12-ايدىڭ 6-كۇنى التاي ايماعى مەملەكەتتىك ۇلتتار ىنتىماعى العاباسارلىعىنداعى ۇلگىلى ۋاكىلدەردىڭ ىزگى ىستەرىنەن ۇگىت-لەكسيا بايانداما ءماجىلىسىن وتكىزدى. ايماقتىق پارتكومنىڭ مۇشەسى، بىرلىكساپ ءبولىمىنىڭ باستىعى سەرىك قابىكەن ۇلى ءماجىلىستى باسقاردى.
ماجىلىستە 9-ايدىڭ 27-كۇنى باس شۋجي شي جينپيڭنىڭ مەملەكەتتىك ۇلتتار ىنتىماعىنداعى العاباسارلاردى ماداقتاۋ-سيلاۋ جينالىسىنداعى ماڭىزدى ءسوزىنىڭ رۋحىن جەتكىزدى، ۇيرەندى. ماجىلىستە مەملەكەتتىك ۇلتتار ىنتىماعى العاباسارلىعىنداعى وزات جەكە اتاعىن العان ءانيپا ءالماحۇن، ماتىنبەك مۇراتقان ۇلى، حۋ يۇڭجۇن، گۇلميرا داۋلەت قىزى، چىن گاڭلياڭ قاتارلى 5 ۋاكىل، ۇگىت-لەكسيا جاساۋشى وزدەرىنىڭ ۇلتتار ىنتىماعى العاباسارلىعى ىستەرىن جەبەۋدەگى ىزگى ىستەرى مەن شىنايى اسەرىن باياندادى.
ماجىلىستە مىنالار باسا دارىپتەلدى: وسى رەتكى ۇگىت-لەكسيانى وراي ەتىپ، مەملەكەتتىك ۇلتتار ىنتىماعىنداعى العاباسارلاردى ماداقتاۋ-سيلاۋ جينالىسىنىڭ رۋحىن جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا كۇش سالىپ، ۇدايىلانعان ۇگىت-لەكسيا تاربيەسى مەحانيزمى مەن جاعدايىن قالىپتاستىرىپ، ءار ۇلت بىرگە مۇراگەرلىك ەتكەن جۇڭحۋانىڭ تاڭداۋلى ءداستۇرلى مادەنيەتىن كورىپ جانە اشىپ، جۇڭحۋا ۇلتى ورتاق تۇلعا حيكاياسىن اسەرلى ويداعىداي بايانداپ، التايدىڭ جاقسى ءۇنىن تاراتۋ كەرەك. ايماقتاعى ءار ۇلت كادرلارى مەن بۇقاراسى ماداقتالىپ-سيلانعان ۇلگىلى جەكەلەردى ۇلگى ەتىپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى-ءتۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، سانالى تۇردە مەملەكەتتىڭ تۇتاستىعىن، ۇلتتار ىنتىماعىن جانە قوعام ورنىقتىلىعىن قورعاۋشى، ۇلتتاردىڭ ارالاسۋىن، ىشتەسۋىن، توعىسۋىن جەبەۋشى، جۇڭحۋا ۇلتى ورتاق تۇلعا تانىمىن بەكەمدەۋدىڭ امالياتتا ايگىلەۋشىسى بولىپ، جۇڭگو ۇلگىسىندەگى وسىزامانداندىرۋدىڭ التاي تاراۋىن قۇلشىنا جازۋعا ۇلەس قوسۋ كەرەك.
گاۋ جىگو، باقىت ينايات ۇلى، حى تيانپيڭ، ۋاڭ يۇن، سەرىك ماقات ۇلى، ەربولات بايقادان ۇلى قاتارلى ايماقتىڭ ءتورت باسشىلىق القاسىنىڭ باسشىلارى، باس حاتشى، ورىنباسار باس حاتشىلار، ايماقتىق ورتا دارەجەلى حالىق سوت مەكەمەسىنىڭ، ايماقتىق بولىمشە پروكۋراتۋرانىڭ نەگىزگى جاۋاپتى جولداستارى؛ ايماقتىق پارتكومنىڭ بولىمدەرىنىڭ، كوميتەتتەرىنىڭ، كەڭسەلەرىنىڭ، ايماققا توتە قاراستى كوميتەتتەردىڭ، كەڭسەلەردىڭ، مەكەمەلەردىڭ، حالىقتىق ۇيىمداردىڭ، كاسىپورىن، ءىس ورىندارىنىڭ، التايدا تۇراتىن ورىنداردىڭ نەگىزگى باسشىلارى؛ ايماققا توتە قاراستى ورتا-باستاۋىش مەكتەپ وقىتۋشىلارىنىڭ ۋاكىلدەرى؛ بيڭتۋان 10-شى بىرلىكساپ ءبولىمىنىڭ قاتىستى جولداستارى ايماقتىڭ نەگىزگى ءماجىلىس مايدانىندا ماجىلىسكە قاتىناستى. ۇگىت-لەكسيا بايانداما ءماجىلىسى بەينە ەكران فورماسىندا اۋداندارعا (قالاعا) دەيىن اشىلدى.
来源：雪都嘟/阿勒泰地区融媒体中心
记者：常轶茹 王宽 实习记者：彭林海
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
