل سەرىكتەستىك ءوندىرۋ، مانەرلەۋ تۇتاس كاسىپ تىزبەگىن ءبىر تۇلعالاندىرعان اينالىم ۇلگىسىن قولدانۋدا.
قاناس ءسۇت كاسىبى ىلگەرىندى-كەيىندى قىزىلتاس قالاشىعى مەن ءابيتان قالاشىعى قاتارلى جەرلەردەن ءسۇت بەكەتتەرىن قۇرىپ، شيكىزاتتىڭ تازا،جاڭا بولۋى مەن قامداۋ مولشەرىنە كەپىلدىك ەتتى، سونىمەن بىرگە بۇل سەرىكتەستىك ءسۇت تالقانىن تەز ەرىتۋ تەحنولوگياسى مەن تولىق اۆتوماتتى قوراپتاۋ تەحنيكاسىنان پايدالانىپ وندىرگەن ءسۇت تالقانى، ءسۇت شاي تالقانى، تۇيە ءسۇت تالقانى شينجياڭ ىشىندە ءوتىمدى بولىپ قالماستان، بۇكىل ەلدىڭ جەر-جەرىندە ساتىلىپ، ”قاناس“ ماركاسىنا ”شينجياڭنىڭ داڭقتى تاۋار ماركاسى“ اتاعى بەرىلىپ، سەرىكتەستىك ”اۆتونوميالى رايوندىق اۋىل شارۋاشىلىعىن كاسىپ سالالاندىرۋداعى ءتۇيىندى كوشباسشى كاسىپورىن“ بولىپ باعالاندى.
التاي قاناس ءسۇت كاسىبى شەكتى سەرىكتەستىگى ءوندىرىس زاۆود باستىعى جاڭ حۇڭشيا بىلاي دەدى: ءبىز ”ساپانى ماڭداي الدى ورىنعا قويۋ، تۇتىنۋشىلاردى الدىمەن ويلاستىرۋعا“ باستان-اياق تاباندى بولىپ، ءونىم ساپاسى مەن ءوندىرىس تەحنيكالىق دەڭگەيىن ۇزدىكسىز جوعارىلاتىپ، ءوندىرىس ساپاسى وتكەلىن قاتاڭ يگەرىپ، التايدىڭ ساپالى ءسۇت ونىمدەرىن بۇكىل ەلدىڭ جەر-جەرىنە ساتۋعا كۇش سالامىز.
来源：雪都嘟/阿勒泰地区融媒体中心
记者：古丽娜/文 阿尔达克·拜斯汗/图
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
