قارىز اقشا تياناقتاندى

12-ايدىڭ 3-كۇنى ءتىلشىنىڭ جۇڭگو حالىق بانكەسىنىڭ التاي ايماقتىق بولىمشە بانكەسىنەن ۇعىسۋىنشا، تاياۋدا، جۇڭگو ونەركاسىپ- ساۋدا بانكەسى شەكتى جارنا سەرىكتەستىگىنىڭ التاي بولىمشە بانكەسى عىلىم-تەحنيكادا جاڭالىق اشۋ تيپىندەگى كاسىپورىن — شينحۋا بۋىرشىن سۋ تارتۋ، ەنەرگيا ساقتاۋ، ەلەكتر تاراتۋ شەكتى جاۋاپكەرشىلىك سەرىكتەستىگىنە نىساننىڭ العاشقى مەرزىمدىك قارىز اقشاسىنان 57 ميلليون 220 مىڭ يۋان بەرگەن. بۇل قارىز اقشا التاي ايماعىنىڭ عىلىم- تەحنيكادا جاڭالىق اشۋعا جانە تەحنيكانى جاڭالاۋعا بەرىلەتىن تۇڭعىش ۇستەمە قارىز اقشاسى بولىپ، كاسىپورىنداردىڭ جاسىل دامۋىنا تىڭ ومىرشەڭدىك كۇش قوسادى.

شينجياڭ بۋىرشىن سۋ تارتىپ ەنەرگيا ساقتاۋ ەلەكتر ستانسياسىنىڭ قۇرىلىس نىسانى مەملەكەتتىڭ «سۋ تارتىپ ەنەرگيا ساقتاۋىنداعى ورتا، ۇزاق مەرزىمدىك دامۋ جوباسىنا (2021 — 2035-جىل)» ەنگىزىلدى. بۇل ”14-بەسجىلدىقتان“ بەرى، شينجياڭدا تۇڭعىش رەت تەكسەرىپ بەكىتىلگەن سۋ تارتىپ ەنەرگيا ساقتاۋ ەلەكتر ستانسياسى بولىپ، بۇل قارىز اقشانىڭ تاراتىلۋى كاسىپورىندى دەر كەزىندە جەتكىلىكتى ”فينانستىق قولداۋمەن“ قامداپ، نىساننىڭ ءساتتى ىلگەرىلەۋىن پارمەندى قولدادى.

شينجياڭ بۋىرشىن سۋ تارتىپ ەنەرگيا ساقتاۋ ەلەكتر ستانسياسىنىڭ نىسان ديرەكتورى جيا شۇيكۇن بىلاي دەدى: بۇل قارىز اقشا نىساننىڭ قارجى قۇراۋ قىسىمىن بارىنشا جەڭىلدەتتى. نىساننىڭ ساپاسىنا، سانىنا كەپىلدىك ەتە وتىرىپ ورىنداپ، ەرتەرەك وندىرىسكە قوسىلىپ، جۇمىس جۇرگىزىپ، ايماقتىڭ جاسىل كاسىپ سالاسىنىڭ دامۋىنا وزىندىك ۇلەس قوساتىندىعىنا سەنەمىز.

ۇعىسۋعا قاراعاندا، مەملەكەتتىڭ جاڭا كەزەكتى كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ جونىندەگى شەشىمدەرى مەن ورنالاستىرۋىن ونان ارى تياناقتاندىرىپ، عىلىم-تەحنيكالىق كاسىپورىندار مەن نىسانداردى سەنىمدى قارىز جاعىنان قولداۋ تەبىنىن ارتتىرۋ ءۇشىن، بيىل 4-ايدا جۇڭگو حالىق بانكەسى كوپتەگەن تاراۋلارمەن بىرلەسىپ، عىلىم-تەحنيكادا جاڭالىق اشۋعا جانە تەحنيكانى جاڭالاۋعا بەرىلەتىن ۇستەمە قارىز اقشا ساياساتىن شىعارعان. ساياسات شىققاننان كەيىن جۇڭگو حالىق بانكەسىنىڭ التاي ايماقتىق بولىمشە بانكەسى عىلىم-تەحنيكالىق كاسىپورىنداردىڭ ءتۇيىندى مىندەتتەرىنەن قامال الۋىنا فينانستىق قولداۋ كورسەتۋ قيمىلىن لەزدە ۇيىمداستىرىپ، رەفورمالاۋ-دامۋ، قاتىناس، ونەركاسىپ جانە ينفورماتسيالاندىرۋ، عىلىم-تەحنيكا قاتارلى جەرگىلىكتى كاسىپتىك باسقارۋشى تاراۋلارعا، سونداي-اق فينانس قۇرىلىمدارىنا باستاماشى بولىپ، عىلىم-تەحنيكادا جاڭالىق اشۋعا جانە تەحنيكانى جاڭالاۋعا بەرىلەتىن ۇستەمە قارىز اقشا قىزمەتىن ىلگەرىلەتۋ ءماجىلىسىن اشىپ، كوپتەگەن تاراۋلارمەن بىرلەسىپ، عىلىم-تەحنيكا، فينانس قىزمەتىن تىڭعىلىقتى ىستەۋ جوباسىن باسىپ تاراتتى. تاراۋلار مەن بانكەلەر ارا سايكەسۋ، بىرلەسىپ رەتتەۋ قىزمەت تۇعىرىن ورناتۋ ارقىلى كاسىپورىنداردىڭ نىسان تىزىمدىگىن سارالاۋدا ”ىرىقتى تۇردە الدىن الا ورنالاستىرىپ“، فينانس قۇرىلىمدارىنا نىسان تىزىمدىگىن دەركەزىندە جەتكىزىپ وتىردى ءارى ءتۇيىلىسۋ جاعدايىن دەر كەزىندە قاداعالاي باقىلاپ، عىلىم-تەحنيكادا جاڭالىق اشۋعا جانە تەحنيكانى جاڭالاۋعا بەرىلەتىن ۇستەمە قارىز اقشانىڭ ايماقتا تياناقتانۋىن ءونىمدى ىلگەرىلەتتى.

جۇڭگو حالىق بانكەسى التاي ايماقتىق بولىمشە بانكەسىنىڭ ورىنباسار باستىعى يە شياۋميڭ بىلاي دەدى: كەلەسى قادامدا، ايماقتىق كاسىپتىك باسقارۋشى تاراۋلارمەن قارىم-قاتىناستى، سايكەسۋدى ۇزدىكسىز كۇشەيتىپ، قىزمەت مەحانيزمىن ساپالىلاندىرىپ، ۇكىمەت، بانكە، كاسىپورىنداردىڭ ۇشتاسۋىن كۇشەيتىپ، فينانس قۇرىلىمدارىنىڭ عىلىم-تەحنيكادا جاڭالىق اشۋعا جانە تەحنيكانى جاڭالاۋعا بەرىلەتىن ۇستەمە قارىز اقشا ساياساتىنان تولىق، ويداعىداي پايدالانۋىنا جەتەكشىلىك ەتەمىز. سونىمەن بىرگە، اناعۇرلىم كوپ فينانس بايلىعىن عىلىم-تەحنيكادا جاڭالىق اشۋ سالاسىنا قاراي ويىستىرىپ، قاراستى رايوننىڭ جاڭاشا وندىرگىش كۇشتەردى دامىتۋ مەن ەكونوميكانىڭ جوعارى ساپالى دامۋىن اناعۇرلىم پارمەندى فينانستىق قولداۋمەن قامدايمىز.