نەگىزگى زاڭ ۇگىت اپتالىعى ۇگىت-لەكسيا قيمىلىن وتكىزدى

12-ايدىڭ 5-كۇنى التاي ايماعى 2024-جىلعى ”نەگىزگى زاڭ ۇگىت اپتالىعى“ اتىنداعى ۇگىت-لەكسيا قيمىلىن وتكىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20-قۇرىلتايىنىڭ جانە پارتيا 20-كەزەكتى ورتالىق كوميتەتى ەكىنشى، ءۇشىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”نەگىزگى زاڭ رۋحىن بارىنشا اسقاقتاتىپ، رەفورمانى اناعۇرلىم جاپپاي تەرەڭدەتۋدى ىلگەرىلەتۋ “ نەگىزگى تاقىرىبىن ارقاۋ ەتىپ، ايماقتىڭ ”نەگىزگى زاڭ ۇگىت اپتالىعىنداعى“ ۇگىت قىزمەتىن ورنالاستىرىپ، جايعاستىرىپ، جۇڭگو ۇلگىسىندەگى وسىزامانداندىرۋدىڭ التاي امالياتىن جەدەل ىلگەرىلەتۋگە تاماشا زاڭمەن باسقارۋ ورتاسىن ازىرلەدى. ايماقتىق پارتكومنىڭ شۋجيى شيە شاۋدي نەگىزگى تاقىرىپتى ارقاۋ ەتە وتىرىپ ۇگىت-لەكسيا جاسادى.

شيە شاۋدي مىنالاردى اتاپ كورسەتتى: نەگىزگى زاڭ — مەملەكەتىمىزدىڭ ءتۇبىرلى زاڭى، مەملەكەتتى باسقارىپ، ەلدى تىنىشتاندىرۋدىڭ باس ەرەجەسى. ”مەملەكەتتى جاپپاي زاڭ بويىنشا باسقارۋعا تاباندى بولۋ“ سىندى كەلەلى پرينسيپتى جەتە تانىپ جانە ءتۇسىنىپ، يگەرىپ، زاڭمەن باسقارۋ ارناسىندا رەفورمانى تەرەڭدەتۋدەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ساياسي سانالىلىقتى، يدەيالىق سانالىلىقتى، ارەكەت سانالىلىعىن شىنايى كۇشەيتىپ، زاڭمەن باسقارۋ ويىن جانە زاڭمەن باسقارۋ ءتاسىلىن قولدانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ-قاتەرگە توتەپ بەرۋ قابىلەتىن ۇزدىكسىز جوعارىلاتىپ، ايماعىمىزدىڭ رەفورما، دامۋ، ورنىقتىلىعىنا زاڭمەن باسقارۋ قوزعاۋشى كۇشىن ۇستەپ، زاڭمەن باسقارۋ قامتاماسىزدىعىن ازىرلەۋ كەرەك.

شيە شاۋدي مىنالاردى باسا دارىپتەدى: زاڭمەن باسقارۋ قۇرىلىسىن ىلگەرىلەتۋ ساياسي جاۋاپكەرشىلىگىن شىنايى اتقارىپ، ايماقتى زاڭ بويىنشا باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن التايدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىرتۇلعالاندىرا قۇرىپ، ”ءبىر جوبا، ەكى باعدارلامانى“ دايەكتىلەندىرۋدى، تياناقتاندىرۋدى تۇتقا ەتىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ىشكەرىلەي ىلگەرىلەتىپ، زاڭمەن باسقارۋ قۇرىلىسىن وزەكتى قىزمەتتەرمەن سانالى تۇردە بىرگە جوسپارلاپ، بىرگە ورنالاستىرىپ، بىرگە ىلگەرىلەتىپ، زاڭمەن باسقارۋ قۇرىلىسىنىڭ ۇيىمداستىرۋشىسى، ىلگەرىلەتۋشىسى جانە امالياتتا ايگىلەۋشىسى بولىپ، زاڭمەن باسقارىلاتىن التاي قۇرىلىسىنىڭ تاعى تىڭ ساتىعا كوتەرىلۋىن ىلگەرىلەتۋ كەرەك.

شيە شاۋدي مىنالاردى تالاپ ەتتى: ”نەگىزگى زاڭ ۇگىت اپتالىعى“ اتىنداعى قيمىلدى وتكىزۋدىڭ كەلەلى ءمانىن جەتە تانىپ، ۇگىتتىڭ نەگىزگى تاقىرىبىن كورنەكتىلەندىرىپ، ۇگىت ءتۇيىنىن يگەرىپ، دالمە-ءدال ۇگىتتەپ، ءتۇسىندىرىپ، زاڭ ۇگىتتەۋ، زاڭدىق قىزمەت وتەۋ، دەلو ارقىلى زاڭدى ءتۇسىندىرۋ قاتارلى قيمىلدى جاسامپازدىقپەن وتكىزىپ، نەگىزگى زاڭدى اۋىل-قىستاققا، الەۋمەتتىك اۋماققا، مەكتەپكە، ورگانعا، كاسىپورىنعا، ءدىني ورىنعا، ينتەرنەتكە جەتكىزۋدى ىلگەرىلەتىپ، نەگىزگى زاڭ رۋحىن جۇرت كوكەيىنە تەرەڭ ۇيالاتىپ، نەگىزگى زاڭ رۋحى ارقىلى زەيىن-زەردەنى، كۇش-قۋاتتى ۇيىستىرىپ، تۇتاس قوعامدا نەگىزگى زاڭعا قۇرمەت ەتەتىن، نەگىزگى زاڭعا بويسۇناتىن، نەگىزگى زاڭدى قورعايتىن قويۋ راي قالىپتاستىرۋدى ىلگەرىلەتۋ كەرەك.