2 تاراۋ بىرلەسىپ «كاسىپورىن جۇمىسشى – قىزمەتكەرلەرىنىڭ نەگىزدىك زەينەتكەرلىك قامسىزداندىرۋىنداعى اۋرۋ – سىرقاۋلارعا قوسىمشا قاراجات بەرۋ ۋاقىتتىق ءادىسىن» باسىپ تاراتتى
2025 - جىلدان باستاپ كاسىپورىن جۇمىسشى - قىزمەتكەرلەرىنىڭ زەينەتكەرلىك قامسىزداندىرۋىندا اۋرۋ - سىرقاۋلارعا بەرىلەتىن قوسىمشا قاراجات تىڭنان قوسىلادى
ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى تاياۋدا «كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنداعى اۋرۋ - سىرقاۋلارعا قوسىمشا قاراجات بەرۋدىڭ ۋاقىتتىق ءادىسىن» (تومەندە قىسقاشا «ۋاقىتتىق ءادىس» دەلىنەدى) باسىپ تاراتتى، 2025 – جىلى 1 – ايدىڭ 1 - كۇنىنەن باستاپ، كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا قاتىناسقانداردىڭ زاڭدا بەلگىلەنگەن زەينەتكە شىعۋ جاسىنا تولۋدان بۇرىن، ناۋقاس سەبەبىنەن نەمەسە جۇمىستان سىرت مۇگەدەك بولىپ، ەڭبەك قۋاتىنان بۇكىلدەي ايىرىلعاندىعى ساراپتالسا، اۋرۋ، مۇگەدەك بولۋ قوسىمشا قاراجاتىن اي سايىن الۋدى ءوتىنىش ەتۋىنە بولادى، وعان قاجەتتى قارجى نەگىزگى زەينەتكەرلىك قامسىزداندىرۋ قورىنان تولەنەدى.
«ۋاقىتتىق ادىستە» مىنالار ورتاعا قويىلدى: ناۋقاس، مۇگەدەك بولعاندارعا بەرىلەتىن قوسىمشا قاراجاتتىڭ ايلىق ولشەمى مەن تولەۋ مەرزىم شەگى قامسىزداندىرۋعا قاتىناسقانداردىڭ اۋرۋ – سىرقاۋلارعا بەرىلەتىن قوسىمشا قاراجات الۋدى ءوتىنىش ەتكەن كەزدەگى جاسى، اقى تاپسىرعان جيىنتىق جىل شەگى سياقتىلارعا قاراي بەلگىلەنەدى. اۋرۋ، مۇگەدەك بولعاندارعا بەرىلەتىن قوسىمشا قاراجاتتىڭ ايلىق ولشەمى مەملەكەت نەگىزگى زەينەتاقى دەڭگەيىن ءبىرتۇتاس رەتتەگەن كەزدە بىرگە رەتتەلەدى.
«ۋاقىتتىق ادىستە» بىلاي دەپ بەلگىلەنگەن: قامسىزداندىرۋعا قاتىناسۋشىلار اۋرۋ، مۇگەدەك بولۋ قوسىمشا قاراجاتىن السا، مەملەكەتتىڭ نەگىزگى زەينەتكەرلىك قامسىزداندىرۋ قاتىناسىن جوتكەۋ، جالعاستىرۋ جونىندەگى قاتىستى بەلگىلەمە بويىنشا مامىلە الاتىن جەرى تۇراقتاندىرىلادى. اۋرۋ جانە مۇگەدەك بولعاندارعا بەرىلەتىن كومەك اقشاسىن الىپ جاتقان مەزگىلدە نەگىزدىك زەينەتكەرلىك قامسىزداندىرۋ قاراجاتىن تاپسىرمايدى. جالعاستى جۇمىستانعانداردىڭ ءارى مەملەكەتتىڭ بەلگىلەمەسى بويىنشا اقى تاپسىراتىنداردىڭ كەلەرگى ايدان باستاپ، اۋرۋ، مۇگەدەك بولعاندارعا بەرىلەتىن قوسىمشا قاراجات توقتاتىلادى.
«ۋاقىتتىق ادىستە» مىنالار تالاپ ەتىلدى: ناۋقاس، مۇگەدەك قوسىمشا قاراجات الۋدى ءوتىنىش ەتكەندەردە يگىلىك الاتىن جەرىنىڭ نەمەسە ەڭ سوڭىندا قامسىزداندىرۋعا قاتىناسقان ايماق دارەجەلىدەن (رايون، قالا) جوعارى ەڭبەك قابىلەتىن ساراپتاۋ قۇرىلىمىنىڭ بەرگەن ەڭبەك قابىلەتىنەن بۇكىلدەي ايرىلعان ساراپتاۋ قورىتىندىسى بولۋى كەرەك. ولكە دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى اۋرۋ، مۇگەدەك بولىپ قوسىمشا قاراجات العان قىزمەتكەرلەردىڭ ەڭبەك قابىلەتىن قايتا تەكسەرۋ، ساراپتاۋ ءتۇزىمىن ورناتىپ، قايتا تەكسەرىپ، ساراپتاۋ ارقىلى ەڭبەك قابىلەتىنەن بۇكىلدەي ايرىلماعاندارعا كەلەسى ايدان باستاپ اۋرۋ، مۇگەدەك قوسىمشا قاراجات بەرۋدى توقتاتۋ كەرەك. الداپ - ارباۋ، جالعان كۋالىك ماتەريالدارى نەمەسە باسقا دا تاسىلدەر ارقىلى ناۋقاس، مۇگەدەك قوسىمشا قاراجاتىن السا، ادام كۇشى بايلىعى جانە قوعامدىق قامتاماسىزداندىرۋ اكىمشىلىك تاراۋلارى قايتارۋعا بۇيىرادى ءارى قاتىستى زاڭدارداعى بەلگىلەمەلەر بويىنشا قاتىستى ادامداردىڭ جاۋاپكەرشىلىگىن قۋزاستىرادى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
