حالىق گازەتىىڭ ءتىلشىسى كوۋ جياڭزى 10 – ايدىڭ 20 – كۇنى بەيجيڭنەن حابارلايدى. ءتىلشىنىڭ ەكولوگيالىق ورتا مينيسترلىگىنەن ۇعىسۋىنشا، پارتيا ورتالىق كوميتەتى مەن مەملەكەتتىك كەڭەستىڭ بەكىتۋىنە ساي، ورتالىقتىڭ ەكولوگيالىق ورتانى قورعاۋ جونىندەگى ءۇشىنشى اينالىمداعى ءۇشىنشى توپتاعى قاداعالاۋى جاپپاي باستالعان.
ۇعىسۋعا قاراعاندا، وسى توپتاعى قاداعالاۋ بارىسىندا ورتالىقتىڭ ەكولوگيالىق ورتانى قورعاۋدى قاداعالاۋ گرۋپپاسىنان 8 گرۋپپا ۇيىمداستىرىلىپ، جەكە – جەكە جياڭسۋ، انحۇي، سىچۋان، گۇيجوۋ قاتارلى 4 ولكەگە، سونداي – اق، جۇڭگو مۇناي – تابيعي گاز توبى شەكتى سەرىكتەستىگى، جۇڭگو مۇناي – حيميا ونەركاسىپ توبى شەكتى سەرىكتەستىگى، جۇڭگو جۇڭحۋا شەكتى جارنا سەرىكتەستىگى، جۇڭگو حيميالىق ينجەنەريا توبى شەكتى سەرىكتەستىگى سىندى ورتالىققا قاراستى ءتورت كاسىپورىنعا ءبىر ايلىق مەرزىممەن ورنالاسىپ، قاداعالاۋ قىزمەتىن ورىستەتەدى.
قاداعالاۋ بارىسىندا باستان – اياق شي جينپيڭنىڭ ەكولوگيالىق وركەنيەت يدەياسىن، باس شۋجي شي جينپيڭنىڭ ماڭىزدى نۇسقاۋلارى مەن بەكىتپەلەرىنىڭ رۋحىن دايەكتى تياناقتاندىرۋ جاعدايىن ەڭ ماڭىزدى قىزمەت رەتىندە قاراپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات تياناقتاندىرىپ، ەكونوميكانىڭ دامۋى مەن حالىق تۇرمىسىنا كەپىلدىك ەتۋ جانە ەكولوگيالىق ورتانى قورعاۋ قىزمەتىن ءبىرتۇتاس جوسپارلاپ، ەكونوميكانى دامىتۋ سىندى جالپى جاعدايعا قىزمەت وتەپ، جۇيە كوزقاراسىنا تاباندى بولىپ، ماسەلەنى باعدار ەتۋگە جانە قاتاڭ بولۋ نەگىزگى اۋانىندا تاباندى بولىپ، قىزمەتتى دالمە – ءدال، عىلىمي، زاڭدى ورىستەتۋگە تاباندى بولىپ، قاداعالاۋ سىندى وتكىر قىلىشتىڭ رولىن تولىق ساۋلەلەندىرىپ، جوعارى ساپالى قورعاۋ ارقىلى جوعارى ساپالى دامۋدى ىلگەرىلەتەدى.
قاداعالاۋ بارىسىندا، قاداعالاۋ گرۋپپاسى فورماشىلدىقتى وزگەرتىپ، جونگە سالىپ، نەگىزگى ساتىداعىلاردىڭ اۋىرتپالىعىن جەڭىلدەتۋگە قاتىستى تالاپتاردى مۇقيات تياناقتاندىرىپ، نەگىزگى ساتىداعىلاردىڭ اۋىرتپالىعىن شىنايى جەڭىلدەتەدى.
ورنالاسقان مەزگىلىندە، ءارقايسى قاداعالاۋ گرۋپپالارى جەكە – جەكە بايلانىس تەلەفونى مەن حات ساندىعىن ورنالاستىرىپ، قاداعالاۋ وبيەكتىلەرىنىڭ ەكولوگيالىق ورتانى قورعاۋىنا قاتىستى ماسەلەلەردى حات ارقىلى نەمەسە تەلەفون ارقىلى اشكەرەلەۋدى قابىلدايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
