قىستا جىلۋمەن قامداۋداعى ماسەلەلەر رەتتەلدى

انار بۇلت \ شينجياڭ گازەتىنىڭ ءتىلشىسى ۋاڭ يايۇن 12-ايدىڭ 8-كۇنى ۇرىمجىدەن حابارلايدى. 11-ايدىڭ باسىندا شينجياڭ قالا، اۋىل تۇرعىندارىن قىستا جىلۋمەن قامداۋداعى كورنەكتى ماسەلەلەردى رەتتەۋ-وڭاۋدى باستاعاننان بەرى، ءۇي ءىشى تەمپەراتۋراسى ولشەمگە جەتپەۋ، جىلۋمەن قامداۋ قۇرىلعىلارى بۇزىلۋ سياقتى بۇقارانىڭ حال-جايىنا، مۇڭ-مۇقتاجىنا ساياتىن كورنەكتى ماسەلەلەردى ۇزدىكسىز رەتتەپ-وڭادى. قازىرگە دەيىن تۇتاس رايونداعى جىلۋمەن قامداۋ سالاسىنداعى كورنەكتى ماسەلەلەردى رەتتەۋ-وڭاۋ سالىستىرماسى %90تەن استى.

قىستا جىلۋمەن قامداۋ — ماڭىزدى حالىق تۇرمىسى ينجەنەرياسى، سان مىڭداعان وتباسىنا سايادى، بۇقارانىڭ مۇددەسىنە، حالىق تۇرمىسى ۇلى جوسپارىنا قاتىستى. قيمىل ورىستەتىلگەننەن بەرى، اۆتونوميالى رايوننىڭ تۇرعىن ءۇي جانە قالا، اۋىل قۇرىلىسى تاراۋلارى كاسىپتەردى باقىلاۋ-باسقارۋ ورىندى بولماۋ، جىلۋمەن قامداۋ قۇرىلعىلارىنىڭ جۇمىس جۇرگىزۋىن باسقارۋ جۇيەلى بولماۋ، بۇقارانىڭ جىلۋمەن قامداۋ جونىندەگى ارىز-ارمانى كوپ بولۋ، ۋاعىندا شەشىلمەۋ، اۋىل-قىستاق جىلۋمەن قامداۋ قۇرىلعىلارىن ورناتۋ، پايدالانۋ تياناقتى بولماۋ سياقتى ماسەلەلەردى اداقتاپ تەكسەرىپ، رەتتەپ- وڭاپ، ارىز-ارمان تاراۋلارىمەن جانە 12345 ۇكىمەتتىك قىزمەت وتەۋ ىستىق لەنياسى سياقتى تۇعىرلارمەن سايكەستى بىرلەسىپ قيمىلداپ، بۇقارا اڭىس ەتكەن كورنەكتى ماسەلەلەردى كوپ ارنامەن جيناپ، ولقىلىقتاردى تولىقتاپ، ءالسىز تۇستاردى كۇشەيتىپ، ماڭىزدى ءتۇيىندى يگەرىپ، ءار ۇلت بۇقاراسىنىڭ قىستان جىلى وتۋىنە شىنايى كەپىلدىك ەتتى.

جەر-جەر جىلۋمەن قامداۋ كاسىپورىندارىنىڭ ءوندىرىس حاۋىپسىزدىگى نەگىزگى تۇلعالىق جاۋاپكەرشىلىگىن قاتاڭ تياناقتاندىرۋىن قۋزاپ، جىلۋ قۇبىرى تورى، پەش، جىلۋ اۋىستىرۋ پۋنكتى، جىلۋ كۇشى قۇدىعى سياقتى ءتۇيىندى ورىنداردى تەكسەرۋدى، رەمونتتاۋدى، قورعاۋدى مۇقيات ويداعىداي ىستەپ، ”اقاۋ بار“ جاعدايدا جۇمىس جۇرگىزۋىن تەجەدى. ءتۇيىندى بۋىنداردىڭ حاۋىپسىزدىگىن باقىلاۋ-باسقارۋدى كۇشەيتىپ، كۇندەلىكتى باسقارۋ ءتۇزىمىن اقاۋسىزداندىرىپ، رەمونتشى قىزمەتكەرلەردى جانار گازدان، ەلەكتردەن پايدالانۋ حاۋىپسىزدىگى بىلىمدەرى جانە جۇمىس شەبەرلىگى بويىنشا باۋلۋدى كۇشەيتتى. شەكتى كەڭىستىكتە جۇمىس جۇرگىزۋ قاعيدا ءتۇزىمىن جانە جۇمىس جۇرگىزۋ ءتارتىبىن كەمەلدەندىرىپ، جىلۋمەن قامداۋ تورىن شارلاپ تەكسەرۋ تەبىنىن زورايتىپ، قۇبىردىڭ كونەرۋى، جابدىقتاردىڭ بوساۋى سياقتى جاعدايلاردى اداقتاپ تەكسەرىپ، رەتتەپ، وڭاپ، ”اسىپ توگىلۋ، تامشىلاۋ، اعۋ“ ماسەلەلەرىنىڭ تۋىلۋىن تەجەپ، جىلۋمەن قامداۋ قۇبىرىنىڭ جارىلۋ جاعدايىنىڭ تۋىلۋىن تىزگىندەدى.

سونىمەن بىرگە، جەر-جەر تاعى بولمەگە كىرىپ تەمپەراتۋرا ولشەۋ سياقتى ”حالىقتى ارالاپ حال-جاعدايىن ۇعىسۋ“ قىزمەتىن ۇزدىكسىز ورىستەتىپ، الەۋمەتتىك ارىز-شاعىمدى ءبىر جاقتى ەتۋ ارناسىن ىركىلىسسىزدەندىردى، جىلۋمەن قامداۋ كاسىپورىندارى 24 ساعاتتىق قاريدارلارعا قىزمەت وتەۋ ىستىق لەنياسىن اشىپ، جىلۋمەن قامداۋ جۇيەسىنە زەردەلىلەنگەن سەزۋ قۇرىلعى جابدىعىن ورناتۋدى ورنىقتى ىلگەرىلەتتى. جىلۋمەن قامداۋداعى توسىن شىرعالاڭدارعا شۇعىل توتەپ بەرۋ جوباسىن كەمەلدەندىرىپ، قۇتقارۋ، كومەكتەسۋ، قاتەردەن اراشالاۋ جۇيەسىن اقاۋسىزداندىرىپ، شۇعىل جوندەۋ كولىكتەرى جانە اسپاپتار، جابدىقتار سياقتى شۇعىل جاعدايعا توتەپ بەرۋ زاتتىق بايلىعىن ويداعىداي دايىنداپ، مەرزىمدى ۋاقىت بويىنشا شۇعىل جاعدايعا توتەپ بەرۋ جاتتىعۋىن ورىستەتىپ، ءتۇرلى توسىن شىرعالاڭعا جولىققاندا دەرەۋ جاۋاپ قايتارۋعا، دەر كەزىندە ءبىر جاقتى ەتۋگە شىنايى كەپىلدىك ەتتى.

ۇعىسۋعا قاراعاندا، 2024-جىلدان 2025-جىلعا دەيىنگى جىلۋمەن قامداۋ مەزگىلىندە تۇتاس رايونداعى قالا-قالاشىقتاردىڭ شوعىرلى جىلۋمەن قامداۋ كولەمى 600 ميلليون شارشى مەتردەن اسقان. اۆتونوميالى رايوننىڭ قالا-قالاشىقتاردى جىلۋمەن قامداۋ كاسىپورىندارىنىڭ سەنىمدىلىگىن باعالاۋ، باسقارۋ ءادىسى بويىنشا، وسى جىلۋمەن قامداۋ مەزگىلىندەگى جىلۋمەن قامداۋ كاسىپورىندارىنىڭ جۇمىس جۇرگىزۋ، قىزمەت وتەۋ جاعدايى سەنىمدىلىك باعالاۋىنا ەنگىزىلەدى ەكەن.