ۇلگى كورسەتۋ ساباعى ءوتىلدى! 100 نەشە كۇندە 122 ساعات

”ماسسانىڭ ساقتالۋ زاڭى ءارقانداي وزگەرىس، جۇيەدەن، حيميالىق رەاكسيا مەن يادرولىق رەاكسيا ماتەريانى جويا المايدى، تەك ماتەريانىڭ اۋەلگى فورماسىن نەمەسە قۇرىلىمىن وزگەرتەدى دەگەندىك...“ التاي قالالىق 3-ورتا مەكتەپتە شينجياڭعا كومەككە كەلگەن وقىتۋشى ۋاڭ ليلي بايىمداعان ”ماسسانىڭ ساقتالۋ زاڭى“ ساباعى تاجىريبە ارقىلى پايىمداۋ، دالەلدەۋ جۇرگىزىپ، وقۋشىلاردىڭ ۇيرەنۋ ىنتاسىن قوزعادى.

بيىل 8-ايدىڭ 19-كۇنى جيلين ولكەسىنەن 3-توپتا ”ۇيىرمە قۇراۋ فورماسىندا“ شينجياڭعا كومەككە كەلگەن 113 وقىتۋشى التاي قالاسى، بۋىرشىن اۋدانى، قابا اۋدانى، جەمەنەي اۋدانى قاتارلى جەرلەردەگى 13 مەكتەپكە بارىپ، وقۋ-اعارتۋعا كومەكتەسۋدىڭ تارتىمدى قيمىلىن وتكىزدى. شىلىڭگىر ىستىقتان اق قار جامىلعانعا دەيىنگى 100 نەشە كۇندە ولار 122 ساعاتتىق گرۋپپالىق اشىق ساباعى مەن مەكتەپتەگى ۇلگى كورسەتۋ ساباعىن ءوتىپ، 12 رەت ارناۋلى تاقىرىپتا لەكسيا سويلەدى. بۇل ءتىل-ادەبيەت، ماتەماتيكا، اعىلشىن ءتىلى، فيزيكا، حيميا، بيولوگيا، يدەيا-ءمورال جانە زاڭ، دەنەتاربيە، اسەمونەر قاتارلى ءپاندى قامتىدى.

ءبىلىم بەرۋ تاجىريبەگە، ۇيرەنۋ ادىسكە سۇيەنەدى. جيلين ولكەلىك 3-توپتاعى ”ۇيىرمە قۇراۋ فورماسىندا“ شينجياڭعا كومەكتەسۋ ۋاقىتتىق پارتيا ياچەيكاسىنىڭ شۋجيى، ايماقتىق 2- تولىق ورتا مەكتەپ وقىتۋدى زەرتتەۋ كەڭسەسىنىڭ ورىنباسار مەڭگەرۋشىسى شۇي ليلي بىلاي دەدى: ءبىز توپتىق ساباق دايىنداۋ تاجىريبەسىن، جۇيەدەن وزەك ەتۋ ۇستانىمىن، ولشەمدى جانە تۇيىق اينالىمدى جۇيەنى ۇيرەتۋ ارقىلى كومەك قابىلداعان مەكتەپتەردىڭ وقۋ-اعارتۋ، وقىتۋ ساپاسىن جاقسارتۋىنا دەم بەرۋدى، ەكى جاقتىڭ قول ۇستاسا العا باسىپ، شىت جاڭا تاراۋدى بىرگە جازۋىن ءۇمىت ەتەمىز.

كوپتەگەن اشىق ساباق، ۇلگى كورسەتۋ ساباعى، سونداي-اق ارناۋلى تاقىرىپتىق لەكسيادا شينجياڭعا كومەككە كەلگەن وقىتۋشىلار وقۋلىقتى تەرەڭ زەرتتەپ، وقىتۋ ورتاسىن شەبەرلىكپەن ورنالاستىرىپ، ءبىلىم تۇيىندەرىن قاراپايىمداستىرىپ، كوڭىلدى ۇيرەنۋ ورتاسىن قالىپتاستىرىپ، تەرەڭ وقىتۋ نەگىزىن ايگىلەدى. ايماقتىق 2-تولىق ورتا مەكتەپتەگى شينجياڭعا كومەككە كەلگەن وقىتۋشى حى نانىڭ ”فۋنكتسيانىڭ ءبىر سارىندىلىعى“ ماتەماتيكالىق ۇعىمدىق ساباعى وزگەشە، تارتىمدى، جاندى ءارى قىزىقتى بولعاندىقتان، وقۋشىلاردىڭ ۇيرەنۋ بەلسەندىلىگىن جاپپاي قوزعادى. قابا اۋداندىق ورتالاۋ مەكتەپتە شينجياڭعا كومەككە كەلگەن وقىتۋشى ليۋ چاڭنىڭ ءتىل-ادەبيەت اشىق ساباعى ءتۇرلى وقىتۋ ادىستەرىن جان-جاقتى قولدانۋ ارقىلى وقۋشىلاردىڭ قىزعىندىلىعىن ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ بارىسىندا جوعارىلاتتى. جەمەنەي اۋداندىق تولىق ورتا مەكتەپتە شينجياڭعا كومەككە كەلگەن وقىتۋشى يۇي حاڭحاڭ سويلەگەن ”تاقىرىپتىق ءوتىنىش قالاي جازىلادى“ دەگەن لەكسياسىندا ءىس جۇزىندىك مىسالدارعا تالداۋ جاساۋ ارقىلى ابستراكت نازاريانى قاراپايىم دا ۇعىنىقتى ەتىپ، وقىتۋشىلاردىڭ تاقىرىپتىق ءوتىنىش جازۋ قابىلەتىن جوعارىلاتتى. بۋىرشىن اۋداندىق 1-ورتالاۋ مەكتەپتە شينجياڭعا كومەككە كەلگەن وقىتۋشى، فيزيكا زەرتتەۋ قىزمەتكەرى تان ۋيمين ”ورتالاۋ مەكتەپ فيزيكا تاجىريبە وقىتۋىنا تالداۋ جاساۋ“ ۇعىمدىق ساباعى ارقىلى فيزيكا تاجىريبە وقىتۋىنىڭ جاڭا وي جەلىسىن بايىمداپ، تەرەڭ فيزيكا بىلىمدەرىن تۇرمىستىق تىلگە اينالدىرىپ، وقۋشىلاردىڭ بىلىمدەگى قيىن تۇيىندەردى وڭاي شەشۋىنە مۇمكىندىك جاسادى.

بۋىرشىن اۋدانىنىڭ جوعارى دارەجەلى وقىتۋشىسى ءزۋرا جۇماش قىزى بىلاي دەدى: شينجياڭعا كومەككە كەلگەن وقىتۋشىلاردىڭ وقىتۋ ۇعىمدىق ساباعىندا ۇعىمنىڭ قالىپتاسۋىنا، تۇسىنىكتى بولۋىنا جانە قولدانىلۋىنا ءمان بەرىلدى، زەرتتەۋ قيمىلىنىڭ جوبالانۋى ۇيلەسىمدى، كارتون سۋرەتتەر جاندى دا تابيعي، ساباقتان بۇرىنعى، ساباقتان كەيىنگى شابىتتاندىرۋ تاربيەسى بار، بۇل مەنىڭ ۇعىمدىق وقىتۋىمدا توتەنشە تاماشا ۇلگىلىك رول اتقاردى.

شينجياڭعا باعىتتامالى كومەكتەسۋدەن ۇلگى كورسەتۋ كورمەسى كەلبەتىن ايگىلەپ، ءوزارا ۇيرەنىپ، بىرگە زەرتتەپ، دەڭگەيىن جوعارىلاتۋدى جەبەدى. جيليننەن شينجياڭعا كومەككە كەلگەن كادر، ايماقتىق وقۋ-اعارتۋ مەكەمەسىنىڭ ورىنباسار باستىعى سۇن ۋانفىڭ بىلاي دەدى: قىسقا عانا 3 ايدان استام ۋاقىتتا شينجياڭعا كومەككە كەلگەن وقىتۋشىلار وزگەشە وقىتۋ تاسىلىنە، مول وقىتۋ تاجىريبەسىنە سۇيەنىپ، التايداعى بالالاردىڭ كوزاياسىن اناعۇرلىم كەڭەيتىپ، بولاشاققا تالپىنۋعا جەبەدى.

جيليننەن شينجياڭعا كومەككە كەلگەن وقىتۋشىلاردىڭ دەمەۋىندە التاي ايماعىنىڭ وقۋ-اعارتۋ ىستەرىنىڭ ۇزدىكسىز تىڭ دەڭگەيگە كوتەرىلىپ، اناعۇرلىم شۇعىلا شاشاتىندىعىنا سەنەمىز.