تاۋلىك بويى اشىق ۇستالدى

12-ايدىڭ 2-كۇنى التاي قالاسى ازات جولى كوشە ءىس باسقارماسىنىڭ جۇمىسشى ۇيىمى ايالداماسى رەسمي اشىلىپ، جاقىن ماڭداعى مەيتۋان جەدەل جەتكىزۋشىلەرى، ورتا تازالىق جۇمىسشىلارى قاتارلى دالادا جۇمىس ىستەيتىندەردىڭ سۋىقتا جىلىنىپ، شارشاعاندا تىنىعاتىن تاماشا ورتاسىنا اينالدى.

24 ساعات بويى اشىق تۇراتىن جۇمىسشى ۇيىمى ايالداماسى التاي قالاسى ازات وڭتۇستىك جولى مەن حۇيمىن جولىنىڭ تۇيىلىسكەن جەرىنە ورنالاسقان. ءتىلشى وسى جۇمىسشى ۇيىمى ايالداماسىندا سۋ قايناتاتىن جابدىق، ميكرو تولقىندى مەش، ءدارى-دارمەك ساندىعى، قول شاتىر، زاريادتاعىش قاتارلى قۇرىلعىلاردىڭ تولىق ەكەندىگىن، دالادا جۇمىس ىستەيتىندەردىڭ وسى ارادا دەمالۋمەن بىرگە، كىتاپ وقىپ، تەلەۆيزور كورە الاتىندىعىن كوردى. بۇدان سىرت، وسى جۇمىسشى ۇيىمى ايالداماسى مەرزىم بويىنشا اقىسىز دياگنوز قويۋ، اقىسىز شاش جاساۋ قاتارلى قيمىلدى وتكىزىپ، دالادا جۇمىس ىستەيتىندەرگە ءتىپتى دە كوپ مەيىر سيلايدى. بۇل ايماقتىق جۇمىسشى ۇيىمىنىڭ سۇرانىستى جەتەكشى ەتىپ، دالادا جۇمىس ىستەيتىندەردىڭ مۇڭ-مۇقتاجى ماسەلەسىن شەشۋىنىڭ شاعىن بەينەسى.

”قىزمەت ارەدىگىندە ايالداماعا كەلىپ، قايناق سۋ ىشەتىن بولدىق، تاپسىرىس توسقاندا وسىندا كەلىپ جىلىناتىن بولدىق، بۇل ورتا ايرىقشا قولايلى بولدى“،-دەدى مەيتۋان جەدەل جەتكىزۋشىسى سۇي حايبو. ورتا تازالىق جۇمىسشىسى جىڭ شۇي جۇمىسشى ۇيىمى ايالداماسىنا دەگەن القاۋىن بىلاي جەتكىزدى: بۇرىن ايالداما بولماعان كەزدە جۇمىس ىستەپ شارشاعاندا باسپالداققا وتىرا كەتىپ دەمالاتىنبىز. قازىر جۇمىسشى ۇيىمىنىڭ ايالداماسىندا دەمالىپ، قايناق سۋ ىشەتىن بولدىق، بۇل ورىن بىزگە ايرىقشا جاقسى بولدى.

وسى جۇمىسشى ۇيىمى ايالداما ەسىگىنە اۆتوماتتى ەلەكتروندىق جۇيە ورناتىلعان، ەسىك الدىنداعى ەكرانعا بەت الپەتىڭىزدى تۇسىرسەڭىز، ەسىك اۆتوماتتى اشىلادى، 24 ساعات بويى كۇزەت قويىلمايدى. التاي قالاسى ازات جولى كوشە ءىس باسقارماسىنىڭ جۇمىسشى ۇيىمى بىرلەستىگىنىڭ ءتوراعاسى حاي لي بىلاي دەدى: دالادا جۇمىس ىستەيتىندەردىڭ ”تاماقتانۋ، دەمالۋ، دارەتحانادان پايدالانۋ“ قاتارلى ماسەلەلەرىن شەشۋ ءۇشىن، بيىل ايماقتىق جۇمىسشى ۇيىمى جۇمىسشى ۇيىمى ايالداماسىنىڭ زەردەلى قىزمەت وتەۋىنىڭ جاڭا ۇلگىسى جونىندە بەلسەنە ىزدەنىس جاساپ، 24 ساعات كۇزەتسىز زەردەلى ايالدامانى شوعىرلى قۇرىپ، دالادا جۇمىس ىستەيتىندەردىڭ بۇل ”ايالدامادا“ دەمالۋىنا كەپىلدىك ەتتى.

جىل باسىنان بەرى، ايماقتىق جۇمسشى ۇيىمى نازاردى دالادا جۇمىس ىستەيتىندەردىڭ قاجەتىنە شوعىرلاندىرىپ، جۇمىسشى ۇيىمى ايالداماسى قاتارلى قىزمەت وتەۋ شەپ قۇرىلىسىن كۇشەيتۋدى ءتۇيىندى قىزمەت رەتىندە ويداعىداي يگەرىپ، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەسىن كۇش سالا شەشىپ، جۇمىسشى ۇيىمى ايالداماسىن دالادا جۇمىس ىستەيتىندەردىڭ قولايلى ورنىنا اينالدىردى.

”جۇمىسشى-قىزمەتكەرلەردىڭ قولايلىعىنا قاراي قۇرىلىس سالۋ“، ”جۇمىسشى-قىزمەتكەرلەردىڭ ىڭعايىنا قاراي بەيىمدەلۋ“، ”شىن پەيىلمەن دالمە-ءدال قىزمەت وتەۋ“، ”جۇمىسشى-قىزمەتكەرلەردىڭ پايدالانۋىنا قولايلى بولۋ“... جۋىق جىلداردان بەرى، ايماقتىق جۇمىسشى ۇيىمى قىزمەت وتەۋ نىسانى مەن قىزمەت وتەۋ دانەكەرلەرىندە بەلسەنە جاڭالىق جاراتىپ، جۇمىسشى-قىزمەتكەرلەردىڭ ءتۇرلى قاجەتىنە باعىتتاي وتىرىپ، قامداۋ مەن قاجەتسىنۋدى ۇشتاستىرىپ دالمە-ءدال قىزمەت وتەدى. ايماقتىق جۇمىسشى ۇيىمى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى بولاتبەك زاكەن ۇلى بىلاي دەدى: جۇمىسشى ۇيىمى قىزمەت تاسىلىندە ۇزدىكسىز جاڭالىق اشقاندا عانا جۇمىسشى-قىزمەتكەرلەرگە، بۇقاراعا دالمە-ءدال، ەتەنە قىزمەت وتەي الادى. ”جۇمىسشى ۇيىمى ايالداماسى +“ ۇلگىسىن قالىپتاستىرۋ جونىندە ىزدەنىس جاساپ، جۇمىسشى-قىزمەتكەرلەرگە كوپ جاقتان قىزمەت وتەپ، ”شاعىن ايالدامادا شەكسىز مەيىر سيلاۋ“، ”شاعىن كىرىسۋ ءتۇيىنى ارقىلى كولەمدى قىزمەت وتەپ“، جاڭا جۇمىستانۋ فورماتسياسىنداعى دالادا جۇمىس ىستەيتىندەردى شىن مانىندە ويداعىداي ىنتىماقتاستىرىپ، ۇيىستىرىپ، ولارعا پارتيا مەن ۇكىمەتتىڭ قامقورلىعىن سەزىندىرەمىز.