1-كەزەكتى مەملەكەتتىك جالپى حالىقتىق دەنە شىنىقتىرۋ جارىسى (باتىس سولتۇستىك رايونى) قار شاڭعى تەبۋ تارماق جارىسى (شينجياڭ بەكەتى) دالالىق قار شاڭعى جارىسى 12-ايدىڭ 6-كۇنى التاي قالاسىنىڭ سارقوبى دالالىق قار شاڭعى الاڭىندا باستالدى. شانشي، نيڭشيا، گانسۋ، شينجياڭ جانە شينجياڭ ءوندىرىس-قۇرىلىس بيڭتۋانىنان كەلگەن 5 ۋاكىلدەر كومانداسىنداعى 75 سپورتشى جارىسقا قاتىناستى.
بۇل رەتكى جارىستى مەملەكەتتىك دەنەتاربيە باس مەكەمەسى، جۇڭحۋا مەملەكەتتىك دەنەتاربيە باس قوعامى باس بولىپ ۇيىمداستىردى؛ شانشي ولكەلىك دەنەتاربيە مەكەمەسى، گانسۋ ولكەلىك دەنەتاربيە مەكەمەسى، نيڭشيا حۇيزۋ اۆتونوميالى رايوندىق دەنەتاربيە مەكەمەسى، شينجياڭ ۇيعۇر اۆتونوميالى رايوندىق دەنەتاربيە مەكەمەسى ۇستىنە الىپ وتكىزدى؛ التاي ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى، التاي قالالىق حالىق ۇكىمەتى سەلبەسىپ وتكىزدى. جارىس ۋاقىتى 2 كۇن (12-ايدىڭ 6-، 7-كۇندەرى) بولىپ، ەرلەردىڭ توپتىق شەبەرلىك جاعىندا شەك قويماي سىرعاناۋ 1.5×4 كيلومەترگە كۇش جالعاۋ جارىسى، ايەلدەردىڭ توپتىق شەبەرلىك جاعىندا شەك قويماي سىرعاناۋ1.5×4 كيلومەترگە كۇش جالعاۋ جارىسى، 5 كيلومەترگە توپتىق اتتانىپ شەبەرلىك جاعىندا شەك قويماي سىرعاناۋ جارىسى سىندى 3 ۇلكەن جارىس ءتۇرى ورنالاستىرىلدى.
سول كۇنى وتكىزىلگەن ەرلەردىڭ توپتىق شەبەرلىك جاعىندا شەك قويماي سىرعاناۋ 1.5×4 كيلومەترگە كۇش جالعاۋ جارىسىندا جانە ايەلدەردىڭ توپتىق شەبەرلىك جاعىندا شەك قويماي سىرعاناۋ1.5×4 كيلومەترگە كۇش جالعاۋ جارىسىندا سپورتشىلار يرەلەڭدەگەن شاڭعى جولىندا شاڭعى تەبۋ تەحنيكاسى مەن كۇرەسشەڭدىك رۋحىن ايگىلەدى، جارىس مايدانىنان قىزۋ شاپالاق ءۇنى مەن شاتتىق ءۇنى تولاستامادى.
قيان-كەسكى سايىس ارقىلى شينجياڭ ۋاكىلدەر كومانداسى ەرلەر مەن ايەلدەردىڭ توپتىق كۇش جالعاپ جۇگىرۋ جارىسىنىڭ اعا جۇلدەگەرى بولدى؛ گانسۋ ولكەسىنىڭ ۋاكىلدەر كومانداسى ەرلەر مەن ايەلدەردىڭ توپتىق كۇش جالعاپ جۇگىرۋ جارىسىندا 2- دارەجەلى، شانشي ولكەسىنىڭ ۋاكىلدەر كومانداسى ەرلەر مەن ايەلدەردىڭ توپتىق كۇش جالعاۋ جارىسىندا 3-دارەجەلى بولدى.
شينجياڭ ۋاكىلدەر كومانداسىنىڭ شەبەرى ياڭ چىن بىلاي دەدى: كوپشىلىكپەن بىرگە باسەكەگە تۇسكەنىمە قاتتى قۋانىشتامىن. وسى ورايدا شاڭعى تەبۋ ورەمدى جوعارىلاتۋمەن بىرگە، قىمباتتى دوستىققا دا قول جەتكىزدىم.
”وسى رەتكى جارىس ارقىلى ءتىپتى دە كوپ ادامدى، اسىرەسە، جاستار مەن ورەندەردى قار-مۇز سپورتىنا ات سالىسۋعا، قار-مۇز سپورتىنىڭ قىزىعىن كورۋگە باۋراساق دەگەن ويدامىز. جوعارى ولشەمدى جارىس الاڭىن بۇقارامەن بىرگە يگىلىكتەنىپ، قار-مۇز كاسىپتىك سپورتشىلارىن باۋلىپ جەتىلدىرۋگە جانە جالپى حالىقتىڭ قار-مۇز سپورتىنا ات سالىسۋىنا تىرەك ازىرلەيمىز“-دەدى التاي ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى ياڭ يۇڭ.
来源：雪都嘟/阿勒泰地区融媒体中心
记者：董世菊
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
