12-ايدىڭ 7-كۇنى ”التايدىڭ قار-مۇزىندا قاۋىشىپ، الىستان كەلگەن دوس-جارانداردى قارسى الايىق“ اتىنداعى قار-مۇز قيمىلى التاي قالاسىنىڭ ۋبايلي حالىقتىق سالت-سانا كوشەسىندە وتكىزىلىپ، كوپتەگەن ساياحاتشى مەن قالا تۇرعىنىن تاماشالاۋعا، ساياحاتتاۋعا باۋرادى.
قيمىل ”داۋاز“ ويىنىمەن باستالدى. ونەرپازداردىڭ بيىك كەڭىستىككە تارتقان ارقان ۇستىندە كورسەتكەن قاتەرلى ونەرى ەرەكشە شەبەرلىك مەن باتىلدىقتى ايگىلەپ، كورەرمەندەردىڭ القاۋىنا يە بولدى. حالىقتىق سالت-سانا مادەنيەتى ويىنىنىڭ باستالۋىنا بايلانىستى، ساياحاتشىلار شينجياڭنىڭ ءداستۇرلى مادەنيەتىنىڭ وزگەشە قۇدىرەتىن جاقىن ارالىقتان سەزىندى. حاڭجوۋدان كەلگەن ساياحاتشى ني زى-بياۋ قۋانىشپەن: التايداعى ساپارىم كوز ايامدى كەڭەيتتى. قار-مۇز كورىنىسى كوزدىڭ جاۋىن الىپ قالماستان، حالىقتىق سالت-سانا مادەنيەتى ويىندارى ادامدى تاڭ قالدىرادى. اسىرەسە، ءبىر يۋاندىق كاۋاپ پەن وتتىقتى قازان ەتىنىڭ ءدامى تاڭدايىمدا قالدى.
قيمىل الاڭىندا التاي قالاسىنىڭ ءارقايسى اۋىلدارى (قالاشىق، كوشە ءىس باسقارماسى) ”شۋاقتى التىنتاۋ“ اتتى اۋىل شارۋاشىلىق ەرەكشە قوسىمشا ونىمدەرىن ساتۋ تۇيىندەرىندە سيىر، قوي، جىلقى ەتى، قۇرت، ءتۇرلى قولونەر بۇيىمدارى قاتارلىلاردى ساتتى، سونداي-اق سورپا، ءبىر يۋاندىق كاۋاپ، وتتىقتى قازان ەتى قاتارلىلاردى دايىنداپ، قالىڭ ساياحاتشى مەن قالا تۇرعىنىنا ءدامىن تاتقىزىپ، كوپشىلىككە قاقاعان ايازدا جىلۋلىقتى سەزىندىردى.
ويناقى مۋزيكا ءۇنى ىشىندە بايىرعى تەرى شاڭعى تەبۋشىلەر الاڭعا كىردى. وسىدان كەيىن، الاڭدا شاشۋ شاشىلىپ، بۇكىل الاڭ قۋانىشقا تولدى. ىلە-شالا ادەبيەت-كوركەمونەر كونسەرتى تارتىمدى بولىپ، جەرگىلىكتى مۋزيكادان وسىزامانعى اندەرگە دەيىن، ارتيستەردىڭ تارتىمدى ويىنى كورەرمەندەردى مۋزيكانىڭ قىزىعىنا باتىردى. سول كۇنى كەشتەگى ءتۇستى تورسىلداقتى تاماشالاۋ جانە الاۋ ساۋىق كەشى قيمىلدى قىزۋ ورلەۋگە كوتەردى. ساياحاتشىلار الاۋدى اينالىپ ءان شىرقاپ، بيگە باسىپ، كوڭىلدى ساتتەن ءلاززاتتاندى.
”الاۋ ساۋىق كەشىندە كوپشىلىك ءبىر جەرگە جينالىپ ءان شىرقاپ، بيگە باسىپ، ەرەكشە قۋانىشقا بولەندى. وسى رەتكى قيمىل ءبىزدىڭ كاسىپتەن تىس تۇرمىسىمىزدى بايىتىپ قالماستان، سىرت جەردەن كەلگەن ءتىپتى دە كوپ دوستارعا التاي حالقىنىڭ قوناعۋارلىعىن سەزىندىردى“-دەدى التاي قالاسىنىڭ تۇرعىنى بەردىبەك باقىتبەك ۇلى.
ساناققا قاراعاندا، وسى رەتكى قيمىل قالا تۇرعىنى مەن ساياحاتشىدان 31 مىڭنان استام ادام (رەت) قابىلداپ، جالپى تۇتىنۋ سوماسى 490 مىڭ 800 يۋانعا جەتكەن.
来源：雪都嘟/阿勒泰地区融媒体中心
记者：董世菊 张楠
通讯员：吾丽帕·吾拉勒别克
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
