11-ايدىڭ 4-كۇنى ءتىلشىنىڭ «تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمىنداعى تاڭداۋلى كونسەرت نومىرلەرىنىڭ تىزىمدىگىن جاريالاۋ جونىندەگى حابارلاندىرۋدان» ۇعىسۋىنشا، التاي ايماعى تاڭداپ جىبەرگەن حالىقتىق مۋزيكا تۇرىندەگى دومبىرامەن ورىندالاتىن «قارا جورعا» مەن حالىقتىق ءان-كۇي تۇرىندەگى قازاق ۇلتىنىڭ داستانى «التاي تولعاۋى» ءساتتى تۇردە تاڭدالعان.
التاي ايماعىنان ەكى تۋىندىنىڭ تاڭدالۋى ۇزاق ۋاقىتتان بەرى بۇقارالىق ادەبيەت-كوركەمونەر سالاسىندا قاجىرلىلىقپەن ەڭبەكتەنگەن كوركەمونەر اۋەسكەرلەرىنە بەرىلگەن ەڭ تاماشا قارىمجى. ولار تارتىمدى ونەرىمەن التاي ايماعىنىڭ باي مازمۇندى، كوپ نەگىزدى كوركەمونەر مادەنيەتى مەن وزگەشە تارتىمدىلىعىن ايگىلەدى.
«داپ شالىپ، ءان شىرقايىق» اتىنداعى تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمى — اۆتونوميالى رايون ورىستەتكەن ماڭىزدى حالىقتىق مادەنيەت قيمىلى، مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى، شينجياڭ ءوندىرىس-قۇرىلىس بيڭتۋانى بىرلەسىپ ۇيىمداستىرعان. مۇنداعى ماقسات — حالىقتىق كوركەمونەر كونسەرت نومىرلەرىن سارالاۋ، كورمەلىك قويىلىم، ارالاپ كونسەرت قويۋ قاتارلى تاسىلدەر ارقىلى شينجياڭ حالىقتىق ادەبيەت كوركەمونەر اۋەسكەرلەرىن، بۇكىل ەلدەگى حالىقتىق كوركەمونەر ۇيىرمەلەرىن، كاسىپتىك ادەبيەت كوركەمونەر ۇيىرمەلەرىن قاتىناسۋعا جۇمىلدىرىپ، نەگىزگى ساتىداعى بۇقارانى وزدىگىنەن مادەنيەت قيمىلدارىن كەڭ كولەمدە وتكىزۋگە باستاۋ، شينجياڭداعى ءار ۇلت بۇقاراسىنىڭ رۋحاني مادەنيەت تۇرمىسىن ونان ارى بايىتىپ، ءار ۇلت مادەنيەتىنىڭ ارالاسۋىن، ىشتەسۋىن، توعىسۋىن كۇشەيتىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى بەكەمدەۋ.
ۇعىسۋعا قاراعاندا، ”داپ شالىپ، ءان شىرقايىق“ اتىنداعى تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمىنداعى كونسەرت نومىرلەرى 3 كەزەك سارالانىپ، نازاردى حالىقتىق مۋزيكا، حالىقتىق ءبي جانە حالىقتىق ءان-كۇي سىندى 3 ۇلكەن تۇرگە شوعىرلاندىرعان. حالىقتىق مۋزيكا ءان مۋزيكاسى جانە اسپاپتىق مۋزيكا سىندى ەكى ۇلكەن ءتۇردى قامتىسا، حالىقتىق ءبي، ءان-ءبي، مۋزيكالى ءبي، بۇقارالىق ءبي قاتارلىلاردى قامتيدى. ال، حالىقتىق ءان-كۇي قيسا-داستان، ءان-كۇي، كومەديا قاتارلىلاردى قامتيدى.
来源：雪都嘟/阿勒泰地区融媒体中心
记者：董世菊
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
