التايدا قارلى بوران سوعىپ، جولعا مۇز قاتادى
جۇڭگو اۋا رايى تورابىنىڭ ەڭ جاڭا ساقتىق ينفورماتسياسىنا قاراعاندا، 10 – ايدىڭ 22 - كۇنى تۇستە، التاي قالالىق اۋا رايى ستانسياسى جولعا مۇز قاتۋدان ساقتانۋدىڭ، قالىڭ قاردان ساقتانۋدىڭ ساقتىق سيگنالىن جاريالاعان.
جولعا مۇز قاتۋدان ساقتانۋدىڭ سارى ءتۇستى ساقتىق سيگنالىنىڭ كورسەتۋىنشە، مەجەمەن 10 –ايدىڭ 23 – كۇنى تۇستەن كەيىننەن 24 - كۇنى كەشكە دەيىن التاي قالاسىنىڭ تاۋلى رايونىندا قار جاۋىپ، جول بەتىنىڭ تەمپەراتۋراسى 0 سەلتسي گرادۋستان تومەن بولادى، تاۋلى جولداردىڭ قاتىناسىنا ٴتيىمسىز ىقپال جاسايدى، اسىرەسە، التاي – قوم تاسجولىنىڭ فۋياۋ اۆتوتۇراق رايونى، ەكاشا، شاكەندارا، تاڭبالى كورىنىس رايونى، تورعايتى جول بويىندا جولدارعا مۇز قاتادى، ساقتىقتى كۇشەيتۋ كەرەك.
قالىڭ قاردان ساقتانۋدىڭ كوك ءتۇستى ساقتىق سيگنالىندا كورسەتىلۋىنشە، مەجەمەن 10 – ايدىڭ 23 - كۇنى تۇستەن كەيىننەن 10 – ايدىڭ 24 – كۇنى كەشكە دەيىن التاي قالاسىنىڭ تورعايتى، ۋشىلىك، شىبەلەڭ، ۇلكەن ـ كىشى قىران، ەكاشا، تاڭبالى سياقتى تەڭىز دەڭگەيىنەن ءبىرشاما بيىك وڭىرلەردە قالىڭ قار جاۋادى، ساقتىقتى كۇشەيتۋگە نازار اۋدارىڭىزدار.
التاي ايماقتىق اۋا رايى ستانسياسىنىڭ مالىمەتىنە قاراعاندا، 10 - ايدىڭ 23 - كۇنى تۇستەن كەيىننەن 25 - كۇنى تۇستەن بۇرىنعا دەيىن التايداعى وزەن اڭعارلارىنداعى جازىقتاردا جانە تاۋ بوكتەرىندەگى وڭىرلەردە سەبەزگى جاڭبىر جاۋىپ، سولتۇستىك بولەكتەگى، شىعىس بولەكتەگى تاۋلى وڭىرلەردە جاپپاي ورتاشا قار جاۋادى. مۇنىڭ ىشىندە قابا اۋدانى تەرەكتى اۋىلى — اق قابا — نارىن جايلاۋى، التاي قالاسىنىڭ شىبەلەڭ، ۇلكەن - كىشى قىران، تورعايتى، بۋرىلتوعاي اۋدانىنىڭ ساربۇلاق ٴوڭىرى، كوكتوعاي اۋدانىنىڭ كوكتوعاي كورىنىس رايونى، كوكتوعاي حالىقارالىق قار شاڭعى دەمالىس رايونى قاتارلى جەرلەردە قالىڭ قار جاۋادى (جاڭادان جاۋعان قاردىڭ قالىڭدىعى 6 دا 10 سانتيمەترگە جەتەدى)؛ بۋىرشىن اۋدانىنداعى جالدىڭ ءۇيى، قاناس كورىنىس رايونى، قوم كورىنىس رايونى، التاي قالاسىنىڭ ۋشىلىك، ەكاشا، بۋرىلتوعاي اۋدانى قىزىلتاۋ وتكەلى جانە كوكتوعاي اۋدانى، شىڭگىل اۋدانىنىڭ تاۋلى وڭىرلەرىندە قالىڭ قار جاۋادى (جاڭادان جاۋعان قاردىڭ قالىڭدىعى 12 دە 20 سانتيمەترگە جەتەدى).
ەسكەرتۋ: تاۋلى رايوندا قار قالىڭ جاۋادى، كورۋ دارەجەسى وڭاي تومەندەيدى، مۇز قاتادى جانە قالىڭ قار تۇسەدى، اۆتوكولىكپەن قاتىناعاندا اۋا رايىنىڭ الدىن الا بەرىلگەن مالىمەتىنە نازار اۋدارىپ، قىستىق بالوندى دەر كەزىندە الماستىرىپ، جولدى ۋاقىتىندا وزگەرتىپ، ساقتانۋ دايىندىعىن جاقسى ىستەۋ كەرەك؛ سىرتقا شىققاندا كيىمدى قالىڭ كيىپ، جىلۋ ساقتاۋ شارالارىن جاقسى ىستەۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
