بىرنەشە كۇننىڭ الدىندا ءتىلشى التاي قالاسى ءابيتان قالاشىعى كۇبى شىعىس قىستاعىنداعى (قازىرگى قارلى مەكەن قىستاعى) جيەيوۋ جايلاۋىنا بارىپ، جەرگىلىكتى جازۋشى جوۋ جىحۇيمەن كەزدەستى.
11-ايدىڭ 27-كۇنى شينجياڭنىڭ تۇڭعىش كەزەكتى تيانشان ادەبيەت سيلىعىنا يە بولعانداردىڭ ەسىمدىگى كۇللى جۇرتتىڭ نازارىن اۋداردى. جوۋ جىحۇيدىڭ «جانعا جايلى جايلاۋ جازبالارى» اتتى سانۋىندەر جيناعى جارىسقا قاتىناسقان كوپتەگەن تۋىندىدان اعالاپ العا شىعىپ، تيانشان ادەبيەت سيلىعىنا كورسەتىلۋ سيلىعىن الدى.
«جانعا جايلى جايلاۋ جازبالارى» جوۋ جىجۇيدىڭ كۇبى شىعىس قىستاعىنداعى 16 جىلدىق تۇرمىسىنىڭ ناقتى بەينەسى. تۋىندى التاي تاۋلى رايونىنداعى مالشىلاردىڭ كۇندەلىكتى تۇرمىسىن ىشكەرىلەي ەستەلىككە العان. ول ”سىرتى قاراپايىم ءارى ءىشى ۇشان-تەڭىز“ كوركەمونەرلىك تاسىلدەن پايدالانىپ تەرەڭ سۇيىسپەنشىلىكتى كەيىپكەردىڭ قاراپايىم ءسوز-ارەكەتىنە ءسىڭىرىپ، دارالىق سۋرەتتەۋ ارقىلى وقىرماندارعا ادامداردىڭ رۋحاني بەت- بەينەسى مەن جان دۇنيەسىنىڭ تەرەڭ تۇكپىرىن كورسەتتى.
سيلىق العان اسەرىن تىلگە تيەك ەتكەندە جوۋ جىحۇي بىلاي دەدى: ەرەكشە تەبىرەنىپ تۇرمىن، سيلىققا يە بولامىن دەپ ويلاماعان ەدىم. تيانشان ادەبيەت سيلىعىنىڭ قامتىمدىلىعى مەن كولەمدىلىگى ادەبيەتتى قىزۋ سۇيەتىن ءاربىر ادامنىڭ ءوزىن ايگىلەۋ ورايىنا يە بولۋىنا مۇمكىندىك جاسادى. بۇل داڭق مەنىڭ شىعارمامدى تۇراقتاندىرۋ بولىپ عانا قويماي، ادەبيەت جولىندا ماعان قامقورلىق جاساعان جانە كومەكتەسكەن ادامدارعا دەگەن العىس.
«جانعا جايلى جايلاۋ جازبالارى» جوۋ جىجۇيدىڭ جەكە تۇرمىسىن ەستەلىككە الۋمەن بىرگە، التاي سىندى قۇتتى مەكەنگە دەگەن تەرەڭ سۇيىسپەنشىلىككە تولى ماداق جىرى بولدى. كىتاپتا ول كۇبى شىعىس قىستاعىنداعى تۇرمىستى ەگجەي-تەگجەيلى سۋرەتتەدى، ول وزىنە تانىس وسى اراداعى تاۋ شوقىلارىنا، بارلىق تىرشىلىككە، سونداي-اق ونىمەن تاتۋ-ءتاتتى وتكەن كورشىلەرىنە العىس ايتتى. ول ۇلى تابيعاتقا دەگەن قۇرمەتى مەن العىستى سەزىمىن بەينەلەپ، وسى اراداعى ىستەردى، وسى جەردىڭ ءبىر تال ءشوبى مەن ءبىر ءتۇپ اعاشىن، كۇندەلىكتى ۇساق-تۇيەك ىستەردى كوز الدىعا ەلەستەتتى.
جوۋ جىحۇي ۇلى تابيعاتتى قۇرمەتتەۋ، تابيعات زاڭدىلىعىنا سايكەسۋ، باياۋ ءومىر ءسۇرۋ جانە قاناعات ەتۋ سياقتى ءومىر پاراساتىن ءتىپتى دە كوپ ادامعا جەتكىزۋگە ۇمتىلىس جاسادى. ول بىلاي دەدى: التاي سىندى كوپ ۇلت شوعىرلى قونىستانعان وڭىردە مەن ۇلتتار اراسىنداعى جاراسىمدى قاتار ءومىر ءسۇرۋ قاتىناسىن تەرەڭ سەزىندىم، مۇنداي تۇرمىس پوزيتسياسى مەنىڭ جاسامپازدىعىما دا تەرەڭ ىقپال جاسادى. تۋىندىلارىم ارقىلى ادامداردىڭ جاراتىلىستىق ەكولوگياعا نازار اۋدارۋ جانە ونى قورعاۋ ساناسىن وياتىپ، ەكولوگيالىق وركەنيەت كوزقاراسىنىڭ ءتىپتى دە كوپ ادامنىڭ جۇرەگىندە تامىر تارتىپ، وركەن جايۋىنا مۇمكىندىك جاساسام دەيمىن.
بولاشاقتاعى جاسامپازدىق جوسپارى جونىندە جوۋ جىحۇي بىلاي دەدى: مەن نازاردى التايدىڭ ءتورت ماۋسىمىنا ۇزدىكسىز شوعىرلاندىرىپ، كورگەن- بىلگەندەرىمدى ەستەلىككە الامىن. ادەبيەت مەنىڭ ءومىرىمنىڭ ءبىر بولەگىنە اينالدى. ال، تۇرمىس مەنىڭ ادەبي تۋىندىلارىمنىڭ جاسامپازدىق قاينارى. جازدا ماتەريال توپتاۋ، قىستا جاسامپازدىق جاراتۋ مەنىڭ الداعى ءار كۇن، ءار جىلدا، ءتىپتى، بولاشاقتاعى 10 جىلدا مۇقيات ىستەۋگە ءتيىستى ءىسىم.
来源：雪都嘟/阿勒泰地区融媒体中心
记者:常轶茹 实习记者 王景鸿
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
