11-ايدىڭ 24-كۇنى شىڭگىل اۋدانى ارالتوبە قالاشىعى قاراولەڭ قىستاعىنىڭ تۇرعىنى بايمۇرات قابدوللانىڭ وتباسىلىق ەگىس الاڭىنا بارعانىمىزدا ولشەمدەندىرىلگەن سيىر قورادا كۇيلى سيمەنتال سيىرلارى جەم جەپ جاتىر ەكەن، بايمۇرات ءشوپ سالىپ، قورانى تازالاۋمەن قاربالاس بولىپ ءجۇر ەكەن. بيىل 48 جاستاعى ونىڭ سيىر باققاندىعىنا 7-8 جىلدىڭ ءجۇزى بولىپتى.
بۇرىن بايمۇرات جەرگىلىكتى سيىر باعىپ كەلگەن ەكەن، الايدا، ەكونوميكالىق ونىمدىلىگى كورنەكتى بولماپتى. ەكونوميكالىق ەسەپ جاساعاننان كەيىن، 2021-جىلى ول ۇيىندەگى 120 جەرگىلىكتى سيىردى ساتىپ، 900 مىڭ يۋانعا 30 سيمەنتال سيىرىن ساتىپ الىپ، سيىر تۇقىمىن اسىلداندىرىپتى جانە سويىس سيىر باعىپتى.
”جەرگىلىكتى سيىر مەن اسىل تۇقىمدى سيىردىڭ باعاسىنىڭ ايىرماشىلىعى زور، سيمەنتال سيىرىن باعۋدىڭ ادەتتەگى سيىردى باعۋعا قاراعاندا پايداسى ءبىر ەسەدەن استام ارتىق“،-دەدى بايمۇرات.
2022-جىلى ول وتباسىلىق ەگىس الاڭىن قۇرىپ، ”وتباسىلىق ەگىس الاڭى + بازا + شارۋا“ باعىمشىلىق ۇلگىسىن قولدانىپ، اسىل تۇقىمدى سيىر جەتىلدىرۋ بازاسى مەن سويىس سيىر باعىمشىلىق بازاسىن قۇرىپ، توڭىرەگىندەگى قىستاق تۇرعىندارىن بىرگە دامۋعا باستادى. شىڭگىل اۋدانى اۋىل شارۋاشىلىعى تاراۋىنىڭ تەحنيكتەرى بەلگىلى مەرزىمدە كەلىپ، ەگىس الاڭىنىڭ دامۋداعى قيىنشىلىقتارىن شەشىپ، سويىس سيىرىن كولەمدەندىرىپ باعۋدى، قورادا باعۋدى جايىپ باعۋمەن ۇشتاستىرۋ سياقتى جاقتاعى تەحنيكاعا باعىتتاي وتىرىپ جەتەكشىلىك ەتتى.
سيىردى ويداعىداي باعۋمەن بىرگە، بايمۇرات بوس تۇرعان ۇيلەرىنەن پايدالانىپ، ءسۇت ونىمدەرىن وڭدەۋ شەبەرحاناسىن دا قۇردى.
”ءار سيمەنتال سيىرىن 10نەشە مىڭ يۋانعا ساتۋعا بولادى، ءسۇت ونىمدەرىن ساتۋدان دا ايتارلىقتاي كىرىس كىرەدى“. بايمۇرات قازىر قولىندا 70 سيىر، 200 دەن استام قوي بار ەكەندىگىن، جاپا-ماشاقاتتان قورىقپاي، كوبىرەك ۇيرەنسە بولعانى، تۇرمىسىنىڭ بارعان سايىن جاقسارا تۇسەتىندىگىنە سەنەتىندىگىن ايتتى.
来源：天山网
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
