قۇلشىنعانعا قۇت ءۇيىر

بۇرشاقباي ادال ۇلى ءوزىنىڭ ءومىر جولىن جاستىق شاق جانە ازاماتتىق  كەزەڭ دەپ ەكىگە ءبولدى. جاستىق شاعىندا ول شىڭگىل اۋدانىنداعى شاعىن قىستاقتا، وقۋدان سىرتقى ۋاقىتتارىندا ۇيىندەگىلەرگە كومەكتەسىپ، ءشوپ شاۋىسىپ، مال باعىساتىن.

ازاماتتىق كەزەڭىندە، ول مەملەكەت دارەجەلى ۇزدىك اۋىل شارۋاشىلىعى، ورمان شارۋاشىلىعى دارىندىلارىن تاربيەلەۋ، باۋلۋ جوسپارى رەفورماسىنىڭ سىناق ءتۇيىنى بولعان مەكتەپتە ءبىلىم الدى. مەكتەپ تاۋىسقان سوڭ ءبىر جىلعا جەتپەي، مەملەكەتتىك جۇڭگوشا ءشوپ ءدارى ۇلگىلى كاسىپورنىنا جۇمىسقا قابىلداندى. بۇرشاقبايدى پىسىپ-جەتىلدىرگەن ءبىلىمنىڭ كۇشى.

11-ايدىڭ 26-كۇنى، كۇن ۇياسىنا كىرسەدە، شىڭگىل لانسىلي ءدارى-دارمەك شەكتى سەرىكتەستىگى ءوندىرىس سەحىنىڭ شىراعى  ءالى سونبەدى. بۇرشاقباي ادال ۇلى جۇمىس كيمىن كيىپ، زاۆود ماشيناسىن بار زەيىنىمەن جۇرگىزۋدە، ونىڭ جانارىنان مۇقياتتىلىقپەن پەن سەنىمدىلىكتى اڭعارۋعا بولادى. بۇل قاراماققا قاراپايىم ءبىر كورىنىس بولعانىمەن، ءبىر جاس جىگىتتىڭ تىڭ  ءومىر جولىن باستاعان حيكاياسى. ءدارى-دارمەك زاۆودىنىڭ ءوندىرىس سەحىنا جاۋاپتى بولعان جىگىتتىڭ كەزىندە قاراپايىم قويشى ەكەنىن كوپ ادام بىلمەيدى.

بۇرشاقباي ادال ۇلىنىڭ ءۇيى شىڭگىل اۋدانى اقدالا قالاشىعىندا. بۇل جەر بۇرىن جان سانى سيرەك قونىستانعان قۇبا ءتۇز بولاتىن. سول كەزدە ونىڭ ويىندا تەك  وقۋ مەن جۇمىس ىستەۋ  عانا بولدى. وقۋدان باسقا كەزدە، ول ءار كۇنى تاڭ بوزىنان تۇرىپ، ءشوپ شاۋىپ، قوي باعىپ، قاراڭعى تۇسكەندە بارىپ دەمالاتىن، بۇنداي تۇرمىس ءبىرسارىندى بولعانىمەن، ونىڭ ءبىلىم الۋى مەن سىرتقى دۇنيەگە دەگەن تالپىنىسى توقتاعان جوق .

2016-جىلى، شىڭگىل اۋدانى اقدالا قالاشىعى باسقا جەرگە كوشىرىپ وتىرىقتاندىرۋدىڭ ءتۇيىنى بولىپ، ارحيۆ تۇرعىزىلىپ كارتوچكالانعان 852 كەدەي  وتباسىن قازىرگى وسى جەرگە كوشىرۋدى تۇراقتاندىردى. بۇرشاقباي ادال ۇلىنىڭ وتباسى وسىلاردىڭ ءبىرى ەدى. وتباسىندا ءوندىرىس-قۇرال جابدىعى كەمشىل بولۋدان باقىتتى تۇرمىس كەشىرۋگە دەيىن ول ءبىلىمنىڭ تاعدىردى وزگەرتەتىندىگىنە كامىل سەندى.

2020-جىلى، بۇرشاقباي ادال ۇلى ورتا مەكتەپ بىتىرگەننەن كەيىن جيلين  اۋىل شارۋاشىلىق عىلىم-تەحنيكا شۋەيۋانى ءدارى-دارمەك جاساۋ كاسىبىنە قابىلداندى. مەكتەپكە كىرگەن ءبىرىنشى جىلى، بۇرشاقباي  ءبىرشاما جاسىق ءارى تارتىنشاق بولاتىن . شالعايداعى شاعىن قىستاقتان كوپ نەگىزدى ۇلكەن قالاعا كەلگەندە، ول قابىلدانعانىنا قۋانعاندى قويىپ قايتا ءبىر ءتۇرلى بەيتانىس سەزىندى. كىتاپتاعى ءبىلىم مەن مۇعالىمنىڭ وتكەن ساباعى ول جونىنەن العاندا  وتە قيىن، تۇسىنۋگە بولمايتىن سياقتى سەزىلەتىن، كەيبىر جاتاقتاستارى ايگىلى شولپاندارعا تابىنىپ، ايگىلى ماركالى زات ساتىپ الۋمەن قاربالاس ...

”مەن ءبۇيتىپ بوس قيالعا سالىناتىن ۋاقىتىم جوق“. شاعىن قىستاقتان ارەڭ شىققان بۇرشاقباي تۋادا بىتكەن قايسارلىعىنا سۇيەنىپ، جاڭا ورتاعا قۇلشىنا ارالاسىپ، بار زەيىنىمەن ۇيرەندى. ونىڭ ويىنشا، تۋادا بىتكەن شارت-جاعدايدى ادام ءوزى بەلگىلەي المايدى ءبىراق قۇلشىنىس ارقىلى بولاشاقتى وزگەرتۋگە بولادى. 4 جىلدان كەيىن، ول ۇزدىك ناتيجەمەن تولىق كۋرستى تاۋىستى، ونەركاسىپ ءدارى-دارمەك عىلىمى، بيولوگيالىق ءدارى-دارمەك عىلىمى جانە ءدارى-دارمەك ديناميكاسى، دارىلىك جوعارى مولەكۋلالى ماتەريال عىلىمى، ءدارىلىك حيميا... بۇلار بۇرىن ول جونىنەن ايتقاندا بەينە وتە قيىن نارسە سپەتتى سەزىلەتىن، الايدا، بۇگىنگى كۇنى ونىڭ كاسىپتىك سالاسىنىڭ بەرىك نەگىزىنە اينالدى.

2023-جىلى پراكتيكا كەزىندە بۇرشاقبايدىڭ اكە -شەشەسى ونىڭ اۋىلىنا قايتۋىن تالاپ ەتتى، ءبىراق اۋىلىنان ۇيرەنگەن كاسىبىنە سايكەس  قىزمەت تابۋ وتە قيىن بولاتىن. الايدا، قۇلشىنعانعا قۇت ءۇيىر دەگەندەي، شىڭگىل اۋدانى ساۋداگەر شاقىرۋ ارقىلى جۇڭگوشا ءشوپ ءدارى تۇقىمىن جەتىلدىرۋ، ەگۋ جانە جىنتىكتەي مانەرلەۋ تۇتاس كاسىپ تىزبەگىندەگى كاسىپورىن شىڭگىل لانسلي ءدارى-دارمەك شەكتى سەرىكتىگىن ەنگىزدى. كاسىپورىن ونىڭ ۇيىنەن ەكى كيلومەتر عانا قاشىقتىقتا ەدى. ول قىسقاشا ءومىر بايانىن تاپسىرىپ، جازباشا، بەتپە-بەت ەمتيحانعا قاتىناسىپ ەڭ سوڭىندا قىزمەتكە ءساتتى ورنالاستى.

سەحقا كىرىپ پراكتيكانت بولعاننان باستاپ، بۇرشاقباي نازاريالىق ءبىلىمنىڭ ماڭىزدىلىعىن، امالياتتىق تاجىريبەنىڭ قۇنىن ابدەن ءتۇسىندى. ول ۇزدىكسىز ۇيرەنىپ جانە ىزدەنىس جاساپ، ساباقحانادا ۇيرەنگەن بىلىمدەرىن ءىس جۇزىندىك قىزمەت بارىسىندا قولدانىپ، ونىمدىلىك پەن ساپانى جوعارىلاتتى. سونىمەن بىرگە، ول مول تاجىريبەگە يە قىزمەتتەستەرىنەن كىشپەيىلدىكپەن سۇراپ ۇيرەنىپ، اماليات ارقىلى نازاريانى دالەلدەدى. ءار كۇنى ەرتە قىزمەت ورنىنا بارىپ، قاس قارايا قىزمەتتەن ءتۇستى، ونىڭ مۇقيات پوزيتسياسى مەن ىنتالى زەرتتەۋ رۋحى سەرىكتەستىك باسشىلارى مەن قىزمەتتەستەرىنىڭ جاپپاي مويىنداۋىنا يە بولدى.

بيىل 9-ايدا بۇرشاقباي تەحنيكالىق دارىندى رەتىندە ايماقتىق ازىق- تۇلىك، ءدارى-دارمەك تەكسەرۋ ورنىنا ۇيرەنۋگە جىبەرىلدى ءارى ەرەكشە جابدىقتارمەن جۇمىس ىستەۋ تولىمدىلىق كۋالىگىن الدى. وقۋ تاۋىسىپ اۋىلىنا ورالعاننان كەيىن، ول سپيرت سۇرىپتاۋ سەحىنىڭ جاۋاپتىسى بولىپ ءوسىرىلىپ، وسى سەحتىڭ ءوندىرىس ساپاسىن باسقارۋدىڭ اۋىر جۇگىن ارقالاپ، جىلدىق كىرىسى دە ارتتى.

بۇرشاقباي بىلاي دەدى: مەن ءبىر مالشىنىڭ بالاسىنان ەل ىشىندەگى ءدارى- دارمەك جاساۋ ۇلگىلى كاسىپورىن ءوندىرىس سەحىنىڭ جاۋاپتىسى بولىپ شىعۋىم، اكە-شەشەمنىڭ قولداۋى مەن ماپەلەۋىنەن، مەكتەپ تاربيەسىنەن، كاسىپورىننىڭ باۋلۋىنان بولە قاراۋعا بولمايدى. الداعى جول ءالى دا ۇزاق، كوپتەگەن بىلىمدەردى ۇيرەنۋىم كەرەك. مەن، ءسوز جوق، ءوز قىزمەتىمدى ويداعىداي ىستەپ، ءتىپتى دە كوپ جەرگىلىكتى ورىنداعى جاستارعا جاقسى ونەگە بولۋعا تىرىسامىن.

بۇرشاقباي ادال ۇلىنىڭ حيكاياسى ءبىلىم ارقىلى تاعدىرىن وزگەرتۋدىڭ جاندى مىسالى. ونىڭ جەتىلۋ بارىسىنداعى كۇرەس تاريحى سان مىڭداعان جاستاردى باتىلدىقپەن ارمانعا قۇلاش سەرمەۋگە، قاجىماي-تالماي كۇرەس جۇرگىزۋگە ىنتالاندىرۋدىڭ ۇلگىسى.